قوعام • 05 ناۋرىز، 2021

قازاقستاندا ايەلدەر كاسىپكەرلىگىن دامىتاتىن 17 ورتالىق اشىلادى

8 رەت كورسەتىلدى

«ايەلدەردىڭ ەكونوميكالىق مۇمكىندىكتەرىن كەڭەيتۋ شارالارى مەن قۇرالدارى» اتتى رەسپۋبليكالىق كونفەرەنتسيادا بايانداما جاساعان  ۇلتتىق ەكونوميكا ءمينيسترى اسەت ەرعاليەۆ قازاقستانداعى ايەلدەر كاسىپكەرلىگىن دامىتۋ ماسەلەسىنە توقتالدى.

– بيىلدىڭ وزىندە ايەلدەر كاسىپكەرلىگىن دامىتۋ بويىنشا 17 ورتالىق اشىلىپ، جۇمىس ىستەي باستايدى، ياعني ەلىمىزدىڭ ءار وڭىرىندە ءبىر-ءبىر ورتالىق بولادى، – دەدى مينيستر.

ورتالىقتاردىڭ اشىلۋى ۇلتتىق ەكونوميكا مينيسترلىگى، «اتامەكەن» پالاتاسى جانە قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا اراسىنداعى ايەلدەر كاسىپكەرلىگىن دامىتۋ بويىنشا ارىپتەستىك جانە ىنتىماقتاستىق تۋرالى قول قويىلعان كەلىسىم شەڭبەرىندە كوزدەلىپ وتىر. كەلىسىم ايەلدەردىڭ قوعامدىق-ساياسي ومىردەگى ەكونوميكالىق مۇمكىندىگىن كەڭەيتۋدى قاراستىرادى.

– قۇجات ايەل كاسىپكەرلىگىن دامىتۋ، وقىتۋ، كووپەراتسيا جانە قاجەتتى قۇزىرەتتەردى قالىپتاستىرۋ ارقىلى ولاردىڭ ەكونوميكالىق بەلسەندىلىگىن ىنتالاندىرۋ، سونداي-اق بيزنەستى قولداۋ باعدارلامالارى شەڭبەرىندە جەڭىلدەتىلگەن كرەديتتەر مەن گرانتتار بەرۋ، ايەلدەردى جۇمىسپەن قامتاماسىز ەتۋ، ايەلدەر مەن ولاردىڭ ۇيىمدارى وندىرگەن تاۋارلار مەن قىزمەتتەردى دامىتۋعا جاردەمدەسۋ ماسەلەلەرى بويىنشا تاراپتاردىڭ ءوزارا ءىس-قيمىلىن كوزدەيدى» دەلىنگەن ۇلتتىق ەكونوميكا مينيسترلىگى مالىمدەمەسىندە.

ءمينيستردىڭ ايتۋىنشا، ايەلدەر كاسىپكەرلىگىن دامىتۋ بويىنشا ءتيىمدى شارالاردى ازىرلەۋ ءۇشىن اكىمدىكتەر مەن دامۋ ينستيتۋتتارى جانىندا جۇمىس ىستەپ جاتقان ايەلدەردى قولداۋ ورتالىقتارى مەن قىزمەتتەرىنىڭ جۇمىسى بەلسەندى زەرتتەلۋدە.

– ورتالىقتار ايەلدەردىڭ كاسىپكەرلىك باستاماسىن ىسكە اسىرۋعا قۋاتتى سەرپىن بەرە وتىرىپ، ايەلدەردى اقپاراتتىق جانە كونسۋلتاتسيالىق قولداۋدىڭ نەگىزگى كوزىنە اينالادى. ايەلدەردىڭ ەكونوميكاداعى ءرولىنىڭ كۇشەيۋى ەكونوميكالىق ءوسۋ مەن قوعامنىڭ دامۋىنا ىقپال ەتەتىنىنە سەنىمدىمىن، – دەدى مينيستر.

بيزنەستى قولداۋ جونىندەگى مەملەكەتتىك باعدارلامالار مونيتورينگىنىڭ دەرەكتەرى بويىنشا مەملەكەتتەن قارجىلاي قولداۋ الاتىن كاسىپكەر ايەلدەردىڭ ۇلەسى شامامەن 32 پايىزدى قۇرايدى. قارجىلاي ەمەس قولداۋ جوبالارىنىڭ جارتىسىنا جۋىعى (45 پايىز) – ايەل-كاسىپكەرلەردىڭ قاتىسۋىمەن ىسكە اسىرىلادى. مينيسترلىك پەن ەۋروپا قايتا قۇرۋ جانە دامۋ بانكى اراسىنداعى ىنتىماقتاستىق شەڭبەرىندە 300-گە جۋىق كاسىپكەر ايەل جەرگىلىكتى كونسۋلتانتتاردان كونسۋلتاتسيالىق كومەك الىپ، 35،4 ملرد.تەڭگە سوماسىندا 21،8 مىڭ كرەديت بەرىلگەن.

 

 

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

2002 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:32

سارىالا قازدىڭ قاڭقىلى ەستىلدى

رۋحانيات • بۇگىن، 08:51

قور نارىعى قىمباتتادى

الەم • بۇگىن، 08:33

بابا اماناتىنا ادالدىق

رۋحانيات • بۇگىن، 08:07

بالۋاننىڭ العاشقى التىنى

كۇرەس • بۇگىن، 08:02

پسج ەسە قايتاردى

فۋتبول • بۇگىن، 07:59

جارىستى جەڭىسپەن باستادى

بوكس • بۇگىن، 07:56

جاقاەۆتىڭ تاقياسى

رۋحانيات • بۇگىن، 07:47

شىلىكتى اۋىلىن سۋ باستى

ايماقتار • بۇگىن، 07:44

Ever Given مىسىردا قالدى

الەم • بۇگىن، 07:28

جەر تۋرالى زاڭ سەناتقا جولداندى

پارلامەنت • بۇگىن، 07:22

ۇقساس جاڭالىقتار