قازاقستاننىڭ ەنەرگەتيكا ءمينيسترى نۇرلان نوعاەۆ ءوز سوزىندە بۇگىنگى تاڭدا كوروناۆيرۋستىڭ تارالۋىنا قارسى كۇرەستە وڭ ديناميكا جانە مۇناي مەن مۇناي ونىمدەرىنە سۇرانىستىڭ بىرتىندەپ قالپىنا كەلۋى بايقالاتىنىن اتاپ ءوتتى.
كەزدەسۋدىڭ قورىتىندىسى بويىنشا كەلىسىمگە قاتىسۋشى ەلدەر مۇناي ءوندىرۋدى قىسقارتۋدىڭ قازىرگى دەڭگەيىن 2021 جىلعى ساۋىرگە ۇزارتۋ تۋرالى شەشىم قابىلدادى. بۇل رەتتە, قازاقستان مەن رەسەي ءۇشىن وسى كەزەڭدەگى ءوندىرىستى سايكەسىنشە تاۋلىگىنە 20 جانە 130 مىڭ باررەلگە كەزەڭ-كەزەڭمەن ۇلعايتۋدى كوزدەيتىن جەكە شارتتارى كەلىسىلدى.
وسىلايشا, وپەك+ شەڭبەرىندەگى قازاقستان ءۇشىن مىندەتتەمەلەر ءساۋىر ايىندا تاۋلىگىنە 1,457 ملن باررەلدى نەمەسە بازالىق دەڭگەيدەن 1 پايىزدى قۇرايدى (تاۋلىگىنە 1,709 ملن بارر – 2018 جىلعى قاراشا دەڭگەيى).
