ايماقتار • 06 ناۋرىز، 2021

الماتىنىڭ باس سانيتارى جانداربەك بەكشين جاڭا قاۋلىعا قول قويدى

458 رەت كورسەتىلدى

بۇگىن الماتى قالاسىنىڭ باس مەملەكەتتىك سانيتارلىق دارىگەرى جانداربەك بەكشين «الماتى قالاسىندا
كوروناۆيرۋستىق ينفەكتسيامەن
اۋرۋلاردىڭ الدىن الۋ
بويىنشا ودان ءارى شارالار تۋرالى» جاڭا قاۋلىعا قول قويدى.

ايناش ەسالى

ايتا كەتەيىك، قالادا «Ashyq» پيلوتتىق جوباسى جۇزەگە اسىرىلا باستادى. قۇجاتتىڭ ءماتىنى الماتى قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ سايتىندا جاريالانعان.

وڭتۇستىك استانادا وتباسىلىق جانە ەسكە الۋ، بۇقارالىق ءىس-شارالارعا، بانكەتتەر، ۇيلەنۋ تويلارى، مەرەيتويلار سياقتى ادام كوپ جينالاتىن جيىندارعا قاتىسۋعا تىيىم سالىنادى.

قۇجاتتا قىزمەتى جاڭارتىلماعان ورىندارعا بارۋعا تىيىم سالۋ تۋرالى ايتىلعان:

بوۋلينگ-ورتالىقتارعا، كومپيۋتەرلىك كلۋبتارعا («Ashyq» پيلوتتىق جوباسىنا قاتىساتىن وبەكتىلەردى قوسپاعاندا)، بيليارد، كاراوكە، باتۋتتار، تۇنگى كلۋبتار، لوتو جانە ويىن كلۋبتارىنىڭ، بۋكمەكەرلىك كەڭسەلەرىنىڭ، جابىق ءۇي-جايلارداعى ويىن الاڭدارى مەن اتتراكتسيوندارىنىڭ، ونىڭ ىشىندە سپورت وبەكتىلەرىندە ورنالاسقانداردى قوسپاعاندا، مۇز جانە روليكتى مۇز ايدىندارىنا
قاۋلىدا «Ashyq» پيلوتتىق جوباسىنا قاتىساتىن كاسىپكەرلىك نىساندارىنا كىرۋ ءۇشىن App Store جانە Play Market-تەن جۇكتەۋگە قولجەتىمدى «Ashyq» ءموبيلدى قوسىمشاسىن پايدالانۋ قاجەت ەكەندىگى ايتىلعان.

كەلۋشىدە سمارتفون بولماعان نەمەسە وسى ءموبيلدى قوسىمشانى جۇكتەۋ كەزىندە قيىندىقتار تۋىنداعان جاعدايدا جاۋاپتى تۇلعا – مەكەمە قىزمەتكەرى قوسىمشادا جسن ەنگىزۋ ارقىلى كەلۋشىنىڭ كىرۋىن تىركەۋگە قۇقىلى.
ۇلتتىق قۇرامالارعا، كلۋبتىق كوماندالارعا (30 ادامنان اسپايتىن) بايلانىسسىز تەرمومەتريامەن سپورتتىق جاتتىعۋلار جاساۋعا جانە سپورتتىق بازالاردا تۇرۋعا رۇقسات ەتىلگەن.

ەرەكشە قورعالاتىن تابيعي اۋماقتارعا (مەملەكەتتىك، ۇلتتىق تابيعي پاركتەرگە، قورىقتارعا، رەزەرۆاتتارعا جانە باسقالارعا) 15 ادامنان اسپايتىن جەكە جانە ۇيىمداسقان توپتار ءۇشىن ماسكالىق رەجيمىن جانە كەمىندە 1،5 مەتر قاشىقتىقتى ساقتاي وتىرىپ بارۋعا رۇقسات ەتىلەدى;

كەڭەستەردى (وتىرىستاردى) كۇندىزگى رەجيمدە وتكىزۋگە رۇقسات ەتىلەدى (قاشىقتىقتان وتكىزۋ مۇمكىندىگى بولماعان جاعدايدا).