قازاقستاندىق دارىگەرلەر, ەرىكتىلەر, زاڭگەرلەر, قۇقىق قورعاۋشىلار مەن بەلسەندىلەر تۋرالى فوتوسۋرەتتەر مەن بەينەلەر گالەرەياسىن كورسەتەتىن كورمە وسىدان كەيىن «مەگا» ساۋدا ويىن-ساۋىق ورتالىعى مەن مەتروپوليتەندە جالعاسپاق.
كورمە ماتەريالدارى ايەلدەردىڭ پاندەميا كەزىندە باسقالارعا كورسەتكەن رياسىز كومەگىن كورسەتەدى. جوبا يدەياسىنىڭ اۆتورى اكتريسا, بەلسەندى جانە ء«بوپe» وتباسى مەن نەكە ينستيتۋتىن مودەرنيزاتسيالاۋ قورىنىڭ نەگىزىن قالاۋشى اينۇر ءىلياسوۆا. جوبانىڭ شىعارماشىلىق توبىنا فوتوگراف باۋىردجان بيسميلدين, ۆيدەوگراف جانە رەجيسسەر ۆانيا ابراموۆ پەن جۋرناليست وكسانا ۆاسيلەنكو كىردى.
«حالىقارالىق ايەلدەر كۇنى – بۇل بۇكىل الەمدەگى ايەلدەردىڭ كۇش-جىگەرىن اتاپ ءوتۋ مۇمكىندىگى. ولار پاندەميامەن كۇرەسكە جۇمىلدىرىلعان جۇمىسشىلاردىڭ كوپشىلىگىن قۇرايدى. دارىگەرلەر مەن زاڭگەرلەردەن باستاپ ەرىكتىلەر مەن ماڭىزدى سالالاردا قىزمەت اتقاراتىن قاتىسۋشىلاردان تۇراتىن بۇل فوتوكورمە الەمدىك داعدارىس جاعدايىنا قاراماستان باتىلدىق, توزىمدىلىك پەن جانقيارلىق تۋرالى اڭگىمەلەرىمەن تانىسۋعا بولادى. پاندەميا ادامزات بالاسىنا ءبارىمىز بىرىگىپ جۇمىس اتقارعاندا عانا كوپ نارسەگە قول جەتكىزەتىنىمىزدى كورسەتتى. وسى كۇنى باسشىلىق لاۋازىمداردا قىزمەت اتقارمايتىن ايەلدەردە, مۇمكىندىك جاسالىنعان جاعدايدا قوعامنىڭ بارلىق دەڭگەيلەرىندە وزگەرىس ەنگىزە الاتىندىعىن ەسكە سالايىق», دەيدى يۋنفپا-نىڭ قازاقستانداعى وكىلى جانە قىرعىزستان مەن تۇرىكمەنستان ءۇشىن ەلدىك ديرەكتورى دجۋليا ۆالەزە.
«بيىلعى حالىقارالىق ايەلدەر كۇنى ايەلدەردىڭ تەڭ قۇقىلى قاتىسۋىنىڭ قۋاتىن كورسەتەدى. COVID-19 قارسى كۇرەستە بىزگە دۇرىس شەشىمدەردى قابىلداۋ ءۇشىن ايەلدەردىڭ ءرولى ماڭىزدى. بىزگە ايەلدەر ينفەكتسيانىڭ قايتا ءورشۋى, جۇمىس كۇشىنىڭ جەتىسپەۋشىلىگى, ءتىپتى الەۋمەتتىك تولقۋدىڭ ەكىنشى رەت جاندانۋى سياقتى ەڭ اۋىر ستسەناريلەردىڭ الدىن الۋ ءۇشىن قاجەت. بىزگە ىندەتپەن كۇرەسۋ ءۇشىن ايەلدەر كەرەك. بىزگە الدىڭعى شەپتەگى ايەلدەر كەرەك», دەيدى قازاقستانداعى بۇۇ تۇراقتى ۇيلەستىرۋشىسى ميكاەلا فريبەرگ-ستوري.
