ادامداردىڭ وزگە ەلگە بارىپ جۇمىس ىستەۋ ىقىلاسى كەمىپ, ولار ءۇشىن كوروناۆيرۋسقا قارسى تۇرا العان ەلدەر تارتىمدى بولا باستاعان.
ساۋالناماعا قاتىسقان 190 ەلدەگى 209 مىڭ قاتىسۋشىنىڭ 50 پايىزى عانا وزگە ەلگە جۇمىس ىستەۋ ءۇشىن بارۋعا ءازىر بولعان. بۇل 2014, 2018 جىلدارمەن سالىستىرعاندا 64 جانە 57 پايىزعا از.
«ەڭبەك ميگراتسياسى سالاسىنداعى شەكتەۋ ساياساتى موبيلدىلىك ءۇردىسىن السىرەتتى. COVID-19 پاندەمياسى ادامداردى حالىقارالىق رەلوكاتسياعا اسا ساقتىقپەن قاراۋعا ۇيرەتتى. قاشىقتان جۇمىس ىستەۋ فورماتىنىڭ بەلسەندىلىگى ارقاسىندا كوبى كارەراسىن ونلاين كۇيدە-اق دامىتا الارىن ءتۇسىندى» دەيدى زەرتتەۋ اۆتورلارىنىڭ ءبىرى راينەر شتراك.
ادامداردىڭ كوبىن كانادا, جاپونيا, اۆستراليا, سينگاپۋر, جاڭا زەلانديا ەلدەرى قىزىقتىرعان. ەسەسىنە گەرمانيا مەن فرانتسيا ءوز پوزيتسياسىن ەكى ساتىعا السىرەتسە, يتاليا مەن يسپانيا ۇزدىك وندىقتان تىسقارى قالعان.
