تەحنولوگيا • 02 ناۋرىز، 2021

جانداربەك بەكشين «Ashyq» ءموبيلدى قوسىمشاسىن پايدالانا باستاعان نىسانداردى تەكسەردى

10 رەت كورسەتىلدى

بۇگىن الماتى قالاسىنىڭ باس سانيتاريالىق دارىگەرى جانداربەك بەكشين QR-كودتار جۇيەسىن پيلوتتىق رەجيمدە پايدالاناتىن بىرقاتار نىساندى ارالادى. ولار 12 قوعامدىق تاماقتانۋ ورنى، 15 فيتنەس-زالى، سپا جانە ساۋنا، دەپ حابارلايدى Egemen.kz.

«Ashyq» قوسىمشاسىنىڭ ارتىقشىلىعىن پايدالانعان العاشقى كاسىپكەرلەردىڭ قاتارىندا دوستىق داڭعىلى بويىنداعى «قازاقستان» سپورت كەشەنىنىڭ ديرەكتورى ايدانا ساتوۆا بار. كاسىپكەر ءوز نىسانى ءۇشىن QR-كودتى اقپان ايىنىڭ ورتاسىندا الدى. سپورت كەشەنىنىڭ ديرەكتورى اتاپ وتكەندەي، ولاردىڭ 5 مىڭ تۇراقتى كليەنتتەرى بار جانە ولاردىڭ ەكەۋى عانا قوسىمشاعا كۇمانمەن قارادى.

- ءبىز ءوز كليەنتتەرىمىزبەن سويلەسەمىز، ولاردىڭ دەنساۋلىعى ءبىز ءۇشىن، ەڭ ماڭىزدى. كوپتەگەن ادامدار ءسىز باسسەينگە كەلۋشىلەردى قالاي باسقاراسىز دەپ وزدەرى سۇرايدى. شىنىندا دا، ءبىز جۇزگىشتەردى بەلگىلى ءبىر جەردە ۇستاي المايمىز، ال «Ashyq» قوسىمشاسىنىڭ ارقاسىندا كەشەن قىزمەتكەرلەرى مەن كەلۋشىلەردىڭ ءوزى قاۋىپسىزدىك ءۇشىن تىنىش بولا الادى، - دەيدى ايدانا ەرنۇرقىزى.

كاسىپكەردىڭ ايتۋىنشا، اقپاراتتى حالىققا دۇرىس جەتكىزە ءبىلۋ وتە ماڭىزدى.

-  مەن فيتنەس وپەراتورلارى قاۋىمداستىعىنىڭ وكىلدەرىمەن سويلەستىم، كوپشىلىگى قوسىمشانىڭ تۇجىرىمداماسىن ءتۇسىنىپ، ونىڭ ارتىقشىلىقتارىن باعالادى. وسىنىڭ ارقاسىندا ولار ءوز كليەنتتەرىنە ونى پايدالانۋ قاجەتتىلىگى تۋرالى تىنىش سويلەسە الادى. ءبىز كليەنتتەردى قوسىمشانى جۇكتەۋگە ماجبۇرلەمەيمىز. كوبىسى مۇنى ءوز ەركىمەن جاسادى، قالعاندارى كەلىپ، وزدەرىنىڭ جسن - ءىن كەشەنىڭ اكىمشسىنە ايتادى، ول بويىنشا ستاتۋسى جۇزەگە اسىرىلادى، - دەيدى ايدانا ساتوۆا.

بۇل رەتتە كليەنتتەر وزدەرىنىڭ دەربەس دەرەكتەرى ءۇشىن الاڭسىز بولا الادى. ولاردىڭ جسن ەشقايدا بەرىلمەيدى، تەك كەلۋشىنىڭ ستاتۋسىن تەكسەرۋ ءۇشىن قاجەت.

الماتىنىڭ باس سانيتاريالىق دارىگەرى جانداربەك بەكشين قوسىمشانىڭ جۇمىس ىستەيتىنىنە ءوزى كوز جەتكىزدى. ول تەكسەرۋگە بىرنەشە سەكۋند ۋاقىت كەتەتىنىن اتاپ ءوتتى. سمارتفوندى QR-كودقا جۇكتەلگەن قوسىمشامەن الىپ، سكانەرلەۋ جانە كىرۋ جەتكىلىكتى.

- ەكراندا ستاتۋستىڭ كۇيلەرى كورسەتىلەدى (كوك، جاسىل، قىزىل نەمەسە سارى). شىعۋ كەزىندە- شىعۋدى بەكىتۋ ءۇشىن QR كودىن سكانەرلەۋ كەرەك. سونىمەن قاتار، بۇل قوسىمشا مەكەمەنىڭ جۇمىس رەجيمىن باقىلاۋ ءۇشىن ىڭعايلى. قوسىمشا مەكەمەدەگى ءبىر مەزگىلدە كەلۋشىلەردىڭ سانىن جانە ونىڭ جۇمىس ساعاتتارىن تالداۋعا (يەسىزدەندىرۋگە) مۇمكىندىك بەرەدى. وسىلايشا، مونيتورينگتىك تەكسەرۋلەر جۇرگىزۋ قاجەتتىلىگى ازايادى، - دەيدى جانداربەك مۇحتار ۇلى.

ەستەرىڭىزگە سالا كەتەيىك، «Ashyq» پيلوتتىق جوباسى الماتى، نۇر-سۇلتان جانە قاراعاندى قالالارىندا جۇزەگە اسىرىلۋدا. ازىرلەۋشىلەردىڭ ايتۋىنشا، قوسىمشانى 15 648 ادام جۇكتەگەن.         

رەسپۋبليكا بويىنشا وبەكتىلەرگە 99 QR-كود بەرىلدى. ونىڭ 27-ءسى الماتىدا.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار