ەۆدوكيا الەكساندروۆنا ەكى جىل بويى جارىقپەن اۋىرعان. سوڭعى ۋاقىتتا جاعدايى ناشارلاي تۇسكەن كەيۋانا 2 ناۋرىز كۇنى جەدەل مەديتسينالىق جاردەم قىزمەتىنىڭ كولىگىمەن №4 قالالىق اۋرۋحاناسىنا جەتكىزىلەدى.
«سىرقات 1920 جىلى دۇنيەگە كەلگەن. ءىش قۇرىلىسىنىڭ اۋىراتىنىنا شاعىمدانعان. دارىگەرلەر تەكسەرۋىنەن بەلگىلى بولعانى: كىندىك گرىجاسىنىڭ ءتۇيىلۋى. ناۋقاستىڭ دەنساۋلىعى اۋىر بولعان. حيرۋرگيالىق كومەكسىز سىرقاتتىڭ جاعدايى تۇزەلمەس ەدى. دارىگەرلەر جەدەل شەشىم قابىلداپ, وتا جاسادى. وتا 30 مينۋتقا سوزىلىپ, ءساتتى اياقتالدى. 101 جاستاعى ەۆدوكيا الەكساندروۆنا وتاعا شىداي الدى» – دەپ №4 قالالىق اۋرۋحاناسىندا حيرۋرگى مارلەن دايراباەۆ.
ەۆدوكيا الەكساندروۆنانىڭ ساۋىعىپ كەتۋى ءۇشىن وپەراتسيالىق بريگادا تىك تۇرىپ ەڭبەك ەتتى. ويتكەنى, دارىگەرلەر ءۇشىن وتا ستولىنداعى ءبىر عاسىرلىق عۇمىرى, تاريحى بار ناۋقاستى اجالجان امان الىپ قالۋ – ۇلكەن جاۋاپكەرشىلىك. اسقىنعان سىرقاتىنان قۇلان-تازا ايىققان ەۆدوكيا الەكساندروۆنا امان-ەسەن وتباسىنا ورالدى.
№4 قالالىق اۋرۋحاناسىنىڭ حيرۋرگى – رايىمحانوۆ ايدار دۇيسەن ۇلى جانە انەستەزيولوگى – ەلىباەۆ عالىم كارل ۇلى.
الداعى 14 ناۋرىزدا كەيۋانا 101 جاسقا تولادى. اۋرۋحانادان ونى جاقىن ادامدار قارسى الادى, ەۆدوكيا الەكساندروۆنا استانا جانە الماتى ەپارحياسى اقجار پوسەلكەسىندەگى جەرگىلىكتى «پريحود حرام پرەسۆياتوي بوگوروديتسى» پروۆوسلاۆتىق ءدىني بىرلەستىگى جانىنداعى قارتتارعا ارنالعان ۇيدە تۇرادى.
ء«بىز №4 قالالىق اۋرۋحاناسىنىڭ دارىگەرىلەرىنە وتە ريزامىز, سەبەبى كەيۋاناعا ەكىنشى رەت ءومىر سۇرۋگە مۇمكىندىك بەردى. ەۆدوكيا الەكساندروۆنا ۇيدە جاتىپ قايتىس بولىپ كەتۋى مۇمكىن بولعاندىقتان, جەدەل جاردەم قىزمەتىن شاقىردىق, جاسى تۋرالى تىپتەن, اڭگىمەدە بولعان جوق. اجەي قىرعىزستاننىڭ تۋماسى, ەكى جىل بۇرىن وسى پانسيوناتقا كەلگەن بولاتىن. ونىڭ ەستە ساقتاۋ قابىلەتى وتە جاقسى, 100-دەن استام اندەردى, ولەڭدەر جاتقا ايتادى. پانسيوناتتا 20 قارت بار, بارلىعىنا بىردەي بارىنشا مەيىرىم مەن سۇيىسپەنشىلىكپەن قارايمىز. دارىگەرلەرگە شىن جۇرەكتەن العىسىمىزدى ايتامىز. ويتكەنى, بىلگىر مەديتسينا ماماندارىنىڭ ارقاسىندا ەۆدوكيا الەكساندروۆنا 101 جاسىن اتاپ وتەدى» – دەيدى شىركەۋ قىزمەتكەرى ولگا براجنيكوۆا.
