قارجى • 03 ناۋرىز، 2021

كاسىپكەرلىك سۋبەكتىلەرىنىڭ بانك شوتتارىنان قولما-قول اقشانى الۋعا شەكتەۋلەر ەنگىزىلدى

11 رەت كورسەتىلدى

2021 جىلعى 1 قاڭتاردان باستاپ كاسىپكەرلىك سۋبەكتىلەرىنىڭ بانك شوتتارىنان قولما-قول اقشانى الۋىنا شەكتەۋ ەنگىزىلدى، دەپ حابارلايدى Egemen.kz.

اتالعان شەكتەۋ 2020 جىلعى 1 ماۋسىمنان باستاپ قولدانىستا بولعانىن جانە تەك زاڭدى تۇلعالارعا عانا قولدانىلعانىن اتاپ وتكەن ءجون، ال وسى جىلدىڭ باسىنان باستاپ شەكتەۋ دارا كاسىپكەرلەرگە دە قولدانىلادى، دەپ حابارلادى قر قم مەملەكەتتىك كىرىستەر كوميتەتىنىڭ ءباسپاسوز قىزمەتى. 

قازاقستان رەسپۋبليكاسىنىڭ ۇلتتىق بانكى باسقارماسىنىڭ 2020 جىلعى 21 جەلتوقسانداعى № 150 بىرلەسكەن قاۋلىسىمەن جانە قازاقستان رەسپۋبليكاسى ۇلتتىق ەكونوميكا ءمينيسترىنىڭ 2020 جىلعى 23 جەلتوقسانداعى №95 بۇيرىعىمەن (سىلتەمە: http://adilet.zan.kz/kaz/docs/V2000021901)  كاسىپكەرلىك سۋبەكتىلەرىنىڭ كۇنتىزبەلىك اي ىشىندە بانك شوتتارىنان قولما-قول اقشانى الۋ سوماسىنىڭ مىناداي شەكتى مولشەرى بەكىتىلدى:

  1. 20 000 000 (جيىرما ميلليون) تەڭگە – شاعىن كاسىپكەرلىك سۋبەكتىلەرى ءۇشىن;
  1. 120 000 000 ء(بىر ءجۇز جيىرما ميلليون) تەڭگە – ورتا كاسىپكەرلىك سۋبەكتىلەرى ءۇشىن;
  1. 150 000 000 ء(بىر ءجۇز ەلۋ ميلليون) تەڭگە – ءىرى كاسىپكەرلىك سۋبەكتىلەرى ءۇشىن.

بۇل رەتتە بانك شوتتارىنان قولما-قول اقشا الۋ جونىندەگى كورسەتىلگەن تالاپ مىناداي كاسىپكەرلىك سۋبەكتىلەرىنە:

  1. ميكرو كاسىپكەرلىك سۋبەكتىلەرىنە;
  2. اۋىل شارۋاشىلىعى ازىق-ت ۇلىك ءونىمىن، اكۆاوسىرۋ (بالىق اۋلاۋ) ءونىمىن ساتىپ الۋدى جۇزەگە اسىراتىن كاسىپكەرلىك سۋبەكتىلەرىنە;
  1. بىرلەسكەن قاۋلى مەن بۇيرىققا قوسىمشاعا سايكەس ەكونوميكالىق

قىزمەت تۇرلەرى بار تاماق ونىمدەرىمەن، سۋسىندارمەن، سونداي-اق فارماتسەۆتيكالىق، مەديتسينالىق جانە ورتوپەديالىق تاۋارلارمەن بولشەك ساۋدانى جۇزەگە اسىراتىن كاسىپكەرلىك سۋبەكتىلەرىنە;

4) ەكىنشى دەڭگەيدەگى بانكتەر جانە ۇلتتىق پوچتا وپەراتورى قازاقستان رەسپۋبليكاسىنىڭ ۇلتتىق بانكىندە اشىلعان كوررەسپوندەنتتىك شوتتاردان قولما-قول اقشا العان كەزدە جانە قىزمەتىن قازاقستان رەسپۋبليكاسى ۇلتتىق بانكىنىڭ قولما-قول شەتەل ۆاليۋتاسىمەن ايىرباستاۋ وپەراتسيالارىنا بەرگەن ليتسەنزياسى نەگىزىندە تەك قانا ايىرباستاۋ پۋنكتتەرى ارقىلى جۇزەگە اسىراتىن زاڭدى تۇلعالارعا قولدانىلمايدى.

