مەديتسينا • 04 ناۋرىز، 2021

الماتى دارىگەرلەرى قاڭتاردا 1،77 ملرد تەڭگە ۇستەماقى الدى

23 رەت كورسەتىلدى

2021 جىلدىڭ قاڭتار ايىندا الماتى قالاسىندا ەپيدەمياعا قارسى كۇرەسكە جۇمىلدىرىلعان مەديتسينا قىزمەتكەرلەرى 1،77 ملرد تەڭگە كولەمىندە ۇستەماقى الدى. بۇل تۋرالى «الەۋمەتتىك مەديتسينالىق ساقتاندىرۋ قورى» كەاق الماتى فيليالى حابارلادى.

فيليال باسشىسى تىلەۋحان ابىلداەۆتىڭ ايتۋىنشا، جىلدىڭ العاشقى ايىندا:
قاۋىپ دەڭگەيى اسا جوعارى 1-توپ بويىنشا – 877 ملن تەڭگە (بارلىعى 1504 ادام);
قاۋىپ دەڭگەيى جوعارى 2-توپ بويىنشا – 644،7 ملن تەڭگە (بارلىعى 1916 ادام);
قاۋىپ دەڭگەيى ورتاشا 3-توپ بويىنشا – 254،4 ملن تەڭگە (1567 ادام) تولەندى.

بۇعان دەيىن حابارلانعانداي، پاندەميا باستالعان 2020 جىلدىڭ ناۋرىزىنان بەرى مسق كوروناۆيرۋس پەن پنەۆمونياعا قارسى كۇرەسىپ جاتقان مەديتسينا قىزمەتكەرلەرىنە ۇستەماقى تولەي باستاعان بولاتىن.

«الماتى قالاسى بويىنشا وتكەن جىلدىڭ ناۋرىز-جەلتوقسانى ارالىعىندا كوروناۆيرۋسقا شالدىققان سىرقاتتاردى ەمدەۋگە 7،3 ملرد تەڭگە ءبولىندى. 165 مىڭ ادام پتسر-تەست تاپسىرعان، وعان 1،8 ملرد تەڭگە تولەندى. مەديتسينا قىزمەتكەرلەرىنە جالاقىعا قوسىمشا اقى رەتىندە 16،7 ملرد تەڭگە تولەندى»، دەدى تىلەۋحان ابىلداەۆ.

ەستەرىڭىزگە سالا كەتسەك، قازاقستاندا كوروناۆيرۋس پەن پنەۆمونياعا شالدىققان ناۋقاستار تەگىن ەمدەلەدى، ول ءۇشىن ساقتاندىرىلعان بولۋ شارت ەمەس. سونىمەن قاتار، پاتسيەنتتەر COVID-19 جۇقتىرعان جاعدايدا ءموبيلدى بريگادالار مەن ءۇي جاعدايىنداعى ستاتسيونار قىزمەتىن پايدالانا الادى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار