قوعام • 03 ناۋرىز، 2021

جۇمىس ىستەيتىن جاستارعا جالعا بەرىلەتىن پاتەرلەر قۇرىلىسى قارجىلاندىرىلا ما؟

8 رەت كورسەتىلدى

پارلامەنت ءماجىلىسىنىڭ جالپى وتىرىسىندا دەپۋتات ايگۇل نۇركينا جۇمىس ىستەيتىن جاستار ءۇشىن جالعا بەرىلەتىن پاتەرلەر قۇرىلىسىن قارجىلاندىرۋدى جالعاستىرۋدى سۇرادى. وسى ورايدا ۇكىمەت باسشىسى اسقار ءماميننىڭ اتىنا دەپۋتاتتىق ساۋال جولداندى، دەپ حابارلايدى Egemen.kz

«ەل باسشىلىعى جاستار ساياساتىنا، اتاپ ايتقاندا جاستاردى تۇرعىن ۇيمەن قامتاماسىز ەتۋگە باسا نازار اۋدارىپ كەلەدى. ماسەلەن، 2019 جىلدان باستاپ ەلباسىنىڭ تاپسىرماسى بويىنشا جۇمىس ىستەيتىن جاستارعا نەعۇرلىم سۇرانىسقا يە ماماندىقتار بويىنشا نۇر-سۇلتان، الماتى جانە شىمكەنت قالالارىندا جالدامالى تۇرعىن ءۇي بەرىلەدى. 2019-2020 جىلدارى جاس ماماندار مەن جاس وتباسىلارعا 4 مىڭعا جۋىق پاتەر بەرىلدى. بيىل نۇر-سۇلتان، الماتى جانە شىمكەنت قالالارىندا تاعى 3 مىڭ پاتەر بەرىلەدى»، دەپ توقتالدى دەپۋتات.

ونىڭ ايتۋىنشا، «Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن ورىنداۋ جونىندەگى جول كارتاسىنا سايكەس، ۇكىمەت 2021-2025 جىلدار ارالىعىندا سۇرانىسقا يە ماماندىقتار بويىنشا جۇمىس ىستەيتىن جاستار ءۇشىن جىل سايىنعى نەگىزدە جالعا بەرىلەتىن پاتەرلەر بەرۋدى جوسپارلاپ وتىر.

«سونىمەن قاتار، تۇرعىن ءۇي-كوممۋنالدىق دامۋدىڭ 2020-2025 جىلدارعا ارنالعان «نۇرلى جەر» مەملەكەتتىك باعدارلاماسىنا سايكەس، 2022 جىلدان باستاپ جۇمىس ىستەيتىن جاستار ءۇشىن جالعا بەرىلەتىن پاتەرلەر قۇرىلىسىن جىل سايىن قارجىلاندىرۋ قاراستىرىلماعان. وسىعان بايلانىستى، مەملەكەتتىك باعدارلاماعا جۇمىس ىستەيتىن جاستار ءۇشىن جالعا بەرىلەتىن پاتەرلەر قۇرىلىسىن قارجىلاندىرۋدى 2025 جىلعا دەيىن ۇزارتۋ بولىگىندە وزگەرىستەر ەنگىزۋ قاجەت دەپ سانايمىز»، دەدى ايگۇل نۇركينا.

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

2002 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:32

سارىالا قازدىڭ قاڭقىلى ەستىلدى

رۋحانيات • بۇگىن، 08:51

قور نارىعى قىمباتتادى

الەم • بۇگىن، 08:33

بابا اماناتىنا ادالدىق

رۋحانيات • بۇگىن، 08:07

بالۋاننىڭ العاشقى التىنى

كۇرەس • بۇگىن، 08:02

پسج ەسە قايتاردى

فۋتبول • بۇگىن، 07:59

جارىستى جەڭىسپەن باستادى

بوكس • بۇگىن، 07:56

جاقاەۆتىڭ تاقياسى

رۋحانيات • بۇگىن، 07:47

شىلىكتى اۋىلىن سۋ باستى

ايماقتار • بۇگىن، 07:44

Ever Given مىسىردا قالدى

الەم • بۇگىن، 07:28

جەر تۋرالى زاڭ سەناتقا جولداندى

پارلامەنت • بۇگىن، 07:22

ۇقساس جاڭالىقتار