ايماقتار • 03 ناۋرىز، 2021

«ورەn University» كەڭسەسى مەن «تازا قول» ءمۇسىنى اشىلدى

58 رەت كورسەتىلدى

بۇگىن س.امانجولوۆ اتىنداعى شىعىس قازاقستان ۋنيۆەرسيتەتىندە «تازا قول» ءمۇسىنىنىڭ تۇساۋكەسەرى مەن «ورەپ University» كەڭسەسىنىڭ اشىلۋى ءوتتى، دەپ حابارلايدى Egemen.kz

ەندى ستۋدەنتتەر «ورەپ University» كەڭسەسىندە وقۋىنا قاتىستى كەز-كەلگەن سۇراققا وپ-وڭاي جاۋاپ الا الادى. كەڭسەدە قاشىقتان وقىتۋ پورتالى، رەكتور بلوگى، سەنىم جاشىكتەرى، سەنىم تەلەفوندارى، «سىبايلاس جەمقورلىققا قارسى ءىس-قيمىل» ونلاين پورتالى قىزمەت كورسەتەدى. ول ءۇشىن ستۋدەنت-كەڭەسشىلەر دە تاعايىندالعان. ولاردىڭ قاتارىندا اتالمىش وقۋ ورىننىڭ ستۋدەنتى ارتەم بوروۆيكوۆ تا بار. ايتا كەتەرلىگى، ول 1 ناۋرىزدا ءاليا نازارباەۆا قۇرىلتايشىسى بولىپ تابىلاتىن «ADAM BOL AWARDS» ءبىرىنشى جاھاندىق قازاقستاندىق سىيلىعىنىڭ لاۋرەاتى جانە جەڭىمپازى اتاندى. وعان «MYQTY ADAM» اتاعى بەرىلدى.

وقۋ ورنىنىڭ قابىرعاسىندا وتكەن بۇل سالتاناتتى شاراعا شقو بويىنشا سىبايلاس جەمقورلىققا قارسى قىزمەت دەپارتامەنتىنىڭ باسشىسى ەرلان ناعاشىباي ۇلى جانە زيالى قاۋىم وكىلدەرى قاتىستى.

– «تازا قول» ءمۇسىنى بىلتىر عانا جوبا جۇزىندە تانىستىرىلعان ەدى. مىنە، ويداعى دۇنيە ىسكە اسىرىلدى. «ستۋدەنتتەر – ءبىزدىڭ بولاشاعىمىز» دەگەندى ءجيى ايتامىز. مۇنداي باستامانىڭ تاربيەلىك ءمانى وراسان. ەندىگىسىندە ەلىمىزدەگى وزگە دە ۋنيۆەرسيتتەر وسى قادامدى جالعاستىرسا ەكەن، – دەدى ەرلان جالماعامبەت.

ۋنيۆەرسيتەت رەكتورى مۇحتار تولەگەننىڭ ايتۋىنشا، ستۋدەنتتەردىڭ ءوتىنىش-شاعىمىنا قاشان دا تۇسىنىستىكپەن قارايدى. ال شىنى قورشاۋلى «Open university» كابينەتىندە وزىنە-ءوزى قىزمەت ەتۋ مۇمكىندىگى قاراستىرىلىپتى. اتا-انالار كەلىپ دەكاناتقا بايلانىسقا شىققىلارى كەلسە، كەزەك كۇتپەي-اق وسى جەردە تۋىنداعان ماسەلە توڭىرەگىندە ەركىن ديالوگ قۇرا الادى.

بۇدان سوڭ قوناقتار سيرەك كىتاپتار قورىمەن تانىستى، «ابايتانۋ» عىلىمي-زەرتتەۋ ينستيتۋتىنا باس سۇقتى. بۇل رەتتە وبلىستىق «حاليفا التاي» مەشىتىنىڭ باس يمامى ەرمەك قاجى مۇقاتاي، قالالىق مادەنيەت، ىشكى ساياسات، جانە تىلدەردى دامىتۋ ءبولىمىنىڭ باسشىسى قالقامان سارين، بەلگىلى ورنيتولوگ بوريس ششەرباكوۆ سىندى مەيماندار ءبىلىم وشاعىنىڭ باستاماسىنا وڭ باعاسىن بەردى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار