قوعام • 04 ناۋرىز، 2021

«جانۋارلاردى نومىرلەۋ»: قازاقستاندىقتار COVID تەرمينىنىڭ ماعىناسىنا نارازى

21 رەت كورسەتىلدى

كەي جەلى قولدانۋشىلارى COVID تەرمينىنىڭ شىعۋ نۇسقاسىن ۇسىنىپ جاتىر. وسىنداي حابارلامالاردىڭ ءبىرىنىڭ اۆتورى اۋرۋدىڭ اتاۋى «COV» – «جانۋار» جانە ID – ء«نومىر» دەگەن ەكى سوزدەن تۇرادى دەپ مالىمدەدى، دەپ حابارلايدى Egemen.kz

اتالعان مالىمدەمە شىندىققا جاناسپايدى. COVID-19 ءسوزى – بۇل اببرەۆياتۋرا. اعىلشىن تىلىندەگى تولىق نۇسقاسى – COronaVIrus Disease 2019.  قازاق تىلىنە اۋدارعاندا «2019 جىلعى كوروناۆيرۋستىق ينفەكتسيا» دەگەندى بىلدىرەدى. ياعني SARS-CoV-2 كوروناۆيرۋسى تۋدىراتىن اۋرۋدىڭ اتاۋى.

ايتا كەتەيىك، SARS-CoV-2 ‒ «اۋىر جەدەل رەسپيراتورلىق سيندرومنىڭ كوروناۆيرۋسى-2» تەرمينىنىڭ قىسقارتىلعان اتاۋى.

COVID تەرمينى وتكەن جىلدىڭ ءساۋىر ايىندا اعىلشىن تىلىندەگى بىرنەشە تۇسىندىرمە سوزدىكتەرگە ەنگىزىلدى. مىسالى، ۆەبستەر جانە وكسفورد سوزدىگىندە دەرەكتەر كەلتىرىلگەن.

ال Instagram قولدانۋشىلارى ءبولىسىپ جۇرگەن نۇسقاعا كەلەتىن بولساق، ول ويدان شىعارىلعان. «مال» دەگەندى بىلدىرەتىن COV ءسوزى ەشبىر تىلدە جوق. ول بۇرمالانعان cow (سيىر) اعىلشىن سوزىنە ۇقسايدى.

ID — بۇل دا اعىلشىن تىلىندەگى identifier (يدەنتيفيكاتور) ءسوزىنىڭ اببرەۆياتۋراسى – نىساندى باسقالاردان اجىراتۋعا، ياعني سايكەستەندىرۋگە مۇمكىندىك بەرەتىن ەرەكشە بەلگى. بۇدان فەيك حابارلامانىڭ اۆتورلارى ۆاكتسيناتسيانى «چيپتەۋمەن» سالىستىراتىن قاستاندىق تەورياسىن قولدايدى دەپ قورىتىندى جاساۋعا بولادى.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار