2013 جىلعى 20 جەلتوقسان استانا, ۇكىمەت ءۇيى
«تۇجىرىمداما, دوكترينا ازىرلەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 14 ساۋىردەگى № 305 قاۋلىسىنا وزگەرىستەر ەنگىزۋ تۋرالى
2013 جىلعى 20 جەلتوقسان استانا, ۇكىمەت ءۇيى
«تۇجىرىمداما, دوكترينا ازىرلەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 14 ساۋىردەگى № 305 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «تۇجىرىمداما, دوكترينا ازىرلەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 14 ساۋىردەگى № 305 قاۋلىسىنا (قازاقستان رەسپۋبليكاسىنىڭ ءپۇاج-ى, 2010 ج., № 30, 227-كۇجات) مىناداي وزگەرىستەر ەنگىزىلسىن:
كورسەتىلگەن قاۋلىمەن بەكىتىلگەن تۇجىرىمداما, دوكترينا ازىرلەۋ ەرەجەسىندە:
10-تارماق مىناداي رەداكتسيادا جازىلسىن:
«10. تۇجىرىمداما اعىمداعى احۋالدى تالداۋدى, ايانى, سالانى (سالالاردى) دامىتۋدىڭ ۇردىستەرى مەن پايىمىن قامتيدى; ايانى, سالانى (سالالاردى) دامىتۋدىڭ نەگىزگى قاعيداتتارى مەن جالپى تاسىلدەرىن اشىپ كورسەتەدى; ولار ارقىلى تۇجىرىمدامانى ىسكە اسىرۋ بولجانىپ وتىرعان نورماتيۆتىك قۇقىقتىق اكتىلەردىڭ تىزبەسىن كوزدەيدى.
تۇجىرىمدامادا ءتۇيىندى پروبلەمالار ءبولىپ كورسەتىلەدى, وسى تۇجىرىمدامانىڭ قاجەتتىگىنىڭ نەگىزدەمەسى كەلتىرىلەدى, تۇجىرىمدامانىڭ ماقساتتارى, مىندەتتەرى, ورىندالۋ كەزەڭى جانە تۇجىرىمدامانى ىسكە اسىرۋدان كۇتىلەتىن ناتيجەلەر ايقىندالادى.
تۇجىرىمدامانىڭ ماقساتتارى ءتۇيىندى پروبلەمالاردى شەشۋ قاجەتتىگىنەن قالىپتاستىرىلادى جانە سوعان نەگىزدەلەدى, ايانى, سالانى (سالالاردى) دامىتۋ پايىمىن كورسەتەدى جانە وڭ ناتيجەگە باعىتتالۋى ءتيىس.
مىندەتتەر بەلگىلەنگەن ماقساتتارعا قول جەتكىزۋدىڭ جولدارىن ايقىندايدى.
تۇجىرىمدامانى ىسكە اسىرۋ كەزەڭى ونىڭ ماقساتتارى مەن مىندەتتەرىنە قول جەتكىزۋدىڭ بولجامدى مەرزىمىن سيپاتتايدى.
كۇتىلەتىن ناتيجەلەر تۇجىرىمدامانى ىسكە اسىرۋ ناتيجەسىنە قول جەتكىزىلۋى ءتيىس وڭ وزگەرىستەردى سيپاتتايدى, سونداي-اق ساپالى وزگەرۋىنە ىقپال ەتۋى ءتيىس ينديكاتورلاردى ايقىندايدى.
كۇتىلەتىن ناتيجەلەر باقىلاناتىن جانە تەكسەرىلەتىن, سانى مەن ساپالىق جاعىنان ولشەنەتىن, ءابسوليۋتتى جانە/نەمەسە سالىستىرمالى شامالاردا كورسەتىلۋى ءتيىس.
تۇجىرىمدامادا قولدانىلعان تەرميندەر مەن انىقتامالاردى ناقتىلاۋ قاجەت بولعان كەزدە, ولاردىڭ ماعىناسىن تۇسىندىرەتىن كىشى ءبولىم كوزدەلۋى مۇمكىن.
بولعان جاعدايدا, تۇجىرىمدامادا قازاقستان رەسپۋبليكاسىنىڭ جاعدايىنا بەيىمدەلۋى مۇمكىن ۇقساس ماسەلەلەردى شەشۋ جونىندەگى الەمدىك پراكتيكانىڭ وڭ تاجىريبەسىنە شولۋ كەلتىرىلەدى.
تۇجىرىمدامادا ايانى, سالانى (سالالاردى) دامىتۋدىڭ جالپى تاسىلدەرى, نەگىزگى قاعيداتتارى مەن تەتىكتەرى كورسەتىلەدى.
تاسىلدەر بەلگىلەنگەن مىندەتتەردى شەشۋدىڭ نەعۇرلىم ءتيىمدى امالدارى مەن ادىستەرىن ايقىندايدى.
ولار ارقىلى تۇجىرىمدامانى ىسكە اسىرۋ بولجانىپ وتىرعان مەملەكەتتىك جانە سالالىق باعدارلامالار, اۋماقتاردى دامىتۋ باعدارلامالارى, مەملەكەتتىك ورگانداردىڭ ستراتەگيالىق جوسپارلارى, زاڭدار ىسكە اسىرۋ قۇرالدارى بولادى.
تۇجىرىمدامادا ولاردى ورىنداۋدىڭ بولجامدى مەرزىمدەرى كورسەتىلە وتىرىپ, سول ارقىلى تۇجىرىمدامانىڭ ماقساتتارىنا قول جەتكىزۋ جانە مىندەتتەرىن شەشۋ بولجاناتىن قولدانىستاعى جانە سول سياقتى ازىرلەنۋى جوسپارلانىپ وتىرعان ستراتەگيالىق جانە باعدارلامالىق قۇجاتتاردىڭ, مەملەكەتتىك ورگانداردىڭ ستراتەگيالىق جوسپارلارى مەن قازاقستان رەسپۋبليكاسى زاڭدارىنىڭ تىزبەسى كەلتىرىلەدى. بۇل رەتتە ءاربىر مىندەتتىڭ شەشىلۋى, تۇجىرىمدامانىڭ ءاربىر كۇتىلەتىن ناتيجەسىنە قول جەتكىزۋ قانداي قۇجات ارقىلى قامتاماسىز ەتىلەتىنى كورسەتىلۋى ءتيىس»;
11,12 جانە 13-تارماقتار الىنىپ تاستالسىن.
2. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
