بۇل شەشىمدى گەرمانيا كانتسلەرى انگەلا مەركەل مەن 16 فەدەرال ايماق باسشىسى 3 ناۋرىزدا وتكەن كەزدەسۋدە شىعاردى.
«كەيبىر شەكتەۋ 8 ناۋرىزدان باستاپ الىپ تاستالادى. كىتاپ جانە گۇل دۇكەنى, باۋ-باقشاعا ارنالعان زاتتار دۇكەنى, سۇلۋلىق سالوندارى, كولىك جۇرگىزۋدى ۇيرەتەتىن مەكتەپتەر مەن پيلوتتىق مەكتەپتەر اشىلادى», دەپ حابارلايدى باسىلىم.
جەكە كەزدەسۋلەر مەن جينالىستارعا قويىلاتىن شەكتەۋلەر دە جەڭىلدەيدى: 14 جاسقا دەيىنگى بالالاردى ەسەپتەمەگەندە, ەكى وتباسىندا بەس ادامعا دەيىن كەزدەسۋلەرگە رۇقسات ەتىلەدى.
سونىمەن قاتار, كەلەسى اپتادان باستاپ ءار ازامات اپتاسىنا ءبىر رەت كوروناۆيرۋستى انىقتايتىن سىنامانى تاپسىرۋعا مۇمكىندىك الادى, بارلىق شىعىندى فەدەرال ورگاندار كوتەرەدى. قالاداعى ازىق-ت ۇلىك دۇكەندەرىنەن باسقا دۇكەندەر, قوناق ۇيلەر, مەيرامحانالار جانە باسقا دا مەكەمە جابىق كۇيىندە قالادى.
بۇعان دەيىن گەرمانيا ۇكىمەتى كوروناۆيرۋس مۋتاتسياسىنا بايلانىستى چەحيا, سلوۆاكيا جانە اۋستريانىڭ كەيبىر ايماعىمەن شەكاراداعى باقىلاۋدى 17 ناۋرىزعا دەيىن ۇزارتتى. ايتا كەتەيىك, گەرمانيادا كوروناۆيرۋستىڭ ۇشىنشى تولقىنى بولۋى مۇمىكىن ەكەنىن حابارلاعان ەدى.
