باعا مونيتورينگى جانە ارەكەت ەتۋ شارالارى بويىنشا جۇرگىزىلىپ جاتقان جۇمىستار تۋرالى ساۋدا جانە ينتەگراتسيا ءمينيسترى باقىت سۇلتانوۆ پەن باسەكەلەستىكتى قورعاۋ جانە دامىتۋ اگەنتتىگىنىڭ توراعاسى سەرىك جۇمانعارين, ازىق-ت ۇلىكپەن قامتاماسىز ەتۋ جونىندە اۋىل شارۋاشىلىعى ءمينيسترى ساپارحان وماروۆ باياندادى.
2020 جىلى ۇكىمەت پەن اكىمدىكتەر ازىق-ت ۇلىك ءوندىرۋدى, ساقتاۋدى جانە بارلىق وڭىرلەرگە جەتكىزۋدى قامتاماسىز ەتۋ بويىنشا شارالار كەشەنىن قابىلدادى. الەۋمەتتىك ماڭىزى بار تاۋارلاردىڭ شەكتى باعاسى بەلگىلەندى, «قايتارىمدى سحەما» ارقىلى باعانى وسىرمەۋ بويىنشا مىندەتتەمە العان ساۋدا جەلىلەرىنە جەڭىلدىكتى قارىز بەرۋ تاجىريبەسى كەڭەيتىلدى. اۋىل شارۋاشىلىعى تاۋارىن وندىرۋشىلەرگە مەملەكەتتىك قولداۋ شارالارى كورسەتىلدى.
قابىلدانعان شارالار الەۋمەتتىك ماڭىزى بار تاۋارلار باعاسىنىڭ ءوسۋىن تۇراقتاندىرۋعا مۇمكىندىك بەردى. الايدا, بيىلعى قاڭتاردان باستاپ باعانىڭ 2,6%-عا ءوسۋى بايقالادى. وسىعان بايلانىستى الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ بويىنشا جول كارتاسى ازىرلەندى. قۇجات مونوپولياعا قارسى جانە ساۋدا شارالارىن قابىلداۋدى, ءوندىرىستى ۇلعايتۋدى جانە كاسىپورىنداردى قولداۋدى, سونداي-اق بىرقاتار زاڭنامالىق وزگەرىستەردى كوزدەيدى.
ۇكىمەت باسشىسى الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ بويىنشا جول كارتاسىن ىسكە اسىرۋعا كىرىسۋدى تاپسىردى. باسەكەلەستىكتى قورعاۋ جانە دامىتۋ اگەنتتىگىنە ءاربىر تاۋار پوزيتسياسى بويىنشا باعا بەلگىلەۋ تىزبەگىن ەگجەي-تەگجەيلى زەردەلەۋ جانە نارىقتىڭ جوسىقسىز ءىرى قاتىسۋشىلارى اراسىندا ءسوز بايلاسۋعا جول بەرمەۋ ءۇشىن ۋاقىتىلى مونوپولياعا قارسى شارالار قابىلداۋ, ساۋدا جانە اۋىل شارۋاشىلىعى مينيسترلىكتەرىمەن, اكىمدىكتەرمەن بىرلەسىپ, الەۋمەتتىك ماڭىزى بار ازىق-ت ۇلىك ونىمدەرىنىڭ بارلىق تۇرلەرى بويىنشا باعانىڭ نەگىزسىز وسۋىنە جول بەرمەۋگە قاتاڭ باقىلاۋ ورناتۋ تاپسىرىلدى. ساۋدا جانە ينتەگراتسيا مينيسترلىگىنە ازىق-ت ۇلىك باعاسىنىڭ وسۋىنە اسەر ەتەتىن تاۋارلار مەن شيكىزاتتىڭ ەكسپورتى مەن يمپورتىنا قاتىستى ساۋدا شارالارى بويىنشا ۇسىنىستار ەنگىزۋ تاپسىرىلدى. بۇل رەتتە ۇلتتىق تاۋار وتكىزۋ جۇيەسىن قۇرۋدى, ونىڭ ىشىندە كوتەرمە-تاراتۋ ورتالىقتارىن قۇرۋدى, سونداي-اق ساۋدا پروتسەستەرىن تسيفرلاندىرۋدى جەدەلدەتۋ قاجەت.
اۋىل شارۋاشىلىعى مينيسترلىگىنە ىشكى نارىقتى ورتا مەرزىمدى پەرسپەكتيۆادا ازىق-ت ۇلىك تاۋارلارىمەن تولىقتىرۋ جونىندەگى كەشەندى جوسپار قابىلداۋدى قامتاماسىز ەتۋ, اكىمدىكتەرمەن بىرلەسىپ, وففتەيك-كەلىسىمشارتتار مەن فورۆاردتىق ساتىپ الۋ اياسىندا «ازىق-ت ۇلىك كورپوراتسياسى» ۇك» اق ازىق-ت ۇلىك تاۋارلارىنىڭ جەكەلەگەن تۇرلەرىن ساتىپ الۋ ماسەلەلەرىن پىسىقتاۋ, الەۋمەتتىك ماڭىزى بار ازىق-ت ۇلىك تاۋارلارىن وندىرۋشىلەرگە مەملەكەتتىك قولداۋ شارالارىن كورسەتۋ, ونىڭ ىشىندە سۋبسيديالاۋدى, وندىرۋشىلەردىڭ قارسى مىندەتتەمەلەرىن بەلگىلەۋدى قاراستىرۋ تاپسىرىلدى.
پرەمەر-مينيستر اكىمدىكتەرگە تۇراقتاندىرۋ قورلارىنىڭ قىزمەتىندە فورۆاردتىق ساتىپ الۋ سحەماسىن قولدانۋدى, «قايتارىمدى سحەماعا» قاراجات ءبولۋدى ەلەۋلى تۇردە ۇلعايتۋدى, يمپورتقا تاۋەلدى تاۋارلار ءوندىرىسىن ۇلعايتۋ بويىنشا جوبالاردى باسىم تۇردە ىسكە اسىرۋدى, وتە قاجەتتى اۋىل شارۋاشىلىعى داقىلدارىنىڭ (قاراقۇمىق, مايلى داقىلدار, باقشا, جەم-ازىق داقىلدارى) ەگىس القاپتارىن ۇلعايتۋدى تاپسىردى.
