ايماقتار • 03 ناۋرىز، 2021

باستاۋىش سىنىپ وقۋشىلارى ءبىرىنشى رەت تولىق باس قوستى

21 رەت كورسەتىلدى

باتىس قازاقستان وبلىسىندا 1-5 سىنىپ وقۋشىلارىنا 25 ادامعا دەيىن ءبىر سىنىپتا جينالىپ وقۋىنا رۇقسات بەرىلدى. بيىلعى وقۋ جىلىنىڭ ءىى-ءىىى توقسانىنان بەرى ولار ءار سىنىپتا 15 بالاعا دەيىن عانا وقىپ كەلگەن ەدى، دەپ حابارلايدى Egemen.kz

باتىس قازاقستان وبلىسىنىڭ باس مەملەكەتتىك سانيتار دارىگەرى «باتىس قازاقستان وبلىسى اۋماعىنداعى كارانتيندىك شەكتەۋ شارالارى تۋرالى» قاۋلىعا بىرقاتار وزگەرىستەر ەنگىزدى. بۇل بويىنشا وڭىردە كارانتين تالابى ءبىراز جەڭىلدەپ وتىر.

ماسەلەن، مەملەكەتتىك ورگاندار مەن كۆازيمەملەكەتتىك سەكتور ۇيىمدارى شتاتتاعى ادام سانى 15 جانە ودان كوپ بولعاندا قىزمەتكەرلەرىنىڭ كەمىندە 60%-ىن قاشىقتان جۇمىس نىسانىنا اۋىستىرۋدى ۇسىنىپ وتىر. بۇعان دەيىن بۇل تالاپ 80 پايىز بولاتىن. سونداي-اق سانيتار دارىگەر وبلىستاعى جەكە كاسىپ نىساندارىنا دا قىزمەتكەرلەرىنىڭ كەمىندە 50%-ىن قاشىقتان جۇمىس ىستەۋگە شاقىردى.

ء«بىرىنشى كەزەكتە 50 جانە ودان جوعارى جاستاعى قىزمەتكەرلەردى قاشىقتان جۇمىس ىستەۋگە اۋىستىرۋ، جينالىستار، كەڭەستەر، سەمينارلار، كونفەرەنتسيالاردى وففلاين رەجيمدە وتكىزبەي، تەك سەلەكتورلىق رەجيمدە جانە بەينەكونفەرەنتسبايلانىس ارقىلى وتكىزۋ ۇسىنىلادى» دەگەن قاۋلىدا.

جاڭا قاۋلىنىڭ وزگەرىستەرى اسىرەسە ءبىلىم سالاسىنداعى تارتىپكە ءبىراز وزگەرىس اكەلىپ جاتىر. مىسالى، 2020-2021 وقۋ جىلىنىڭ ءۇشىنشى توقسانىندا وقۋشىلار سانى 300-گە دەيىن كونتينگەنتى بار، سىنىپتارداعى بالالار سانى 15-كە دەيىن بولاتىن قالالىق جانە اۋىلدىق مەكتەپتەردە ءداستۇرلى فورماتتا وقىتۋعا كوشتى. سونداي-اق 2021 جىلعى 1 ناۋرىزدان باستاپ جالپى ءبىلىم بەرەتىن مەكتەپتەردە 1-دەن 5-سىنىپقا دەيىن، حالىقارالىق مەكتەپتەردە 1-دەن 7-سىنىپقا دەيىن ارالاس وقىتۋعا كىرىسەدى.

ال وقۋ بىتىرەتىن 9، 11 (12) سىنىپتار اپتانىڭ 6 كۇنى ارالاس وقيتىن بولدى. سونىڭ ىشىندە پاندەردىڭ 70%-ى شتاتتىق رەجيمدە، 30%-ى قاشىقتان وقىتىلادى. ولار سىنىپتا 15 ادامنان ارتىلماي، الەۋمەتتىك قاشىقتىقتى ساقتاپ، «1 سىنىپ - 1 كابينەت» قاعيداتى بويىنشا ءبىلىم الادى. مەكتەپتە ءبىر ۋاقىتتا بولاتىن وقۋشى سانى جوبالىق قۋاتتىڭ 30%-ىنان اسپاۋى، سانيتاريالىق-دەزينفەكتسيالىق رەجيمدى، ماسكا رەجيمىن كۇشەيتۋ تالاپ ەتىلەدى.

ءبىلىم بەرۋ مەكەمەسى اكىمشىلىگىنىڭ شەشىمى بويىنشا ساباقتان تىس ۋاقىتتا 15 ادامنان اسپايتىن توپتاردا وقۋشىلاردى جەكە وقىتۋعا رۇقسات بەرىلدى.

ەگەر مەكتەپ وقۋشىسى كوروناۆيرۋسپەن اۋىرىپ قالسا، ول وقيتىن سىنىپ جابىلادى. ال ءبىر مەكتەپتەن ەكى نەمەسە ودان دا كوپ مۇعالىم، نەمەسە ءار سىنىپتىڭ وقۋشىلارى covid-پەن تىركەلسە، وندا مەكتەپ ۋاقىتشا جابىلادى، - دەپ ءتۇسىندىردى باتىس قازاقستان وبلىسىنىڭ سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆ. كوللەدجدەر مەن جوعارى وقۋ ورىندارىنىڭ I كۋرس ستۋدەنتتەرى ءۇشىن ەكىنشى سەمەستردەن باستاپ شتاتتىق وقۋعا رۇقسات بەرىلگەن بولاتىن. ولار بۇگىندە پاندەردىڭ 70%-ىن شتاتتىق رەجيمدە، 30%-ىن قاشىقتان وقىپ جاتىر.

وڭىردەگى كوپشىلىك ورىندار ءۇشىن دە كارانتين تالاپتارى جەڭىلدەدى. مىسالى، ازىق-ت ۇلىك جانە ازىق-ت ۇلىك ەمەس جابىق بازارلار ساعات 09.00-دەن 17.00-گە دەيىن اپتا بويى ءۇزىلىسسىز جاساي الادى. بۇرىن ولار جەكسەنبىدە جابىق بولاتىن. ساۋدا ۇيلەرى مەن ورتالىقتارى بەكىتىلگەن جۇمىس كەستەسىنە سايكەس، ادام سانىن شەكتەي جانە سانيتارلىق قاۋىپسىزدىك تالاپتارىن ساقتاي وتىرىپ قالىپتى قىزمەت كەستەسىنە كوشتى.

نۇرلىبەك مۇستاەۆتىڭ ايتۋىنشا، جاقىن كۇندەرى وبلىسقا «سپۋتنيك-V» ۆاكتسيناسىنىڭ 3 مىڭنان اسا ەكپەسى كەلمەك. ول وڭىردەگى مەديتسينا قىزمەتكەرلەرىنە جانە مۇعالىمدەرگە ارنالعان.
14-ناۋرىز – قازاقستاننىڭ باتىس وڭىرىندە ءبىر-بىرىمەن قول الىسىپ، قۇشاقتاسىپ امانداساتىن ءداستۇرلى «كورىسۋ» مەيرامى بولاتىن. بىراق سانيتار دارىگەرلەر وسى داستۇردەن بيىلشا تيىلا تۇرۋدى ۇسىنىپ وتىر.

ايتا كەتەيىك، باتىس قازاقستان وبلىسى – كوروناۆيرۋس ىندەتىنىڭ تارالۋى بويىنشا ەلىمىزدە «سارى ايماقتا» قالىپ وتىرعان ءوڭىردىڭ ءبىرى.

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

2002 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:32

سارىالا قازدىڭ قاڭقىلى ەستىلدى

رۋحانيات • بۇگىن، 08:51

قور نارىعى قىمباتتادى

الەم • بۇگىن، 08:33

بابا اماناتىنا ادالدىق

رۋحانيات • بۇگىن، 08:07

بالۋاننىڭ العاشقى التىنى

كۇرەس • بۇگىن، 08:02

پسج ەسە قايتاردى

فۋتبول • بۇگىن، 07:59

جارىستى جەڭىسپەن باستادى

بوكس • بۇگىن، 07:56

جاقاەۆتىڭ تاقياسى

رۋحانيات • بۇگىن، 07:47

شىلىكتى اۋىلىن سۋ باستى

ايماقتار • بۇگىن، 07:44

Ever Given مىسىردا قالدى

الەم • بۇگىن، 07:28

جەر تۋرالى زاڭ سەناتقا جولداندى

پارلامەنت • بۇگىن، 07:22

ۇقساس جاڭالىقتار