سونىمەن قاتار، قازاقستان رەسپۋبليكاسىنىڭ ۇلتتىق بانكى باسقارماسىنىڭ 2020 جىلعى 21 جەلتوقسانداعى №151 جانە قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگى باسقارماسىنىڭ 2020 جىلعى 22 جەلتوقسانداعى №125 بىرلەسكەن قاۋلىلارىمەن جانە قازاقستان رەسپۋبليكاسى قارجى ءمينيسترىنىڭ 2020 جىلعى 22 جەلتوقسانداعى № 1223 بۇيرىعىمەن كاسىپكەرلىك سۋبەكتىلەرىنىڭ بانك شوتتارىنان قولما-قول اقشانى الۋ قاعيدالارى بەكىتىلدى (سىلتەمە: http://adilet.zan.kz/kaz/docs/V2000021885).

كورسەتىلگەن قاعيدالاردا قولما-قول اقشانى الۋدىڭ بەلگىلەنگەن شەكتى مولشەرىنەن اسقان جاعدايدا، كاسىپكەرگە بانككە ۇسىنۋى قاجەت قۇجاتتاردىڭ نەگىزگى تىزبەسى بەكىتىلگەن.

كاسىپكەر بانككە مىنالاردى ۇسىنۋى كەرەك:

  • قولما-قول اقشانى الۋ ماقساتىن راستايتىن قۇجات;
  • مەملەكەتتىك كىرىستەر ورگاندارىنا مالىمەتتەر مەن قۇجاتتاردى جىبەرۋگە كەلىسىمى.

بانك 1 جۇمىس كۇنى  ىشىندە مكك-نە بانكتىك شوتتان قولما-قول اقشا الۋعا وتىنىم جىبەرەدى.

مكك ءوتىنىمدى 3 جۇمىس كۇنى ىشىندە قاراستىرادى. وسىدان كەيىن بانككە قولما-قول اقشانى بەرۋدەن باس تارتۋ ءۇشىن نەگىزدەمەنىڭ بار نەمەسە جوق ەكەندىگى تۋرالى مالىمەتتەردى جىبەرەدى.

سونداي-اق تاۋەكەلدەردى باسقارۋ جۇيەسىن قولدانۋدى ەسكەرە وتىرىپ، مەملەكەتتىك كىرىستەر ورگانى مىناداي شەشىمدەردىڭ ءبىرىن شىعارادى:

تاۋەكەلدىڭ تومەن دارەجەسى بويىنشا – قولما-قول اقشا بەرۋدەن باس تارتۋ ءۇشىن نەگىزدەردىڭ جوقتىعى تۋرالى;

جوعارى تاۋەكەل دارەجەسى بويىنشا – قولما-قول اقشا بەرۋدەن باس تارتۋ ءۇشىن نەگىزدەردىڭ بولۋى تۋرالى.

«تاۋەكەلدەردى باسقارۋ جۇيەسىن قولدانۋ ناتيجەلەرى بويىنشا كاسىپكەرلىك سۋبەكتىلەرىنىڭ بانك شوتتارىنان قولما-قول اقشانى الۋ سوماسىنىڭ شەكتى مولشەرىنەن اساتىن سومادا قولما-قول اقشا بەرۋدەن باس تارتۋ ءۇشىن نەگىزدەردىڭ بولۋى نە بولماۋى تۋرالى مالىمەتتەر كۇنتىزبەلىك ءبىر اي ىشىندە جارامدى»،- دەپ تولىقتىردى مەملەكەتتىك كىرىستەر كوميتەتىندە.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار