ەكونوميكا • 05 ناۋرىز، 2021

مەتاللۋرگيا سالاسىنداعى ءوندىرىس كولەمى 3،1% - عا ءوستى

10 رەت كورسەتىلدى

2021 جىلدىڭ قاڭتار ايىنىڭ قورىتىندىسى بويىنشا وڭدەۋ ونەركاسىبىندە وڭ ناتيجە قالىپتاسقان. مەتاللۋرگيادا ءوندىرىس كولەمى 3،1% - عا ءوستى. مىسالى، قارا مەتاللۋرگيا باعىتى بويىنشا "ارسەلورميتتال تەمىرتاۋ" اق-دا بولات ءوندىرىسىنىڭ 2،1% - عا ءوسۋى بايقالادى، دەپ حابارلايدى Egemen.kz.

سونىمەن قاتار "تاراز مەتاللۋرگيا زاۋىتى" فەرروسيليكومارگانەتس ءوندىرىسىن 91% - عا ارتتىردى. زاۋىت فەرروقورىتپالاردى، ەلەكترود ماسساسىن جانە فوسفور ونىمدەرىن ينتەگراتسيالانعان ءوندىرۋشى بولىپ تابىلادى. ونەركاسىپتىك ايماق 632 گا قۇرايدى — بۇل بالقىتۋ تسەحتارى، اكىمشىلىك عيماراتتار جانە قويمالار. ء وندىرىس وشاعىندا جىلىنا جالپى قۋاتتىلىعى 400 مىڭ توننا قورىتپا شىعارۋعا باعىتتالعان 13 پەش جۇمىس ىستەيدى.

"تەمىرتاۋ ەلەكترومەتاللۋرگيالىق كومبيناتى" فەرروقورىتپا ءوندىرىسىنىڭ كولەمىن 1% - عا ۇلعايتتى. كومپانيانىڭ نەگىزگى قىزمەتى مارگانەتس كەنى مەن اكتاس ءوندىرۋ، ولاردان فەرروقورىتپالار مەن كالتسي كاربيدىن ءوندىرۋ جانە ساتۋ بولىپ تابىلادى. ءوزىنىڭ شيكىزات بازاسى مەن وندىرىستىك قۋاتىنا يە زاۋىت شيكىزات – ءوندىرىس – دايىن ءونىمنىڭ تولىق وندىرىستىك تسيكلىن قۇردى. بارلىق ءونىمنىڭ قازاقستان رەسپۋبليكاسىنىڭ سايكەستىك سەرتيفيكاتتارى بار. كومبينات شىعاراتىن ءونىمنىڭ ساپاسىن باقىلاۋدى اككرەديتتەلگەن سىناق ورتالىعى جۇزەگە اسىرادى. اتموسفەراعا زياندى زاتتاردىڭ شىعارىلۋىن باقىلاۋدى كۇزەت ءبولىمىنىڭ اتتەستاتتالعان سانيتاريالىق زەرتحاناسى جۇزەگە اسىرادى.

ءتۇستى مەتاللۋرگيادا ءوندىرىس كولەمىنىڭ ءوسۋى 6،6% - دى قۇرادى. ءوز كەزەگىندە "قازاقمىس كورپوراتسياسى" قۇيما التىن ءوندىرۋ كولەمىن 52% - عا جانە تۇيىرشىكتى كۇمىس ءوندىرىسىن 33% - عا ۇلعايتتى.

سونداي-اق، "تاۋ-كەن التىن" كومپانياسىندا تازارتىلعان التىن ءوندىرىسىنىڭ 4% - عا جانە تازارتىلعان كۇمىس ءوندىرىسىنىڭ 46،7% - عا وسكەنى بايقالادى.

«كاستينگ» مەتاللۋرگيالىق كومپانياسى كاتودتى مىس ءوندىرىسىنىڭ كولەمىن 19% - عا ۇلعايتتى. قايتالاما شيكىزاتتى كەشەندى قايتا وڭدەۋدىڭ بىرەگەي تەحنولوگيالارىن يگەرىپ، ءوز ازىرلەمەلەرىن پايدالانا وتىرىپ، بۇگىنگى تاڭدا كومپانيا قارا جانە ءتۇستى مەتالداردان جاسالعان ونىمدەردىڭ كەڭ سپەكترىن شىعارادى: بولات دايىندامالار، ۇساقتاۋشى شارلار مەن وزەكشەلەر، ارماتۋرالىق قۇيما، كاتودتى مىس جانە مىس بۇيىمدارى، قولا، جەز، اليۋميني جانە قورعاسىن قورىتپالارى.

سوڭعى جاڭالىقتار

الداعى اپتا كۇن جىلىنادى

اۋا رايى • بۇگىن، 12:57

سۇيىسپەنشىلىك ساباعى

ايماقتار • بۇگىن، 12:15

ەلوردادا كۇن جىلىنا باستايدى

ايماقتار • بۇگىن، 10:57

تۇرمەگە كىتاپ سىيلادى

ايماقتار • بۇگىن، 10:10

جاقسىنىڭ اتى ولمەيدى...

رۋحانيات • بۇگىن، 08:31

تەڭدىك ءتۇبى – بىرلىك

ەلباسى • بۇگىن، 08:03

جەكە كۋالىكتىڭ قاجەتى بولمايدى

ساياسات • بۇگىن، 07:47

تالدىنىڭ ماڭىن تازارتتى

رۋحانيات • بۇگىن، 07:38

جول ۇستىندەگى مۇزتاۋ

وقيعا • بۇگىن، 07:34

تالدىقۇدىق نەدەن تارىقتى؟

ايماقتار • بۇگىن، 07:33

جاھاندانۋ جايى وزەكتى

قوعام • بۇگىن، 07:24

حالىقارالىق شارتتار قارالدى

پارلامەنت • بۇگىن، 07:14

تاميلانىڭ تارتۋى

ونەر • كەشە

ۇقساس جاڭالىقتار