ءبىلىم • 04 ناۋرىز، 2021

باستاۋىش سىنىپ وقۋشىلارى ءبىرىن ءبىرى كورىپ ءماز

57 رەت كورسەتىلدى

باتىس قازاقستان وبلىسىندا 1-5 سىنىپ وقۋشىلارىنا 25 ادامعا دەيىن ءبىر سىنىپتا جينالىپ وقۋىنا رۇقسات بەرىلدى. بيىلعى وقۋ جىلىنىڭ ءىى-ءىىى توقسانىنان بەرى ولار ءار سىنىپتا 15 بالاعا دەيىن عانا وقىپ كەلگەن ەدى.

ءوڭىردىڭ باس مەملەكەتتىك سانيتار دارىگەرى «باتىس قازاقستان وبلىسى اۋماعىنداعى كارانتيندىك شەك­تەۋ شارالارى تۋرالى» قاۋ­لى­عا بىرقاتار وزگەرىس ەنگىزدى. وسىلايشا وڭىردە كارانتين تالابى ءبىراز جەڭىلدەپ وتىر. ماسە­لەن، مەملەكەتتىك ورگاندار مەن كۆازيمەملەكەتتىك سەكتور ۇيىم­دارى شتاتتاعى ادام سانى 15 جانە ودان كوپ بولعاندا قىز­­­­مەت­كەر­لەرىنىڭ كەمىندە 60%-ىن قا­شىقتان جۇمىس نىسانىنا اۋىس­­­­­تىرۋدى ۇسىنىپ وتىر. بۇ­عان دەيىن بۇل تالاپ 80 پايىز بولاتىن. سونداي-اق سانيتار دارىگەر وبلىستاعى جەكە كاسىپ نىساندارى­نا دا قىزمەتكەرلەرىنىڭ كەمىندە 50%-ىن قاشىقتان جۇمىس ىستەۋگە شاقىردى.

ء«بىرىنشى كەزەكتە 50 جانە ودان جوعارى جاستاعى قىزمەتكەرلەردى قا­شىقتان جۇمىس ىستەۋگە اۋىس­تىرۋ، جينالىستار، كەڭەستەر، س­ەمي­نارلار، كونفەرەنتسيالاردى وفلاين رەجىمدە وتكىزبەي، تەك سە­لەك­­تور­لىق رەجىمدە جانە بەي­نە­كون­فەرەنتس­بايلانىس ارقىلى وتكىزۋ ۇسى­نىلادى» دەلىنگەن قاۋلىدا.

جاڭا قاۋلىنىڭ وزگەرىستەرى، اسىرەسە ءبىلىم سالاسىنداعى تارتىپكە ءبىراز وزگەرىس اكەلىپ جاتىر. مى­سا­لى، 2020-2021 وقۋ جىلىنىڭ ءۇشىنشى توقسانىندا وقۋشىلار سانى 300-گە دەيىن كونتينگەنتى بار، سىنىپتارداعى بالالار سانى 15-كە دەيىن بولاتىن قالالىق جانە اۋىلدىق مەكتەپتەر ءداستۇرلى فورماتتا وقىتۋعا كوشتى. سونداي-اق 2021 جىلعى 1 ناۋرىزدان باستاپ جالپى ءبىلىم بەرەتىن مەكتەپتەردە 1-دەن 5-سىنىپقا دەيىن، حالىقارالىق مەكتەپتەردە 1-دەن 7-سىنىپقا دەيىن ارالاس وقىتۋعا كىرىسەدى.

ال وقۋ بىتىرەتىن 9، 11 (12) سىنىپتار اپتانىڭ 6 كۇنى ارالاس وقيتىن بولدى. سونىڭ ىشىندە پاندەردىڭ 70%-ى شتاتتىق رە­جىم­دە، 30%-ى قاشىقتان وقى­تىلادى. ولار سىنىپتا 15 ادامنان ارتىلماي، الەۋمەتتىك قا­شىق­تىق­تى ساقتاپ، «1 سىنىپ – 1 كابينەت» قاعيداتى بويىنشا ءبىلىم الادى. مەكتەپتە ءبىر ۋاقىتتا بولاتىن وقۋشى سانى جوبالىق قۋاتتىڭ 30%-ىنان اسپاۋى، سانيتارلىق-دەزين­فەكتسيالىق رەجىمدى، ماسكا رە­جىمىن كۇشەيتۋ تالاپ ەتىلەدى. ءبىلىم بەرۋ مەكەمەسى اكىمشىلىگىنىڭ شەشىمى بويىنشا ساباقتان تىس ۋاقىتتا 15 ادامنان اسپايتىن توپتاردا وقۋشىلاردى جەكە وقى­تۋ­عا رۇقسات بەرىلدى.

