ايماقتار • 04 ناۋرىز، 2021

جارىلىسقا گاز باللوندار سەبەپ بولدى

120 رەت كورسەتىلدى

24 اقپان كۇنى تۇنگە قاراي مۇعالجار اۋدانى مۇعالجار ەلدى مەكەنىندەگى جەكە تۇرعىن ۇيدە گاز باللونى جارىلىپ، وسى ءۇيدىڭ 11 جاستاعى بالاسى وقيعا ورنىندا قايتىس بولدى. قازىرگى ۋاقىتتا 52 جاستاعى ءۇي يەسى مەن ونىڭ 22 جاستاعى ۇلكەن بالاسى وبلىستىق جەدەل جاردەم اۋرۋحاناسىندا جاتىر. قايعىلى وقيعاعا ءۇي يەسىنىڭ دالادا ايازدا ساقتالعان 50 ليترلىك گاز باللونىن ۇيگە كىرگىزۋى سەبەپ بولعان. تىعىزدالىپ تولتىرىلعان جابىق ىدىس ءبىر جارىم ساعاتتان كەيىن جارىلىسقا اكەپ سوقتىرعان.

وسى وقيعادان ەكى كۇن وتكەندە، 27 اقپاندا تەمىر اۋدانى ساركول اۋىلىنىڭ ەكى تۇرعىنى ءوز ۇيىندە گازدان ۋلانىپ قايتىس بولدى. اقپاننىڭ 25-ءى كۇنى حرومتاۋ اۋدانىنىڭ كوكتاۋ اۋىلىنىڭ ەكى تۇرعىنى گازدان ۋلانىپ، اۋداندىق اۋرۋحانانىڭ جانساقتاۋ بولىمىنە جاتقىزىلدى. 3 قاڭتاردا قوبدا ەلدى مەكەنىندەگى تۇرعىن ۇيدە بەس ليترلىك گاز باللونى جارىلىپ، لەزدە ءۇي ورتكە ورانعان. ورتتەن وسى ءۇيدىڭ ەكى ادامىن كۇيىك شالعان. ولار قازىر قوبدا اۋداندىق اۋرۋحاناسىندا ەم الىپ جاتىر. بۇل وقيعاعا دا تىعىزدالا تولتىرىلعان سۇيىقتىقتىڭ جىلۋ قىسىمىنان كولەمى ارتىپ، ىدىسقا سىيماۋى سەبەپ بولدى. ءدال وسى كۇندەرى ىرعىز ەلدى مەكەنىندەگى ءبىر ۇيدە دە 5 ليترلىك گاز باللونى جارىلىپ، ىلە-شالا ۇيدەن ءورت شىققان. بۇل وقيعالار ءبىر-بىرىمەن وتە ۇقساس، ءبارى دە جەكە ادامداردىڭ ايازدا قاتىپ تۇرعان گاز باللوندارىن ۇيگە كىرگىزگەننەن كەيىن ورىن الدى. گاز باللوندارىنىڭ بار­لىعى دا اۆتوكولىككە گاز قۇيۋ بە­كەتتەرىندە تولتىرىلعان ەكەن. وبلىستىق توتەنشە جاعدايلار دەپارتامەنتى ماماندارىنىڭ الدىن الا جاساعان قورىتىندىسى وسى جاعدايلاردى انىقتاپتى.

ەگەر مامانداندىرىلعان گاز قۇيۋ بەكەتتەرىندە تۇرمىستىق ماقساتتا قولدانىلاتىن گاز بال­لوندارىن تولتىرۋ ەرەجەسى قا­تاڭ قاداعالانسا، كولىكتەرگە گاز قۇيۋ بەكەتتەرىندە بۇل ءتارتىپ ساق­تالا بەرمەيدى. كولىككە گاز تولتىرۋدى جانارماي قۇيۋمەن بىردەي سانايتىن وپەراتورلار جۇرتتىڭ قولىنداعى باللونداردى اۋزى-مۇرنىنا دەيىن تول­تىرىپ بەرەدى. مۇنىڭ ارتىن ويلاپ جاتقان ەشكىم جوق. جىل باستالعالى ءتورت ادامنىڭ ولى­مىمەن اياقتالعان وسى وقيعالار گاز قۇيۋ بەكەتتەرىنىڭ جۇمىسىن مۇقيات تەكسەرىستەن وت­كىزۋدى كۇن تارتىبىنە قويىپ وتىر.

ونىڭ ۇستىنە، كوپشىلىك تۇر­عىندار گازدى ساقتاۋ مەن ونى پايدالانۋ نۇسقاۋلىقتارىن ورىنداي بەرمەيدى. گاز باللوندارىن جىلىتۋ قۇرىلعىلارىنا جاقىن جەرگە قويۋعا، كوپ پاتەرلى ءۇيدىڭ بالكونىندا ساقتاۋعا بولمايتىنىن كوپشىلىك بىلسە دە ورىندامايدى. وسىدان كو­رىنىپ تۇرعانداي، ەكى ايدىڭ ىشىندە ءتورت ادامنىڭ اجالىنا سەبەپ بولعان وقيعالاردا ادام­دار­­دىڭ سالعىرتتىعى مەن گاز قۇياتىن مەكەمەلەردىڭ جا­ۋاپ­سىز­دىعى جاتىر. سونداي-اق وب­لىستىق توتەنشە جاعدايلار دە­­پارتامەنتىنىڭ ماماندارى گاز­بەن جۇرەتىن اۆتوكولىك ىشىندە تۇ­تانعان ءورت وقيعالارىنىڭ جيى­­­لەگەنىن حابارلايدى. وعان كو­­بىنەسە اۆتوكولىكتەردىڭ گاز قۇيا­­تىن بولىكتەرىندەگى اقاۋلار سەبەپ بولعان.

سوڭعى جاڭالىقتار

ديلليان ۋايت قاھارىنا ءمىندى

كاسىپقوي بوكس • بۇگىن، 19:10

سينگاپۋردىڭ سوڭعى اۋىلى

الەم • بۇگىن، 17:55

پەتر يان ۇزدىكتەر قاتارىنا ەندى

جەكپە-جەك • بۇگىن، 16:05

ۇقساس جاڭالىقتار