قازاقستان • 08 ناۋرىز، 2021

التاي كولگىنوۆ ايەلدەر كۇنى مەرەكەسىمەن قۇتتىقتادى

16 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا حالىقارالىق ايەلدەر كۇنى – 8 ناۋرىز مەرەكەسىمەن قۇتتىقتادى، دەپ حابارلايدى Egemen.kz قالا اكىمدىگىنىڭ رەسمي سايتى.

«ارداقتى انالار، اياۋلى اپكە-قارىنداستار!

سىزدەردى حالىقارالىق ايەلدەر كۇنى – 8 ناۋرىز مەرەكەسىمەن شىن جۇرەكتەن قۇتتىقتايمىن! مەرەكە قارساڭىندا بىرقاتار كونتسەرتتەر ۇيىمداستىرىلدى. قىزمەتكەرلەرىمىز ازىق-ت ۇلىكتەر اپارىپ بەرۋدە. سىزدەرگە دەگەن العىسىمىزدى جەتكىزۋ مۇمكىن ەمەس!

ايەل – سۇلۋلىق پەن نازىكتىك سيمۆولى. شاڭىراققا بەرەكە مەن جىلۋ سىيلاپ، وسكەلەڭ ۇرپاق تاربيەسىندە الار ورىندارىڭىز ەرەكشە. تەك ءوز بالالارىڭىزدى تاربيەلەپ قانا قويماي، ۇلتىمىزدى تاربيەلەپ كەلەسىزدەر. سىزدەر باعا جەتپەس بايلىق – ءومىر سىيلادىڭىزدار!

نازىك جاندارىمىزدىڭ ەڭسەرمەگەن قيىندىعى مەن  جەتپەگەن جەتىستىكتەرى كەمدە كەم. تاۋەلسىز ەلىمىز بەن ەلوردامىزدىڭ جان-جاقتى دامۋىنا ولشەۋسىز ۇلەس قوسىپ، ەر ازاماتتارمەن قاتار يىق تىرەسە كۇردەلى سالالاردا دا ايتارلىقتاي جەتىستىكتەرگە جەتتىڭىزدەر. بالالاردى وقىتىپ، ولارعا ءبىلىم بەرىپ جۇرسىزدەر. ناۋقاستاردى قامقورسىزدار. قالا تۇرعىندارىنىڭ قاۋىپسىزدىگىن، قالانىڭ تىنىس-تىرشىلىگىن قامتاماسىز ەتىپ كەلەسىزدەر.

ەلوردامىزدىڭ جەتكەن جەتىستىكتەرى وزدەرىڭىزبەن تىعىز بايلانىستى. سىزدەر كەز كەلگەن سالادا وزدەرىڭىزدىڭ ىسكەرلىك قابىلەتىڭىز بەن كاسىبيلىگىڭىزدى كورسەتىپ كەلەسىزدەر.  

وسى ورايدا، مەملەكەت باسشىسى ايەل ازاماتتارىمىزدىڭ الەۋەتىن دە نازاردان تىس قالدىرعان ەمەس. بۇگىندە، باسشىلىق قىزمەتتەردە نازىك جانداردىڭ ۇلەسى ارتىپ كەلەدى.  

ەلباسى ءوز سوزدەرىنىڭ بىرىندە «مىنا الەم ايەلدەردىڭ مەيىرىمىنە بايلانعان، وتباسى نەعۇرىلىم بەرىك بولسا، مەملەكەت تە سوعۇرلىم كۇشتى» دەگەن بولاتىن. مەملەكەت وسىعان قاجەت جاعداي جاساۋ ءۇشىن جۇمىس ىستەۋدە.

سىزدەرگە، اشىق-جارقىن كوڭىلىڭىز، ۇيدەگى جىلۋ پەن جايلىلىق، تالانتىڭىز بەن كاسىبي شەبەرلىگىڭىز ءۇشىن العىس ايتامىن! جاڭا شىڭداردى باعىندىرۋعا شابىتتاندىراتىن دا وزدەرىڭىز! جىلدىڭ ءاربىر كۇنى قۋانىشقا، باقىتقا جانە جاعىمدى توسىنسىيلارعا تولى بولسىن!» دەدى التاي كولگىنوۆ.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار