قازاقستان • 03 ناۋرىز، 2021

انتيكور وتكەن جىلعى قۇقىق بۇزۋشىلىق فاكتىلەردى جاريالادى

21 رەت كورسەتىلدى

قازىرگى جاعدايدا كەز كەلگەن مەملەكەتتىك ورگان قوعام تاراپىنان قولداۋ ارقىلى عانا تابىسقا جەتە الادى. سىبايلاس جەمقورلىققا قارسى ءتيىمدى ءىس-قيمىلدى، اتاپ ايتقاندا، حالىقتىڭ بەلسەندى قاتىسۋىمەن عانا جۇزەگە اسىرۋعا بولادى، دەپ حابارلايدى Egemen.kz

سىبايلاس جەمقورلىققا قارسى ءىس-قيمىل اگەنتتىگى ءتۇرلى بايلانىس ارنالارى («Antikor Live»، «Antikor News» جوبالارى، Facebook، Instagram، تelegram جانە ت.ب.) ارقىلى اشىقتىق قاعيداتىن جۇزەگە اسىرىپ وتىر. سونىڭ ىشىندە Call-ورتالىق ازاماتتارعا تەگىن اقپاراتتىق-كونسۋلتاتسيالىق قولداۋ كورسەتىپ جاتىر.

وپەراتورلار اگەنتتىكتىڭ قىزمەتى تۋرالى سۇراقتارعا جاۋاپ بەرەدى، ءارى سىبايلاس جەمقورلىققا قارسى قىزمەت پەن ونىڭ قىزمەتكەرلەرىنىڭ جۇمىسىنا شاعىمدار، ۇسىنىستار مەن پىكىرلەردى قابىلدايدى، جۇمىسقا ءتۇسۋ ءتارتىبىن تۇسىندىرەدى.

ورتالىق سىبايلاس جەمقورلىق فاكتىلەرى، ونىڭ ىشىندە جاسالعان نەمەسە دايىندالىپ جاتقان قۇقىق بۇزۋشىلىقتار جونىندە، سونداي-اق كاسىپكەرلىك قىزمەتكە كەدەرگى كەلتىرۋ جاعدايلارى تۋرالى تەلەفون حابارلامالارىنا تاۋلىك بويى دەن قويادى. ەگەر بۇعان دەيىن قىلمىستىق ىستەر باقىلاۋ-قاداعالاۋ ورگاندارى تاراپىنان جەدەل ازىرلەمەلەر مەن قۇجاتتىق تەكسەرۋ ماتەريالدارى نەگىزىندە قوزعالسا، بۇگىنگى تاڭدا اگەنتتىكتىڭ، سونداي-اق بەيجاي قارامايتىن ازاماتتاردىڭ حابارلامالارىنا دا سۇيەنىپ وتىر.

سىبايلاس جەمقورلىق قۇقىق بۇزۋشىلىق جاسادى دەگەن كۇدىك تۋرالى قوڭىراۋ تۇسكەن كەزدە وپەراتور ابونەنتتى اگەنتتىكتىڭ كەزەكشى وفيتسەرىمەن دەرەۋ قوسادى، ول حابارلامانى تىركەيدى جانە جەدەل شارالاردى قابىلدايدى. وسىلايشا، ءاربىر حابارلاما ۋاقتىلى تەكسەرىلەدى. جەتكىلىكتى نەگىزدەر بولعان جاعدايدا سوتقا دەيىنگى تەرگەپ-تەكسەرۋ باستالادى.

سونىڭ ىشىندە ازاماتتار تىكەلەي بايلانىس ارقىلى جەرگىلىكتى دەپارتتامەنتەرگە دە سىبايلاس جەمقورلىق فاكتىلەرى تۋرالى حابارلاۋدا. 

سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلعا وزگە دە جولمەن جاردەمدەسكەن ادامدارعا، ەگەر كىنالى ادامعا قاتىستى اكىمشىلىك جازا قولدانۋ تۋرالى سوت قاۋلىسى نەمەسە ايىپتاۋ ۇكىمى زاڭدى كۇشىنە ەنگەن بولسا، بىرجولعى اقشالاي سىياقى تولەنەدى.

اگەنتتىك تۇراقتى نەگىزدە سىبايلاس جەمقورلىق قۇقىق بۇزۋشىلىق تۋرالى حابارلاعان نەمەسە سىبايلاس جەمقورلىققا قارسى ءىس-قيمىلدا وزگە دە جولمەن جاردەمدەسەتىن ادامداردى كوتەرمەلەۋ جونىندەگى اۋماقتىق ورگانداردىڭ جۇمىسىنا تالداۋ جۇرگىزەدى.

كوتەرمەلەۋ قاعيدالارمەن رەگلامەنتتەلگەن جانە سىبايلاس جەمقورلىققا مۇلدەم توزبەۋشىلىكتى قالىپتاستىرۋ جانە ازاماتتىق قوعامدى وسى قاۋىپتى الەۋمەتتىك قۇبىلىسپەن كۇرەسكە تارتۋ بويىنشا پارمەندى ىنتالاندىرۋشى تەتىك بولىپ تابىلادى. وتكەن جىلى ىنتالاندىرۋ ەرەجەلەرىنە وزگەرىستەر ەنگىزىلدى.

ەىدۇ ەلدەرىنىڭ (گەرمانيا، ۇلىبريتانيا، اقش) تاجىريبەسى بويىنشا سىياقى سوماسى سارالانعان سوماعا اينالدى. ەندى پارا نەمەسە كەلتىرىلگەن زالال سوماسى 1 مىڭ اەك-تەن (2 ملن 778 مىڭ تەڭگە) اسپايتىن سىبايلاس جەمقورلىق قۇقىق بۇزۋشىلىق تۋرالى حابارلاما ءۇشىن سىياقى (قىلمىستىڭ اۋىرلىعىنا بايلانىستى) 30-دان 100 اەك-كە دەيىن قۇرايدى.

كورسەتىلگەن سومادان ارتىق – سىياقى 10%-دى قۇرايدى، بىراق 4 مىڭ اەك-تەن اسپايدى (11 ملن 112 مىڭ تەڭگە). بۇرىن كوتەرمەلەۋدىڭ ەڭ جوعارى مولشەرى 100 ەسەپتىك كورسەتكىشتەن (277 مىڭ 800 تەڭگە) اسپاعان. سوڭعى 2 جىلدا (2019 جىلدان 2020 جىلعا دەيىن) سىبايلاس جەمقورلىققا قارسى قىزمەتتىڭ اۋماقتىق ورگاندارىمەن جالپى سوماسى 58،9 ملن تەڭگەگە 396 ازامات ىنتالاندىرىلدى.

2019 جىلى – 31،8 ملن تەڭگە سوماسىنا 214 تۇلعا.

2020 جىلى – 27،1 ملن تەڭگە سوماسىنا 182 تۇلعا.

2020 جىلى كوتەرمەلەنگەندەردىڭ ىشىنەن – 122 ادام اۋىر قىلمىس جاساۋ تۋرالى حابارلادى; اۋىرلىعى ورتاشا ىستەر بويىنشا – 55 ادام; ونشا اۋىر ەمەس ىستەر بويىنشا – 2 ادام; جانە 3 ادام اكىمشىلىك قۇقىق بۇزۋشىلىق تۋرالى حابارلاعانى ءۇشىن كوتەرمەلەندى.

تالداۋ كورسەتكەندەي، نەگىزىنەن ازاماتتار پاراقورلىق (قك 366، 367 جانە 368-باپتارى) – 126 حابارلاما نەمەسە 69،2% جانە ۇرلاۋ (قك 190 جانە 189-باپتارى) – 46 نەمەسە 25،2% فاكتىلەرى تۋرالى حابارلايدى. تاعى 5 (2،7%) حابارلاما لاۋازىمدىق وكىلەتتىكتەرىن تەرىس پايدالانۋ فاكتىلەرى بويىنشا راستالدى (قك 361-بابى). بۇل رەتتە، ادامدار كوتەرمەلەنگەن راستالعان حابارلامالاردىڭ ەڭ كوپ سانى ىشكى ىستەر ورگاندارىنا كەلەدى – 50-دەن استام حابارلاما، اكىمدىكتەر مەن ولاردىڭ قۇرىلىمدىق بولىمشەلەرى – 50-گە جۋىق، پارا بەرگەن ادامدارعا قاتىستى – 15-كە جۋىق حابارلاما. ازاماتتاردى كوتەرمەلەۋ بويىنشا ەڭ جوعارى ناتيجەلىلىك جامبىل وبلىسى (30 تۇلعا – 5 009 910 تەڭگە)، الماتى قالاسى (19 تۇلعا – 3 566 226 تەڭگە)، تۇركىستان وبلىسى (14 تۇلعا – 2 344 770 تەڭگە) جانە الماتى وبلىسى (13 تۇلعا – 2 328 280 تەڭگە) بويىنشا دەپارتامەنتتەردە بايقالادى. بيىل بيۋدجەتتەن 213 ادامدى كوتەرمەلەۋگە 33،9 ملن تەڭگە (33 944 000) ءبولىندى.

وسى جىلدىڭ قاڭتار ايىندا اۋماقتىق دەپارتامەنتتەرمەن 1 306 740 تەڭگە سوماسىنا 11 تۇلعا ىنتالاندىرىلدى (قاراعاندى – 390 000 تەڭگە سوماسىنا 1 تۇلعا; اتىراۋ – 500 040 تەڭگە سوماسىنا 3 تۇلعا; ماڭعىستاۋ –138 900 تەڭگە سوماسىنا 1 تۇلعا; تۇركىستان – 138 900 تەڭگە سوماسىنا 1 تۇلعا; اقتوبە – 138 900 تەڭگە سوماسىنا 1 تۇلعا; قوستاناي – 4 تۇلعا (گراموتالار)).

مىسالى، ازاماتتاردىڭ ءوتىنىشى بويىنشا قاراعاندى وبلىسىنىڭ دەپارتامەنتىمەن «د» ازاماتىنىڭ ارىزى بويىنشا شاحتينسك قالاسىنىڭ قۇرىلىس ءبولىمىنىڭ باسشىسى اليەۆ جانە مەردىگەرلىك ۇيىمداردىڭ ديرەكتورلارى حان مەن تسوي اۋىر سىبايلاس جەمقورلىق قىلمىس جاساۋدا اشكەرەلەندى (قك 28 بابى 4 ب. – 367 بابى 3 ب.).

ولار «د» ازاماتتى پروكۋراتۋرا قىزمەتكەرلەرىنە كوپ قاباتتى ءۇي قۇرىلىسىنا بولىنگەن بيۋدجەت قاراجاتىن جىمقىرۋ فاكتىسى بويىنشا قىلمىستىق ءىستى توقتاتقانى ءۇشىن 3،9 ملن تەڭگە سوماسىندا پارا بەرۋگە يتەرمەلەدى.

سوت ۇكىمى بويىنشا ۇشەۋى دە كىنالى دەپ تانىلدى (قك-ءنىڭ 189-بابى 4-بولىگى، 28-بابى 4-بولىگى، 367 بابى 3-بولىگى) جانە 8 جىلدان 10 جىلعا دەيىنگى مەرزىمگە باس بوستاندىعىنان ايىرۋعا سوتتالدى.

ۇكىم زاڭدى كۇشىنە ەنگەننەن كەيىن، اعىمداعى جىلدىڭ قاڭتار ايىندا «د» ازاماتقا 390 مىڭ تەڭگە (پارا سوماسىنىڭ 10%) مولشەرىندە سىياقى تولەندى.

اتىراۋ وبلىسىندا ءبىر جشس ديرەكتورىنىڭ ارىزى بويىنشا وبلىستىق پوليتسيا دەپارتامەنتىنىڭ ءبولىم باستىعى ب.دوسانوۆ 1،5 ملن تەڭگە سوماسىندا پارا الۋدا اشكەرەلەندى.

ول جشس ديرەكتورىنان بالىقتى كەدەرگىسىز اۋلاۋ مەن ساتۋ جانە ونىڭ كاسىپكەرلىك قىزمەتىنە جالپى قامقورلىق جاساۋ ءۇشىن پارا بوپسالادى. سوت ۇكىمىمەن دوسانوۆ 3 جىل 6 ايعا باس بوستاندىعىنان ايىرىلدى. ارىز بەرۋشى 194 مىڭ تەڭگە كولەمىندە سىياقى الدى. مۇنداي مىسالدار دۇرىس ازاماتتىق ۇستانىمدى قالىپتاستىرادى جانە سىبايلاس جەمقورلىق كورىنىستەرىنە جول بەرمەۋ تۋرالى ازاماتتاردىڭ ساناسىنا وڭ اسەر ەتەدى. اگەنتتىك حالىقپەن ءوزارا ءىس-قيمىل جاساۋ ءۇشىن تولىعىمەن اشىق، ويتكەنى سىبايلاس جەمقورلىققا قارسى كۇرەس ءبىزدىڭ ورتاق مىندەتىمىز بولىپ تابىلادى.

بەيجاي قارامايتىن ازاماتتاردى سىبايلاس جەمقورلىققا قارسى ءىس-قيمىل اگەنتتىگىنىڭ Call-ورتالىعىنا 1424 ءنومىرى ارقىلى سىبايلاس جەمقورلىقتىڭ ءاربىر كورىنىسى تۋرالى حابارلاۋعا شاقىرامىز.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار