قازاقستاننىڭ سول كەزدەگى باس سانيتارلىق دارىگەرى جانداربەك بەكشيننىڭ بولجامى بىردەن الەۋمەتتىك جەلىلەردە تاراپ, مەمگە اينالىپ, اسىرەسە, «ناكونەتس-تو» دەگەن ءسوزى كوپشىلىكتىڭ قىزۋ تالقىسىنا تۇسكەن ەدى.
ول بىلتىر وتكەن وكق بريفينگىسىندە: ء«بىزدىڭ بولجامىمىز بويىنشا شامامەن 11-16 ناۋرىز ارالىعىندا ەلىمىزدە كوروناۆيرۋس تارالادى. بىراق بۇل بولجام. بىزدە كوروناۆيرۋس پايدا بولا سالىسىمەن بىردەن ارنايى شارالار قابىلدايتىن بولامىز», دەپ جاۋاپ بەردى.
وسى تۇستا جانداربەك بەكشيننىڭ بولجامى راستالىپ, ەلىمىزدە 13 ناۋرىز كۇنى العاش رەت كوروناۆيرۋس جۇقتىرعان جاندار تىركەلدى. جۇقتىرعانداردىڭ ەڭ العاشقىلارى گەرمانيادان ۇشىپ كەلگەن ايەل مەن ەر ادام بولدى.
ءدال وسى مالىمدەدەن كەيىن كوپ ۇزاماي باس سانيتار قىزمەتىنەن بوساتىلدى. دەسە دە, ۋاقىت وتە كەلە, ول الماتى قالاسىنىڭ باس سانيتارلىق دارىگەرى بولىپ تاعايىندالدى.
ەسكە سالا كەتەيىك, ەلدە قاۋىپتى ىندەت جاپپاي تارالىپ, قاتاڭ كارانتيندىك شارالار قابىلداندى. الدىن الۋ ماقساتىندا رەسپۋبليكا كولەمىندە توتەنشە جايداي رەجىمى ەنگىزىلدى. بارلىق ايماقتا بلوك-بەكەتتەر قويىلىپ, ەمىن-ەركىن جۇرۋگە تىيىم سالىنعان ەدى.
ايتا كەتەرلىگى, قازىرگى قازاقستاننىڭ سانيتارلىق-ەپيدەميالىق احۋالى تۇراقتالدى. وسى ورايدا ۇكىمەت ءتيىستى شارالاردى دەرەۋ قابىلداپ جاتىر. ەلدە بەيداۋا كەسەلگە قارسى ۆاكتسينانى 1 اقپاننان باستاپ ەگۋ قولعا الىندى.
