– ەگەر تاۋار ساتساڭىز, تاۋار قايدان كەلەدى, ونى قالاي قابىلداۋ, راسىمدەۋ, ساتۋ, قايدا ساقتاۋ قاجەتتىگىن ءبىلۋىڭىز كەرەك. وسى پروتسەستەردىڭ ءبارىن يگەرىپ, بارلىق سۇراق جاۋابىن بىلگەن سوڭ, قىزمەتىڭىزدى ءبولىپ, كاسىبي مامانداردى جالداي الاسىز, – دەيدى ا.قوشمامبەتوۆ.
پالاتا باسشىسىنىڭ سوزىنشە, ءاربىر باعىت بويىنشا ناقتى وقۋ كۋرستارى بار. ماسەلەن, كاسىپكەر SMM نەمەسە بۋحگالتەرلىك ەسەپتىلىكتى بىلسە, Atameken اcademy پورتالىنان وقۋعا قاتىسۋعا بولادى.
– بۇدان بولەك, «باستاۋ بيزنەس» ارنايى باعدارلاماسى بار. ءۇش اپتا بويى تىڭداۋشى كاسىپكەرلىك نەگىزدەرىن وقيدى, سودان كەيىن 200 اەك كولەمىندە گرانت نەمەسە جىلدىق 6 پايىزبەن نەسيە الۋعا مۇمكىندىگى بولادى. سونىمەن قاتار 5 ملن تەڭگەگە دەيىن يننوۆاتسيالىق گرانت الۋعا دا مۇمكىندىك بەرىلگەن, – دەيدى پالاتا باسشىسى.
2021 جىلى «باستاۋ بيزنەس» بويىنشا الماتىدا 2 مىڭ ادامدى وقىتۋ جوسپارلانىپ وتىر. سونىمەن قاتار قۇنى 200 اەك (583 مىڭ تەڭگە) بولاتىن 1 مىڭ گرانت قاراستىرىلعان. بۇل جوباعا قاتىسىپ, كاسىپكەرلىك نەگىزىن يگەرگىسى كەلگەن ءاربىر ازامات جەكە كۋالىگىن الىپ جۇمىسپەن قامتۋ ورتالىعىنا بارۋى شارت.
قالالىق جۇمىسپەن قامتۋ ورتالىعىنىڭ ديرەكتورى ديليارا يمانقۇلوۆانىڭ ايتۋىنشا, 2020 جىلى شاھاردا 34 855 ادام جۇمىسقا تۇرعان. ونىڭ 10 مىڭنان استامى «جۇمىسپەن قامتۋدىڭ جول كارتاسى – 2020» ارقىلى كاسىپ تاپقان. اسىرەسە, IT سالاسىندا سۇرانىس ارتىپ كەلەدى. 2021 جىلى 20 مىڭنان استام ادامدى جۇمىسقا ورنالاستىرۋ جوسپارلانىپ وتىر.
الماتى
