قازاقستان • 08 ناۋرىز، 2021

نۇرلان نىعماتۋلين 8 ناۋرىز مەرەكەسىمەن قۇتتىقتادى

11 رەت كورسەتىلدى

ءماجىلىس توراعاسى نۇرلان نىعماتۋلين ەلىمىزدەگى بارلىق ارداقتى انالار مەن ارۋلاردى كوكتەم مەزگىلىگىنىڭ ەڭ جارقىن، مەرەيلى مەيرامى 8 ناۋرىز حالىقارالىق ايەلدەر كۇنىمەن قۇتتىقتادى، دەپ حابارلايدى Egemen.kz.

«قازاقستانداعى بارشا ايەلدەر قاۋىمىن 8 ناۋرىز مەرەكەسىمەن قۇتتىقتايمىن! ءبىزدىڭ قوعامدا ايەل ازاماتتار وتباسىنىڭ عانا ەمەس، مەملەكەتىمىزدىڭ بەرەكەسى، مەرەيى. سوندىقتان، ايتۋلى مەرەكەدە ابزال انالار مەن اياۋلى ارۋلارعا زور دەنساۋلىق، مول باقىت، قۋانىش، شاتتىق تىلەيمىن!» دەپ جازدى ن. نىعماتۋلين Twitter -دەگى پاراقشاسىندا.

سونداي-اق، ءماجىلىس توراعاسى قازاقستاندىق ايەلدەردىڭ جوعارى كاسىبي قاسيەتتەرىمەن قاتار، ءاردايىم نازىكتىگىمەن ەرەكشەلەنەتىنىن اتاپ ءوتتى.

نۇرلان نىعماتۋليننىڭ ايتۋىنشا، ايەلدەر قاۋىمى شاڭىراعىنىڭ ۇيىتقىسى بولىپ، وسكەلەڭ ۇرپاقتى وتباسىلىق قۇندىلىقتى قۇرمەتتەۋ رۋحىندا تاربيەلەپ، ەلىمىزدىڭ دامۋىنا، ەڭ الدىمەن، قازاقستاندىقتاردىڭ الەۋمەتتىك ءال-اۋقاتىن جاقسارتۋ ءۇشىن قاجەتتى زاڭداردىڭ قابىلدانۋىنا زور ۇلەس قوسۋدا. سونىمەن قاتار، ءماجىلىس سپيكەرى ەل باسشىلىعىنىڭ ەلىمىزدىڭ قوعامدىق-ساياسي ومىرىندەگى ايەلدەردىڭ ءرولىن ارتتىرۋعا، انا مەن بالانى قولداۋعا اسا ماڭىزدى باعىتتاردىڭ ءبىرى رەتىندە ەرەكشە كوڭىل بولەتىنىنە نازار اۋداردى.

«بارلىق ايەلدەرگە كوكتەمگى كوتەرىڭكى كوڭىل-كۇي، مىقتى دەنساۋلىق، اماندىق جانە بارلىق باستامالارىنا تابىس تىلەيمىن!»  دەدى ءماجىلىس توراعاسى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار