قۇجاتتا بۇل رەتتە عىلىمي جانە عىلىمي-تەحنيكالىق قىزمەت ناتيجەلەرىن كوممەرتسيالاندىرۋعا ەرەكشە نازار اۋدارىلىپ وتىر. عىلىمدى قارجىلاندىرۋ پروتسەستەرىنىڭ اشىقتىعى جونىندەگى تالاپتاردىڭ ەسەبىنەن سالاداعى سىبايلاس جەمقورلىق تاۋەكەلدەرىن ازايتۋ دا ماڭىزدى ماسەلە.
"قازاقستان رەسپۋبليكاسىنىڭ كەيبىر زاڭنامالىق اكتىلەرىنە عىلىم ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭدا وسى جانە باسقا دا بىرقاتار جاڭالىقتار بار. قۇجاتتىڭ باستاماشىلارى دا دەپۋتاتتاردىڭ وزدەرى.
«قابىلدانعان زاڭ عىلىم سالاسىندا سىبايلاس جەمقورلىق تاۋەكەلدەرىن ازايتۋعا ارنالعان قوسىمشا قۇقىقتىق نەگىزدەر قالىپتاستىرادى. عىلىمي جانە عىلىمي-تەحنيكالىق قىزمەت ناتيجەلەرىن كوممەرتسيالاندىرۋدىڭ جانە بارلىق عىلىمي-زەرتتەۋ جۇمىسىن قارجىلاندىرۋدىڭ اشىقتىعىن قامتاماسىز ەتەدى. سونىمەن قاتار ۇلتتىق عىلىمي كەڭەستەر مەن ۇلتتىق مەملەكەتتىك عىلىمي-تەحنيكالىق ساراپتاما ورتالىعىنىڭ قۇزىرەتتەرى ناقتىلانادى. عىلىم مەن تەحنيكانى دامىتۋعا ۇلەس قوسقان عالىمداردى الەۋمەتتىك قولداۋ مەن كوتەرمەلەۋ دە كوزدەلىپ وتىر. وسى ماقساتپەن جىل سايىنعى «ۇزدىك عىلىمي قىزمەتكەر» سىيلىعىن بەرۋ قاراستىرىلعان. جالپى, بۇل زاڭ ەلىمىزدە عىلىم سالاسىن دامىتۋعا ءوزىنىڭ ۇلەسىن قوسادى دەپ سەنەمىز», - دەپ اتاپ ءوتتى سەنات توراعاسى ماۋلەن اشىمباەۆ.
