– بىزدە بار مالىمەتتەر بويىنشا, پاندەميا كەزەڭىندە قوستاناي وبلىسىندا 1522 شارت بويىنشا جەرگىلىكتى اتقارۋشى ورگاندار مەن كۆازيسەكتور الاڭدارىن جالداپ وتىرعان 1087 بيزنەس نىسانى جالعا الۋ اقىسىن تولەۋدى توقتاتتى. سونىمەن قاتار, كارانتين كەزەڭىندە بيزنەستى قولداۋ ماقساتىندا جۇرگىزىلگەن جۇمىستاردىڭ ناتيجەسىندە بىرقاتار كاسىپكەرلەردىڭ جالعا الىپ وتىرعان عيمارات اقىسىن تولەۋ مەرزىمى شەگەرىلسە, ەندى بىرەۋلەرىنىكى قايتا ەسەپتەلىپ, ارەندا اقىسى 50%-عا دەيىن تومەندەتىلدى. وبلىس بويىنشا مۇنداي جەڭىلدىككە 3 500-دەن استام كاسىپكەر يە بولىپ وتىر, – دەدى وبلىستىق كاسىپكەرلەر پالاتاسىنىڭ ديرەكتورى مۇرات ابەنوۆ.
ەستەرىڭىزگە سالا كەتسەك, وتكەن جىلى قازاقستاندا پاندەميادان زارداپ شەككەن شاعىن جانە ورتا بيزنەس نىساندارى مەملەكەت پەن كۆازيمەملەكەتتىك سەكتوردىڭ مۇلكىن جالداۋ اقىسىنان بوساتىلعان ەدى. مەملەكەتىك كوميسسيا بيىل 5 ناۋرىزدا كاسىپكەرلەردى قولداۋ جونىندەگى شۇعىل پاكەتتى ماقۇلداپ, كاسىپكەرلەردى جالداۋ اقىسىنان بوساتۋدى 2021 جىلدىڭ 1 شىلدەسىنە دەيىن ۇزارتىپ وتىر.
