اتاپ ايتقاندا, شەتەل تىلدەرىن وقىتۋ ادىستەمەسى كافەدراسىنىڭ وقىتۋشىلارى اقشايىم جالالوۆا, اقجارقىن ابۋوۆا, نۇرگۇل قاليەۆا, بوتاكوز سازاەۆا جانە ءاليا زاداحانوۆانىڭ «كونە تۇركىلەردىڭ دۇنيەتانىمىنداعى كونتسەپتىلەر جۇيەسى» اتتى جوباسى 2021-2023 جىلدارعا ارنالعان عىلىمي جانە عىلىمي-تەحنيكالىق جوبالار بويىنشا گرانتتىق قارجىلاندىرۋعا ارنالعان كونكۋرستا ۇزدىك تانىلعان.
– اتالعان جوبا قازاقستان رەسپۋبليكاسى ءبىلىم جانە عىلىم مينيسترلىگى عىلىم كوميتەتىنىڭ گرانتتىق قارجىلاندىرۋ كونكۋرسى تالاپتارىنا سايكەس دەپ تابىلىپ, 2021-2023 جىلدار ارالىعىندا عىلىمدى دامىتۋدىڭ ءبىلىم بەرۋ جانە لينگۆيستيكا سالاسىنداعى وزەكتى ماسەلەلەردى زەرتتەۋ باعىتى بويىنشا جۇزەگە اسىرىلماقشى, – دەيدى جوبانىڭ عىلىمي جەتەكشىسى فيلولوگيا عىلىمدارىنىڭ دوكتورى, پروفەسسور گۇلبانۋ قوسىموۆا.
جوبا جەتەكشىسى مەن جوبا ورىنداۋشىلارىنىڭ نەگىزگى ماقساتى ەلباسىنىڭ «رۋحاني جاڭعىرۋ» باعدارلاماسى اياسىندا كونە تۇركىلەر دۇنيەتانىمىنداعى كونتسەپتىلەر جۇيەسىن انىقتاپ, ونى ابايدىڭ «تولىق ادام ءىلىمى» تۇجىرىمىنا سايكەستەندىرىپ, قازاق دۇنيەتانىمىنداعى كورىنىسىن نەگىزدەۋ.
