الماتىدا ءورت قاۋىپسىزدىگىنە باقىلاۋ كۇشەيتىلدى

ايماقتار • 02 ناۋرىز، 2021

الماتىدا ءورت قاۋىپسىزدىگىنە باقىلاۋ كۇشەيتىلدى

12 رەت كورسەتىلدى

بۇگىن وكق-دە وتكەن بريفينگتە الماتى قالاسى توتەنشە جاعدايلار دەپارتامەنتى باسشىسىنىڭ ورىنباسارى، ازاماتتىق قورعاۋ پولكوۆنيگى سامات اسايىنوۆتىڭ قاتىسۋىمەن بريفينگ ءوتتى، دەپ حابارلايدى Egemen.kz.

ايناش ەسالى

2021 جىلدىڭ 2 ايىندا الماتى قالاسىنىڭ اۋماعىندا 147 ءورت تىركەلدى، 14 ادام ورتتەن زارداپ شەكتى، 5 ادام قۇتقارىلدى، 200 ميلليون تەڭگەدەن استام سومانىڭ م ۇلىگى ساقتالدى. قازىرگى ۋاقىتتا ورتتەن قايتىس بولعاندار سانى تىركەلمەگەن (2020 جىلى - 3). 96 ءورت تۇرعىن ءۇي سەكتورىندا بولعان، نەمەسە جىل باسىنان بەرى بولعان ءورتتىڭ جالپى سانىنىڭ 65%.

جەكە تۇرعىن ءۇي سەكتورىنداعى ءورتتىڭ نەگىزگى سەبەپتەرى:
- وتتى ۇقىپسىز پايدالانۋ 21 جاعداي;
- پەشتەردى پايدالانۋ كەزىندە ءورت قاۋىپسىزدىگى ەرەجەلەرىن بۇزۋ – 29 جاعداي;
- ەلەكتر جابدىقتارىن مونتاجداۋ جانە پايدالانۋ ەرەجەلەرىن بۇزۋ 41 جاعداي;
- تۇرمىستىق ەلەكتر قۇرىلعىلارىن پايدالانۋ كەزىندە وقە بۇزۋشىلىقتارى 31 جاعداي;
- ورتەۋ 13 جاعداي;
- وتپەن جۇمىس كەزىندە ءورت قاۋىپسىزدىگى ەرەجەلەرىن بۇزۋ 3 جاعداي، 2-ءۋى بالالاردىڭ تەنتەكتىگىنەن جانە ءورتتىڭ باسقا سەبەپتەرى 9 جاعداي.

سونىمەن بىرگە، 2020-2021 جىلدارداعى جىلىتۋ كەزەڭىندە ورتتەر مەن ادامداردىڭ جاراقاتتانۋىن ازايتۋ ماقساتىندا الماتى قالاسى توتەنشە جاعدايلار دەپارتامەنتى توتەنشە جاعدايلاردىڭ الدىن الۋ بويىنشا كەشەندى ءىس-شارالار جۇرگىزۋدە. جەكەلەگەن (بولەك) توپقا ءورتتىڭ الدىن الۋ بويىنشا اتاۋلى كومەككە مۇقتاج 274 الەۋمەتتىك وسال وتباسى كىرەدى. از قامتىلعان جانە از قوزعالاتىن وتباسىلاردىڭ 144-تەن استام ۇيىندە توتەنشە جاعدايلار ءبولىمىنىڭ قىزمەتكەرلەرى ەرىكتىلەرمەن بىرگە ەلەكتر جەلىلەرىن، جىلۋ جۇيەلەرىن جوندەۋگە، پەش قۇرىلىمدارىنداعى جارىقتاردى، اكتەۋ، پەشتىڭ مۇرجالارىن كۇيەدەن تازارتۋ جانە باسقا جۇمىستار بويىنشا ماقساتتى كومەك كورسەتتى. بۇل باعىتتاعى جۇمىستار جالعاسۋدا.

ورتتەردىڭ 65%-ى تۇرعىن ءۇي قورىندا بولاتىندىعىن ەسكەرە وتىرىپ، 2020 جىلدىڭ تامىزىنان باستاپ اۋقىمدى ناۋقان جانە تۇرعىندارمەن ءتۇسىندىرۋ جۇمىستارى باستالدى.

بارلىعى 145 471 جەكە تۇرعىن ءۇي ەسەپكە الىندى، ونىڭ 1347-ءسى قاتتى وتىن جاعادى، ولار 100% زەرتتەلدى، ونىڭ ىشىندە 274 الەۋمەتتىك وسال وتباسىلاردىڭ ۇيلەرى قايتا تەكسەرىلدى (ياعني 2 رەت)، ءورتتىڭ قاۋىپسىزدىك شارالارى تۋرالى 300 مىڭنان استام جادىنامالار تاراتىلدى.

اكىمدىكتىڭ قولداۋىمەن الەۋمەتتىك جاعىنان وسال وتباسىلاردىڭ كومىرمەن جىلىتىلاتىن 1 254 جەكە تۇرعىن ءۇيى كومىرتەگى توتىعى داتچيكتەرىمەن جابدىقتالعان (ۇيلەردە 2018 جىلدان 2020 جىلعا دەيىن ورناتىلعان داتچيكتەردى ەسكەرە وتىرىپ).

الماتى اكىمدىگىنىڭ قولداۋىمەن تۇرمىسى تومەن وتباسىلارعا تيەسىلى كومىرمەن جىلىتىلاتىن (كومىر جاعاتىن) 1254 جەكە تۇرعىن ءۇي گاز ءيىسىن سەزۋشى داتچيكتەرمەن جابدىقتالدى.
- گاز قۇرىلعىلارىن پايدالانۋ كەزىندە قاۋىپسىزدىك شارالارىن ساقتاۋعا;
- جيھازدى جانە باسقا جانعىش زاتتاردى جىلىتۋ پەشتەرى مەن گاز قۇرىلعىلارىنىڭ جانىنا قويماۋدى، مۇرجالاردى جاقسى كۇيدە ۇستاۋدى;
- اقاۋلى ەلەكتر روزەتكالارىن، ەلەكتر اجىراتقىشتارىن جانە ەلەكتر قۇرىلعىلارىن پايدالانباۋدى;
- ەلەكتر پليتالارى، ۇتىكتەر، ەلەكتر شاينەكتەرى مەن كەروسيندى قوندىرعىلاردى وتقا ءتوزىمدى تىرەكتەرگە ورناتۋدى;
- پەشتىڭ قۇرىلىمدارىنداعى جارىقشاقتار مەن كەتىكتەردى سىلاۋدى، مۇرجالاردى كۇيەدەن تازارتۋدى ۇسىنادى.

«ەگەر ءبىزدىڭ ازاماتتارىمىز قاۋىپسىزدىك ەرەجەلەرىن ساقتاسا، وندا ءورتتىڭ زالالىن ازايتۋ، سونداي - اق ادامداردىڭ قازا بولۋى نولگە دەيىن ازايادى»، - دەپ اتاپ ءوتتى سامات اسايىنوۆ، ول قالا تۇرعىندارى الدىن الۋ شارالارى رەتىندە مۇرجالاردى ۋاقتىلى تازالاۋ قاجەت ەكەنىن ايتتى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز