ايماقتار • 06 ناۋرىز، 2021

الماتىنىڭ ورتاسىنداعى كوشە وپىرىلىپ قالدى

288 رەت كورسەتىلدى

مەگاپوليستە ءتۇرلى ينجەنەرلىك جۇمىستاردان كەيىن كوشەلەردىڭ كوپكە دەيىن جوندەلمەۋى، ساپاسىزدىعى، قالپىنا كەلتىرۋدە كەتەتىن كەمشىلىكتەر قالىپتى جاعداي دەۋگە بولادى.

ماسەلەن، الماتىدا ينجەنەرلىك جەلىلەردى اۋىستىرۋ تەحنولوگياسىنىڭ ساقتالماۋى سالدارىنان وتكەن جۇمادا تولە بي مەن مۇراتباەۆ كوشەلەرىنىڭ قيىلىسىندا توپىراق شوگىپ قالعان ەدى. ەندىگى جەردك جوندەۋ جۇمىستارىن قايتا جۇرگىزىپ جاتقان مەردىگەر ۇيىمعا ليتسەنزيادان ايىرۋعا دەيىن قاتاڭ سانكتسيا سالىنۋى مۇمكىن.

الماتى قالاسى قالا قۇرىلىسىن باقىلاۋ باسقارماسىنىڭ الدىن-الا مالىمەتتەرى بويىنشا، بولعان جاعدايعا تولە بي كوشەسى ارقىلى تەسىپ ءوتۋ ءادىسى مەن قايتا جابۋ كەزىندە اتالعان ۋچاسكەدە تەحنولوگيا بۇزىلعان، ياعني سۋ جانە كارىز جەلىلەرى توپىراقتا اۋا قاباتىنىڭ پايدا بولۋىنا اكەلىپ سوققان.

ۋاقىت وتە كولىك قوزعالىسى سالعان سالماقتان سۋ قۇبىرىنىڭ جارىلىپ، سونىڭ سالدارىنان جول وپىرىلىپ قالدى.

ققبب-دا تۇسىندىرگەندەي، رەكونسترۋكتسيانى جۇرگىزگەن جەكە فيرما قر اقبك-ءنىڭ 312-بابىنا سايكەس اكىمشىلىك جاۋاپكەرشىلىككە تارتىلادى. بۇل جاعدايدا زاڭ تەك ۇلكەن ايىپپۇل عانا ەمەس، ققبب اتاپ وتكەندەي، مەردىگەر وسىنداي جۇمىستاردى جۇرگىزۋگە ارنالعان ليتسەنزيادان ايىرۋى مۇمكىن.

قۇبىردىڭ بۇزىلۋىنا بايلانىستى تۇرعىن ۇيلەرگە جانە باسقا عيماراتتارعا سۋدىڭ بەرىلۋىن «الماتى سۋ» مكك جەدەل بريگاداسى بىرنەشە ساعات ىشىندە جوندەپ، سۋىق سۋمەن قامتاماسىز ەتتى.

كولىك قوزعالىسىن قايتا قالپىنا كەلتىرۋ ءۇشىن توپىراق شوككەن جەردەگى سۋ سورىلىپ، ارنايى ينەرتتى ماتەريالمەن تولتىرىلدى جانە ۇستىنە بەتون قۇيىلدى. ول جەر ابدەن كەپكەن سوڭ ۋاقىتشا سىزبا بويىنشا كولىك قوزعالىسىن اشۋعا مۇمكىندىك تۋادى.

كەلەسى اپتادا مەردىگەر جوبالىق نۇسقا بويىنشا جول جامىلعىسىن قالپىنا كەلتىرۋگە مىندەتتى.

بۇل تۋرالى الماتى قالاسىنىڭ ەنەرگوتيىمدىلىك جانە ينفراقۇرىلىمدى دامىتۋ باسقارماسى مالىمدەدى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار