بيىلدان باستاپ قازاقستاننىڭ كاسىپقوي فۋتبول ليگاسىنىڭ باستاماسىمەن ۇيىمداستىرىلعان جاڭا فورماتتاعى دوپ دوداسىنىڭ فينالىنا بىلتىرعى ەل چەمپيوناتىنىڭ قولا جۇلدەگەرى, سۋپەركۋبوكتىڭ بەس دۇركىن جەڭىمپازى «استانا» مەن 2020 جىلعى بىرىنشىلىكتىڭ كۇمىس مەدال يەگەرى «توبىل» كوماندالارى شىقتى. العاشقى جارتىلاي فينالدا ەلوردالىق ۇجىم قاراعاندىنىڭ «شاحتەرىنەن» 2:0 ەسەبىمەن باسىم تۇسسە, ەكىنشى جارتىلاي فينالدا قوستانايدىڭ كومانداسى بىلتىرعى قازاقستان چەمپيونى الماتىلىق «قايراتتى» ويىن سوڭىنداعى پەنالتي سەرياسىندا جەڭىپ كەتتى.
بۇگىن «شاحتەر» مەن «قايرات» كوماندالارى OLIMPBET-قازاقستان سۋپەركۋبوگىنىڭ ءۇشىنشى ورنىن ساراپقا سالادى. ال «استانا» مەن «توبىل» اراسىنداعى فينالدىق ماتچ 6 ناۋرىزعا جوسپارلانعان. ايتا كەتەيىك, ءتۋرنيردىڭ جالپى جۇلدە قورى 40 ملن تەڭگەنى قۇرايدى (شامامەن, 94,7 مىڭ دوللار). ال جەڭىمپاز اتانعان كلۋبقا قازاقستان سۋپەركۋبوگى مەن 25 ملن تەڭگە (شامامەن 59,2 مىڭ دوللار) تاپسىرىلادى.