– ەگەر مەكتەپ وقۋشىسى كورو­­ناۆيرۋسپەن اۋىرىپ قالسا، ول وقيتىن سىنىپ جابىلادى. ال ءبىر مەكتەپتەن ەكى نەمەسە ودان دا كوپ مۇعالىم، نەمەسە ءار سى­نىپ­تىڭ وقۋشىلارى covid-19-بەن تىركەلسە، وندا مەكتەپ ۋاقىتشا جابىلادى، – دەپ ءتۇسىندىردى وب­لىس­تىق سانيتاريالىق-ەپيدە­ميولوگيالىق باقىلاۋ دەپار­تا­مەن­­تى باسشىسىنىڭ ورىنباسارى نۇرلىبەك مۇستاەۆ.

كوللەدجدەر مەن جوعارى وقۋ ورىندارىنىڭ I كۋرس ستۋدەنتتەرى ءۇشىن ەكىنشى سەمەستردەن باستاپ شتاتتىق وقۋعا رۇقسات بەرىلگەن بولاتىن. ولار بۇگىندە پاندەردىڭ 70%-ىن شتاتتىق رەجىمدە، 30%-ىن قاشىقتان وقىپ جاتىر.

وڭىردەگى كوپشىلىك ورىندار ءۇشىن دە كارانتين تالاپتارى جە­ڭىل­دەدى. مىسالى، ازىق-ت ۇلىك جانە ازىق-ت ۇلىك ەمەس جابىق بازارلار ساعات 09.00-دەن 17.00-گە دەيىن اپتا بويى ءۇزىلىسسىز ىستەي الادى. بۇرىن ولار جەكسەنبىدە جابىق بولاتىن. ساۋدا ۇيلەرى مەن ورتالىقتارى بەكىتىلگەن جۇمىس كەستەسىنە سايكەس، ادام سانىن شەكتەي جانە ساني­تارلىق قاۋىپسىزدىك تالاپتارىن ساقتاي وتىرىپ قالىپتى قىزمەت كەستەسىنە كوشتى.

نۇرلىبەك مۇستاەۆتىڭ اي­تۋىن­­­شا، جاقىن كۇندەرى وبلىسقا «سپۋتنيك-V» ۆاكتسيناسىنىڭ 3 مىڭنان اسا ەكپەسى كەلمەك. بۇل وڭىر­دە­گى مەديتسينا قىزمەتكەرلەرىنە جانە مۇعالىمدەرگە ارنالعان.

14-ناۋرىز – قازاقستاننىڭ باتىس وڭىرىندە ءبىر-بىرىمەن قول الىسىپ، قۇشاقتاسىپ امانداساتىن ءداستۇرلى «كورىسۋ» مەيرامى بولاتىن. بىراق سانيتار دارىگەرلەر وسى داستۇردەن بيىل تىيىلا تۇرۋدى ۇسىنىپ وتىر.

ايتا كەتەيىك، باتىس قازاقستان وبلىسى – كوروناۆيرۋس ىندەتىنىڭ تارالۋى بويىنشا ەلىمىزدە «سارى ايماقتا» قالىپ وتىرعان ءوڭىردىڭ ءبىرى.

 

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

اردا ازاماتتىڭ ەسىمى ەل ەسىندە

قازاقستان • بۇگىن، 09:29

قوزىباەۆ كابينەتى اشىلدى

قازاقستان • بۇگىن، 09:28

«قىزىل ايماقتان» قۇتىلا الماي تۇرمىز

كوروناۆيرۋس • بۇگىن، 09:23

ەلدى امان الىپ قالاتىن ەكپە عانا

كوروناۆيرۋس • بۇگىن، 09:21

ەپيداحۋال تۇراقتالىپ كەلەدى

كوروناۆيرۋس • بۇگىن، 09:19

ۇقساس جاڭالىقتار