قوعام • 03 ناۋرىز، 2021

ەلوردا اكىمدىگىنە نارازىلىق بىلدىرگەن انالاردىڭ تالابى قانداي؟

142 رەت كورسەتىلدى

نارازىلىق بىلدىرگەن انالار توبى ەلوردا اكىمدىگىنە جينالىپ، بىرقاتار تالابىن ايتتى، دەپ حابارلايدى Egemen.kz اكىمدىكتىڭ ءباسپاسوز قىزمەتىنە سىلتەمە جاساپ.

وزدەرىن اگرەسسيۆتى ۇستاعان بەلسەندىلەردىڭ اراسىندا بۇرىن زاڭعا سايكەس جانە كەزەك بويىنشا پاتەر العاندار بار ەكەنىن اتاپ وتكەن ءجون. سونداي-اق، كەلگەندەردىڭ ءبارى بىرنەشە رەت قابىلداۋدا، ونىڭ ىشىندە ەلوردا اكىمىنىڭ ازاماتتاردى قابىلداۋىندا بولعان. ونىڭ قورىتىندىسى بويىنشا ولارعا زاڭناماعا سايكەس بارلىق قاجەتتى كومەك كورسەتىلگەن بولاتىن. بۇل كۇندەرى نارازىلىق ءبىلدىرۋشى انالارعا اكىم ورىنباسارلارى - باقتيار ماكەن مەن نۇرلان نۇركەنوۆ، باسقارما باسشىلارى قوسىمشا ءتۇسىندىرىپ، سۇراقتارىنا جاۋاپ بەردى.

سونىمەن قاتار، ايەلدەر ەڭبەك جانە الەۋمەتتىك قورعاۋ مينيسترلىگى ازىرلەگەن «ازاماتتاردىڭ جەكەلەگەن ساناتتارىن الەۋمەتتىك قورعاۋ ماسەلەلەرى بويىنشا» بىرقاتار زاڭنامالىق اكتىگە قاناعاتتانبايتىنىن اتاپ ءوتتى. ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆ انالارمەن كەزدەسىپ، ولاردىڭ ۇسىنىستارىن تىڭدادى، زاڭنامالىق اكتىلەردىڭ نورمالارىن ءتۇسىندىردى.

ايتا كەتۋ كەرەك، مۇمكىندىگى شەكتەۋلى جاندار ءۇشىن الەۋمەتتىك كومەك پەن تەگىن قىزمەتتەر كورسەتىلەدى: مۇگەدەك بالانى تاربيەلەۋشىلەرگە اي سايىنعى جاردەماقى، بالا كۇنىنەن 1-توپتاعى مۇگەدەككە كۇتىم جاساۋ بويىنشا اي سايىنعى جاردەماقى، وڭالتۋدىڭ تەحنيكالىق قۇرالدارىنىڭ 55 ءتۇرىن، سونداي-اق ساناتوري-كۋرورتتىق ەمدەۋدى، قالالىق كولىك مارشرۋتتارىندا تەگىن جول ءجۇرۋدى، ينۆاتاكسيدى الۋ مۇمكىندىگى بار. مۇگەدەك ادامدارعا (I، II توپتار) ءتىس پروتەزدەۋ قىزمەتتەرى; بىرجولعى اقشالاي تولەمدەر، ااك، قاتتى وتىن الۋعا الەۋمەتتىك كومەك جانە ت.ب.

ەلوردا اكىمدىگى وتكەن جىلى عانا بىرقاتار وڭالتۋ ورتالىقتارىن سالدى، جاڭا تۇرعىن ءۇي كەشەندەرىنىڭ ءبىرىنشى قاباتتارىندا مەديتسينالىق ورتالىقتار، وڭالتۋ ورتالىقتارى اشىلۋدا، ينۆاتاكسي سانى 2 ەسەگە ۇلعايدى، "ۇيدەگى دارىگەر" جوباسىنىڭ 29 وبەكتىسى اشىلدى جانە ت.ب. اتالعان شارالاردىڭ ءبارى جۇيەلى نەگىزدە جۇرگىزىلۋدە.

2020 جىلى ەلوردا اكىمى، ونىڭ ورىنباسارلارى، باسقارما باسشىلارى مەن اۋدان اكىمدەرى 9،5 مىڭنان استام ازاماتتى قابىلدادى. وسى جىلدىڭ ەكى ايىندا مىڭعا جۋىق قالا تۇرعىنى جولىقتى.

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

2002 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:32

سارىالا قازدىڭ قاڭقىلى ەستىلدى

رۋحانيات • بۇگىن، 08:51

قور نارىعى قىمباتتادى

الەم • بۇگىن، 08:33

بابا اماناتىنا ادالدىق

رۋحانيات • بۇگىن، 08:07

بالۋاننىڭ العاشقى التىنى

كۇرەس • بۇگىن، 08:02

پسج ەسە قايتاردى

فۋتبول • بۇگىن، 07:59

جارىستى جەڭىسپەن باستادى

بوكس • بۇگىن، 07:56

جاقاەۆتىڭ تاقياسى

رۋحانيات • بۇگىن، 07:47

شىلىكتى اۋىلىن سۋ باستى

ايماقتار • بۇگىن، 07:44

Ever Given مىسىردا قالدى

الەم • بۇگىن، 07:28

جەر تۋرالى زاڭ سەناتقا جولداندى

پارلامەنت • بۇگىن، 07:22

ۇقساس جاڭالىقتار