– 15 اقپانداعى جاعداي بويىنشا 1 072 لومباردقا قاتىستى ماجبۇرلەپ جابۋ تۋرالى شەشىم شىعارىلدى. 144 لومبارد بويىنشا سوت شاعىمدى قاراستىرعان جوق, 143 لومباردقا قاتىستى شاعىمدار قايتارىلىپ الىندى. قالعان 368 لومباردتى ماجبۇرلەپ جابۋ ماسەلەسى سوتتا قارالىپ جاتىر, – دەيدى اگەنتتىك باسشىسى ءمادينا ابىلقاسىموۆا.
ونىڭ ايتۋىنشا, بارلىق ميكرو قارجى ۇيىمدارى 2020 جىلدىڭ 1 قاڭتار – 1 شىلدە ارالىعىندا اگەنتتىكتىڭ ەسەپتىك تىركەۋىنەن وتۋگە مىندەتتەلگەن. 2020 جىلدىڭ قورىتىندىسى بويىنشا, ونداي تىركەۋدەن 664 لومبارد وتكەن. بۇل تىركەۋدەن وتپەگەن زاڭدى تۇلعالار, ونىڭ ىشىندە لومباردتار ماجبۇرلەپ جابىلۋ شەشىمىن ورىندايدى.
بىلتىر جىل سوڭىندا لومباردتار ۇلتتىق ليگاسى قاۋىمداستىعى 2020 جىلى ەلدەگى لومباردتاردىڭ 80 پايىزى جابىلعانىن مالىمدەگەن ەدى. قارجىلىق پيراميدالاردىڭ كەڭىنەن تارالۋى لومباردتار قىزمەتىنە قويىلاتىن تالاپتىڭ كۇشەيۋىنە الىپ كەلدى. ءوز كەزەگىندە ميكروقارجى ۇيىمدارى مۇنداي بيىك تالاپتاردى ورىنداي المادى. اقىرىندا نارىقتان كەتۋگە ءماجبۇر بولعان. پاندەميا دا مۇنداي قارجى ۇيىمدارىنىڭ قىزمەتىنە كەدەرگىسىن تيگىزدى.
