قازاقستان • 04 ناۋرىز، 2021

اسقار مامين Chevron باسشىلىعىمەن كەزدەستى

14 رەت كورسەتىلدى

قر پرەمەر-ءمينيسترى اسقار مامين «شەۆرون» (Chevron) كومپانياسىنىڭ ەۋرازيا-تىنىق مۇحيتى وڭىرىندەگى بارلاۋ جانە ءوندىرۋ جونىندەگى پرەزيدەنتى نايدجەل حيرنمەن مۇناي ءوندىرۋ سالاسىنداعى ءوزارا ءىس-قيمىل پەرسپەكتيۆالارىن تالقىلادى، دەپ حابارلايدى Egemen.kz.

«شەۆرون» — تەڭىز (50%)، قاراشىعاناق (18%) جانە كاسپي قۇبىر كونسورتسيۋمى (15%) – ءۇش ءىرى جوبادا اكتيۆتەرى بار قازاقستانداعى ءىرى شەتەلدىك ينۆەستور. 

2020 جىلى تشو شيكى مۇناي ءوندىرۋ كولەمى 26،5 ملن توننانى قۇرادى. مەملەكەتكە تىكەلەي قارجىلىق تولەمدەر $6،6 ملرد قۇرادى، $3،5 ملرد استام سوماعا قازاقستاندىق جەتكىزۋشىلەردىڭ تاۋارلارى مەن قىزمەتتەرى ساتىپ الىندى.

تشو گازى اتىراۋ وبلىسىندا پوليپروپيلەن (قۋاتى جىلىنا 500 مىڭ توننا) جانە پوليەتيلەن (جىلىنا 1،25 ملن توننا) ءوندىرىسى بويىنشا ەكى ءىرى گاز-حيميا جوباسى ءۇشىن شيكىزات بولىپ تابىلادى.

تاراپتار «تەڭىزشەۆرويل» (تشو) بولاشاق كەڭەيتۋ جوباسىن ىسكە اسىرۋ ماسەلەسىن تالقىلادى، ونىڭ اياقتالۋى بويىنشا تشو ءوندىرۋدى 2023 جىلى جىلىنا 12 ملن تونناعا دەيىن ارتتىرادى، بۇل جيىنتىعىندا جىلىنا شامامەن 39 ملن توننانى قۇرايدى.

كەزدەسۋگە ەنەرگەتيكا ءمينيسترى نۇرلان نوعاەۆ پەن «قازمۇنايگاز» اق باسقارما توراعاسى اليك ايدارباەۆ قاتىستى.

سوڭعى جاڭالىقتار

ۇقساس جاڭالىقتار