«مەن ناۋرىز ايىنان بەرى «قىزىل ايماقتا» جۇمىس ىستەدىم. ولار ماعان باتىر ەكەنىمدى ايتقاندا تاڭ قالامىن. ءيا, ءبىزدىڭ ارامىزدا قورقىپ, كەتىپ قالعاندار بولدى, بىراق مەن كەتىپ قالسام دارىگەردىڭ اق حالاتىنا ساتقىندىعىم بولىپ ەسەپتەلەتىنىن سەزىندىم, سەبەبى كومەككە مۇقتاج ادامداردى تاعدىردىڭ راقىمىنا قالدىرۋدى ءجون كورمەدىم», دەدى ينفەكتسيونيست-دارىگەر جانە ۆيرۋسولوگ قارلىعاش ابديەۆا.
شىلدە ايىنان باستاپ ول COVID-19 تەستىلەۋ دياگنوستيكا بولىمىندە جۇمىس ىستەيدى.
بۇكىل الەمدە پاندەميا جاريالانىپ, كارانتين باستالا سالىسىمەن, بەلگىلى پسيحولوگ جانە قازاقستانداعى ترانزاكتسيالىق تالداۋدى دامىتۋ ۇيىمىنىڭ پرەزيدەنتى زاۋرەش ساپابەكوۆا ادامدارعا كومەك قاجەت بولاتىنىن تۇسىنگەن, سوندىقتان ارىپتەستەرىنە «كوروناۆيرۋستىق پاندەميا كەزىندەگى قازاقستان حالقىنا قولداۋ» دەپ اتالاتىن جوبانى ويلاپ تابادى.
ء«بىز ادامدار ۇيلەرىندە جابىلعان كەزدە, وتباسىلىق زورلىق-زومبىلىق ەكى ەسەگە وسەدى دەپ كۇدىكتەندىك. سولاي بولدى. سەبەبى ءبىزدىڭ ايەلدەر بەيىمدەلگىش, تاۋەلدى جاعدايدا ءومىر سۇرۋگە داعدىلانعان. ەگەر ول ءۇش بالانى دۇنيەگە اكەلسە, 10-15 جىل ۇيدە وتىرسا, وندا ونىڭ ماماندىعى, جۇمىسى جوق ەكەنى انىق. ال ەر ادام, ايەلىنىڭ ەشقايدا كەتپەيتىنىن ەسكەرىپ, تىنىش وتىراتىنىن بىلەدى جانە بالالاردى ۇرىپ-سوعىپ, مازاقتاپ, فيزيكالىق تۇردە جازالايتىندارى تاعى بار. وعان ەشتەڭە بولمايدى, ايەلى بالالارىمەن ەشقايدا كەتپەيدى, ويتكەنى باراتىن جەرى جوق», دەدى زاۋرەش ساپابەكوۆا.
ء«بىز تەك 15 سيۋجەتتى ۇسىنعانىمىزعا قاراماستان, ءبىز كەرەمەت كۇش پەن باتىلدىق كورسەتكەن ايەلدەر سانىنىڭ شەكسىز بولۋى مۇمكىن ەكەنىن تۇسىنەمىز. وسى وقيعالاردىڭ كوپشىلىگى ءبىزدىڭ جۇرەگىمىزدى ەلجىرەتكەنى راس. مەن ءۇشىن ەڭ باستى قورىتىندى - كورمە مەيىرىمدىلىكتى كوزدەيدى. ءار فوتوسۋرەتتىڭ ارتىندا تاريح جاتىر, ولاردىڭ ىندەتتەن قۇتقارۋ جولىندا جاسالىپ جاتقان جۇمىستارى تاعى بار», دەيدى جوبانىڭ نەگىزىن قالاۋشى اينۇر ءىلياسوۆا.
