مەديتسينا • 05 ناۋرىز، 2021

قازاقستان مەن وزبەكستان مەديتسينا سالاسىندا ىنتىماقتاستىقتى نىعايتادى

30 رەت كورسەتىلدى

بۇگىن وزبەكستان رەسپۋبليكاسىنا جۇمىس ساپارى اياسىندا قازاقستان رەسپۋبليكاسى پرەمەر-ءمينيسترىنىڭ ورىنباسارى ەرالى توعجانوۆ وزبەكستان رەسپۋبليكاسىنىڭ پرەمەر-ءمينيسترى ابدۋللا اريپوۆپەن كەزدەستى.

كەلىسسوز بارىسىندا دەنساۋلىق ساقتاۋ، ءبىلىم جانە عىلىم سالاسىنداعى قازاقستان مەن وزبەكستاننىڭ ىنتىماقتاستىعىن نىعايتۋ ماسەلەلەرى تالقىلاندى. قوس مەملەكەتتەگى قازىرگى ەپيدەميولوگيالىق جاعداي تۋرالى پىكىر الماسىپ، COVID-19 جاڭا ينفەكتسياسىنا قارسى كۇرەسۋدە قابىلدانعان شارالاردى ىسكە اسىرۋدىڭ ماڭىزدىلىعى اتالىپ ءوتىلدى. ەپيدەميا جانە پاندەميا بولعان جاعدايدا جەدەل ارەكەت جاساپ، ءوزارا ءىس-قيمىل بويىنشا بىرلەسكەن ءتيىمدى شارالار ازىرلەۋ تۋرالى كەلىسىمگە قول جەتكىزىلدى.

كەزدەسۋ بارىسىندا تاراپتار جوعارى تەحنولوگيالىق مەديتسينالىق كومەك كورسەتۋ، سانيتاريالىق-ەپيدەميولوگيالىق شارالارعا كوڭىل ءبولۋ، ۆاكتسينالاۋ بويىنشا الدىن الۋ ماسەلەلەرى، اقپاراتتىق تەحنولوگيالاردى ەنگىزۋ، فارماتسيا بويىنشا ءوزارا ءىس-قيمىلدى جولعا قويۋ، ونىڭ ىشىندە فارماتسەۆتيكالىق ونەركاسىپتە كووپەراتسيالىق جوبالاردى ىسكە اسىرۋدى پىسىقتاۋ جانە دەنساۋلىق ساقتاۋ ماسەلەلەرى بويىنشا مەديتسينالىق قىزمەتتەر كورسەتۋ، ت.ب. ماسەلەلەر بويىنشا ىنتىماقتاستىقتى جانداندىرۋ قاجەتتىلىگى تۋرالى ورتاق پىكىرگە توقتادى.

جوعارى تەحنولوگيالار سالاسىنداعى بىرلەسكەن جوبالاردى كەڭەيتۋ جانە ەكى ەل اراسىنداعى ۇزدىكسىز مەديتسينالىق ءبىلىم بەرۋ سالاسىنداعى ىنتىماقتاستىعىن جانداندىرۋ، مەديتسينالىق ءبىلىم بەرۋ ۇيىمدارىنىڭ ستۋدەنتتەرى مەن وقىتۋشىلارى اراسىنداعى اكادەميالىق ۇتقىرلىقتى كەڭەيتۋ، بىرلەسكەن عىلىمي جوبالاردى ازىرلەۋ جانە ەنگىزۋ، ت.ب. سالالار بويىنشا ءوزارا ءوزارا ءىس-قيمىلدى جولعا قويۋ تۋرالى كەلىسىمگە قول جەتكىزىلدى.

كەلىسسوز بارىسىندا قازاقستان پرەمەر-ءمينيسترىنىڭ ورىنباسارى وزبەكستاندا قازاقستاندىق جوعارى وقۋ ورىندارىنىڭ فيليالدارىن اشۋ مۇمكىندىگىن قاراستىرۋدى، سونداي-اق ەكى مەملەكەتتىڭ پرەزيدەنتتىك مەكتەپتەرى اراسىندا تاجىريبە الماسۋدى باستاۋدى جانە جالپى ءبىلىم بەرۋ سالاسىنداعى ىنتىماقتاستىقتى جانداندىرۋدى ۇسىندى.

كەزدەسۋ قورىتىندىسى بويىنشا ەرالى توعجانوۆ جىلى شىرايمەن قارسى العان قوناقجايلىعى ءۇشىن وزبەكستان پرەمەر-مينيسترىنە ريزاشىلىعىن ءبىلدىرىپ، وزبەك تاراپىن قازاقستانعا رەسمي ساپارمەن كەلۋگە شاقىردى.



سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار