«الەۋمەتتىك مەديتسينالىق ساقتاندىرۋ قورىنىڭ» باسقارما توراعاسى بولات توكەجانوۆتىڭ ايتۋىنشا, مىندەتتى مەديتسينالىق ساقتاندىرۋ جۇيەسى قازىرگى تاڭدا 16 ملن قازاقستاندىقتى نەمەسە ەل تۇرعىندارىنىڭ 84 پايىزىن قامتىعان. 3 ميلليوننان استام ادام ساقتاندىرۋ يگىلىگىن كورەالماي وتىر. ولاردىڭ 1,6 ملن-ىندا تولەم تۇراقتى جۇرگىزىلمەگەن, 1,4 ملن-ى جىل بويى بىردە-ءبىر رەت اۋدارىم جاساماعان.
– جازدا, 42 500 تەڭگە تولەمى ءجۇرىپ جاتقان كەزدە جەكە تۇلعالار بىرىڭعاي جيىنتىق تولەم جاسادى. وسى ءۇردىس ساقتالعان بولسا ءمامس جۇيەسى ەل تۇرعىندارىنىڭ 92 پايىزىن قامتۋشى ەدى. حالىقتى ءمامس-كە تارتۋ بويىنشا جۇيەلى جۇمىستاردى جالعاستىرۋ قاجەت. وڭىردەگى اكىمدىكتەر «اتامەكەن» كاسىپكەرلەر پالاتاسىن, مەملەكەتتىك كىرىستەر كوميتەتى اۋماقتىق بولىمدەرىن جانە مەديتسينالىق ۇيىمداردى تارتا وتىرىپ ايماقتىق شتابتاردىڭ تيىمدىلىگىن ارتتىرۋى كەرەك, – دەدى توكەجانوۆ.
اسىرەسە, جامبىل, تۇركىستان, الماتى, قوستاناي وبلىستارىندا ساقتاندىرىلعان ازاماتتار سانى 80 پايىزدان تومەن كورسەتكىشكە يە ەكەن.
بىلتىر مەديتسينالىق ساقتاندىرۋ جۇيەسىنە جارنالار مەن اۋدارىمدار تۇرىندە 550 ملرد تەڭگە كەلىپ تۇسكەن. 15 جەڭىلدىك كاتەگورياسى بويىنشا مەملەكەتتىك ترانش 297,6 ملرد تەڭگەنى قۇراعان. بۇل بارلىق تۇسىمدەردىڭ 54 پايىزى. جۇمىس بەرۋشىلەر ءوز جۇمىسشىلارى ءۇشىن 162 ملرد تەڭگە اۋدارعان.
– جۇمىسشىلار جارناسى 72,2 ملرد تەڭگە بولدى. جەكە كاسىپكەرلەر 10,4 ملرد تەڭگە, ازاماتتىق-قۇقىقتىق نەگىزدە جۇمىس ىستەيتىن ازاماتتار 2,3 ملرد تەڭگە, بىرىڭعاي جيىنتىق تولەم تولەۋشىلەر 2,8 ملرد تەڭگە, ءوز-ءوزىن جۇمىسپەن قامتۋشىلار 2,3 ملرد تەڭگە اۋداردى. ءمامس جۇيەسىنە اۋدارىم جاساۋ بويىنشا نۇر-سۇلتان, الماتى قالالارى جانە قاراعاندى وبلىسى كوش باسىندا. باتىس قازاقستان, قىزىلوردا, سولتۇستىك قازاقستان وبلىستارىندا تولەم دەڭگەيى تومەن, – دەيدى سپيكەر.
رەسمي دەرەك بويىنشا, 2020 جىلدىڭ قورىتىندىسىندا قور اكتيۆتەرى ەسەبىنەن ستاتسيونارلاردا 1 ملن-نان استام ناۋقاس ەمدەلگەن. وسى ماقساتتا 170 ملرد تەڭگە جۇمسالعان.
