ء«بىر جىل بۇرىن ددسۇ پاندەميانىڭ باستالعانىن جاريالادى. سودان بەرى قازاقستان بۇكىل الەممەن بىرگە كوپتەگەن قيىندىقتى باستان وتكەردى. مەملەكەت ازاماتتاردىڭ ءومىرى مەن دەنساۋلىعىن قورعاۋ ءۇشىن پارمەندى شارالار قابىلدادى. توتەنشە جاعداي كەزىندە تابىسسىز قالعان تۇرعىندارعا قارجىلاي جانە باسقا دا كومەك بەرىلدى. ءبىز بەرەكە-بىرلىك پەن ءوزارا قولداۋدىڭ ارقاسىندا ورشىگەن ىندەتتى ەڭسەردىك», دەپ جازدى پرەزيدەنت.
وسى ورايدا مەملەكەت باسشىسى دەرتتىڭ قاتەرى ءالى دە سەيىلمەگەنىن ايتتى.
«ۆيرۋستى ۆاكتسيناتسيا ارقىلى عانا تۇبەگەيلى اۋىزدىقتاي الامىز. بارشا وتانداستارىمىزدى اۋىرىپ ەم ىزدەگەنشە, اۋىرمايتىن جول ىزدەۋگە شاقىرامىن», دەلىنگەن جازبادا.
