پاندەميا مەملەكەتتەر اراسىنداعى بارىس-كەلىسكە دە ەداۋىر كەدەرگىسىن كەلتىرىپ جاتقانى بەلگىلى. وسىعان وراي حالىقارالىق جولاۋشىلار اعىنى ءبىرشاما باسەڭدەپ قالدى. بۇل ءوز كەزەگىندە الەۋمەتتىك بايلانىستى ازايتىپ, ەكونوميكالىق دامۋعا تەرىس ىقپال ەتە باستادى. وسىعان وراي ەكونوميكالىق وداق ىشىندە قاۋىپسىز ساپارلاردى قامتاماسىز ەتۋ ماقساتىندا ەۋرازيالىق دامۋ بانكى «COVID - 19-سىز ساياحاتتايمىن» ءموبيلدى قوسىمشاسىن ىسكە قوستى. پلاتفورما پايدالانۋشىعا ۆەريفيكاتسيالانعان زەرتحانالاردىڭ ءتىزىمىن جىلدام تابۋعا, قاجەتتى تالداۋلاردى تاپسىرۋعا جانە ينتەگراتسيالانعان اقپاراتتىق جۇيەدە كورسەتىلەتىن تەست ناتيجەلەرىن الۋعا مۇمكىندىك بەرەدى.
ياعني, ەاەو ەلدەرىنە بارۋدى جوسپارلاعان ازاماتتار ءموبيلدى قوسىمشانى ورناتۋ قاجەت. قوسىمشا كولىك ءتۇرىن جانە بارۋعا جوسپارلانعان ەلدى تاڭداۋعا مۇمكىندىك بەرەءدى. قوسىمشادا تىركەلگەننەن كەيىن پايدالانۋشىعا باراتىن ەلدەگىقولدانىستاعى شەكتەۋلەر مەن قاعيدالار تۋرالى اقپارات جىبەرىلەدى. ۆەريفيكاتسيالانعان زەرتحانالاردىڭ ءتىزىمى جانە تەستتەردى تاپسىرۋ ءۇشىن زەرتحاناعا قابىلداۋعا, جازىلۋ مۇمكىندىگى ۇسىنىلادى. پتر تەست ءناتيجەسىنىڭ مەرزىمى ءۇشكۇننەن ارتىق بولماۋى كەرەك ەكەنىن ەسكەرۋ قاجەت.
