وسى ماقساتتا, گم-172/8 مەكەمەسىنىڭ باستىعى باستاعان ءبىر توپ قىزمەتكەرلەر ادامنىڭ ءومىرىن قۇتقارىپ قالۋ كەز-كەلگەن ازاماتتىڭ ابىرويى بولىپ تابىلاتىنىن ەستەن شىعارماي, ەرىكتى تۇردە قان تاپسىرۋعا بەلسەنە ات سالىستى.
وكىنىشكە وراي, قان تاپسىرۋعا كەز-كەلگەن ادامنىڭ دەنساۋلىعى جاراي بەرمەيتىنى بارشاعا ءمالىم. الايدا, اتالمىش ءىس-شارا قىزمەتكەرلەردەن جوعارى جاۋاپكەكرشىلىكتى جانە ەلىنە ادال قىزمەت ەتۋمەن قوسا, دەنساۋلىقتىڭ مىقتى بولۋىن تالاپ ەتەدى. سوندىقتان, گم-172/8 مەكەمەسىنىڭ قىزمەتكەرلەرى قاشان دا جاقسى ءىستى قۇپتاپ, مۇمكىندىكتەرى بولعانشا كومەك بەرۋگە دايىن ەكەنىن تاعى دا دالەلدەدى.
-ادامدار كومەككە مۇقتاج جاندارعا قول ۇشىن بەرۋى قاجەت. ءبىز تاپسىرعان قان كوپتەگەن ادامنىڭ ءومىرىن ساقتاپ قالادى دەپ سەنەمىز. سەبەبى, ەلىمىزدە قانشاما ادام قان قۇيۋعا مۇقتاج بولادى. الداعى ۋاقىتتا مەكەمە قىزمەتكەرلەرى ناۋقاستارعا قايرىمدىلىق جاساۋ ماقساتىندا ءاردايىم قان تاپسىرۋدى جۇيەگە اينالدىرادى دەپ شەشىم قابىلدادى, دەدى مەكەمە باستىعى داستان ءابدىراحمان.
ءاربىر 18 جاسقا تولعان ازامات ارنايى مەديتسينالىق تەكسەرۋلەردەن ءوتىپ, قان تاپسىرۋعا قارسى كورسەتكىشتەر بولماعان جاعدايدا دونور بولا الادى. دونورلار ەكى اي سايىن قان تاپسىرا الادى, سونداي-اق تۇراقتى تۇردە قان تاپسىرۋ ناۋقاسقا عانا ەمەس, دونورعا دا پايدالى ەكەنىن ەستەن شىعارماۋ قاجەت. دونور بولۋ جۇرەك قان تامىرى اۋرۋلارىنىڭ الدىن الۋعا كومەكتەسەدى جانە يممۋنيتەتتى كۇشەيتەدى.
