ال ساراپشىلار ءبىر جىلدان كەيىن ەكونوميكانىڭ ءوسۋ قارقىنى داعدارىسقا دەيىنگى دەڭگەيگە ورالادى, دەيدى.
زەرتتەۋدە قارجى نارىعىنىڭ كاسىبي قاتىسۋشىلارىنىڭ, بانك, ساقتاندىرۋ, بروكەرلىك ۇيىمدار وكىلدەرىنىڭ, تالداۋ جانە قازىناشىلىق بولىمشەلەرى قىزمەتكەرلەرىنىڭ پىكىرى زەردەلەندى. وسى جاريالانىمدا كەلەسى نەگىزگى ينديكاتورلار بويىنشا بولجامدارعا قاتىستى سۇراقتارعا رەسپوندەنتتەردىڭ جاۋاپتارى بەرىلگەن. بۇل ينديكاتورلار – Brent ماركالى مۇنايدىڭ قۇنى; رەسەي رۋبلىنە قارسى اقش دوللارىنىڭ قۇنى; قازاقستاندىق تەڭگەگە قارسى اقش دوللارىنىڭ قۇنى; ينفلياتسيا; ءجىو; قرۇب بازالىق مولشەرلەمەسى.
ءوز كەزەگىندە ينفلياتسيالىق تاۋەكەلدەر تۋرالى جوعارىلاۋ بازالىق مولشەرلەمەنى ودان ءارى تومەندەتۋگە كەدەرگى كەلتىرەدى. سوندىقتان ساراپشىلار قرۇب باسقارماسى وتىرىسىنىڭ قورىتىندىسى بويىنشا ونى 9 ناۋرىزدا 9,0% دەڭگەيىندە ساقتايدى دەپ كۇتۋدە.
بۇل رەتتە, ورتاشا مەرزىمدى كۇتۋلەر ءبىر ءماندى ەمەس: ساراپشىلاردىڭ 43%-ى مولشەرلەمەنىڭ ساقتالۋىن, 36%-ى-تومەندەۋدى, قالعان 21%-ى-ارتۋدى كۇتۋدە.
ۇلتتىق ۆاليۋتانى قىسقا مەرزىمدى نىعايتۋ ءۇشىن الەۋەت تاۋسىلعان جوق, بىراق ورتا مەرزىمدى نىعايتۋ ءۇشىن — شەكتەلگەن. USDKZT جۇبى بويىنشا ءبىر ايدان كەيىن ورتاشا باعام — 418,6 تەڭگە, ءبىر جىلدان كەيىن — 432,0 تەڭگە.
ءجىو ءوسىمى بويىنشا بولجام 2022 جىلدىڭ ءبىرىنشى توقسانىنىڭ سوڭىندا ەل ەكونوميكاسىنىڭ ءوسۋى داعدارىس دەڭگەيىنە دەيىن دەرلىك ورالادى دەپ بولجايدى. قازاقستاننىڭ ءجىو ءوسىمى 12 ايدان كەيىن 3,5% (بۇرىن 3,1%) قۇرايدى دەپ كۇتىلۋدە.
ينفلياتسيانىڭ ءوسۋى قىسقا مەرزىمدى ەمەس. ساراپشىلاردىڭ ينفلياتسيالىق كۇتۋلەرى پاندەميا دەڭگەيىنە دەيىن جوعارى, بىراق سوڭعى 4 ايداعى ناقتى ينفلياتسيادان تۇراقتى تومەن.
نەگىزگى سىرتقى فاكتورلار كەلەسى 12 ايدا ءبىر باعىتتا وزگەرۋى مۇمكىن.
