ۇكىمەت • 02 ناۋرىز، 2021

ۇكىمەت مەديتسينالىق-سانيتاريالىق العاشقى كومەكتى دامىتۋ شارالارىن قارادى

15 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا مەديتسينالىق-سانيتاريالىق العاشقى كومەكتى (مساك) دامىتۋ جونىندەگى شارالار قارالدى، دەپ حابارلايدى Egemen.kz.

دەنساۋلىق ساقتاۋ ءمينيسترى الەكسەي تسوي، باتىس قازاقستان وبلىسىنىڭ اكىمى عالي ەسقاليەۆ، اتىراۋ وبلىسىنىڭ اكىمى ماحامبەت دوسمۇحامبەتوۆ، قىزىلوردا وبلىسىنىڭ اكىمى گۇلشارا ابدىقالىقوۆا بايانداما جاسادى.

«مەملەكەت باسشىسى قاسىم-جومارت كەمەل ۇلى توقاەۆتىڭ حالىققا ارناعان جولداۋىندا ۇكىمەتكە مەديتسينالىق العاشقى كومەكتى ۇيىمداستىرۋدىڭ تاسىلدەرىن تۇبەگەيلى قايتا قاراۋدى تاپسىردى. حالىقتىڭ باسىم كوپشىلىگىنە، اسىرەسە اۋىلدى جەرلەردە موبيلدىلىك پەن قولجەتىمدىلىك اسا قاجەت. بۇل مىندەتتەر “Nur Otan” پارتياسىنىڭ سايلاۋالدى باعدارلاماسىن ورىنداۋ جونىندەگى جول كارتاسىندا بەلگىلەنگەن»، — دەدى ا. مامين. 

پرەمەر-مينيستر اقمولا، سولتۇستىك قازاقستان جانە شىعىس قازاقستان وبلىستارىنداعى امبۋلاتوريالىق-ەمحانالىق نىسانداردى تەحنيكالىق جابدىقتاۋ دەڭگەيىنىڭ تومەندىگى مەن عيماراتتاردىڭ توزۋىن اتاپ ءوتتى. ۇكىمەت باسشىسى اۋىلدارعا جۇمىسقا بەلسەندى تارتۋ جانە جاس مەديتسينا قىزمەتكەرلەرىن الەۋمەتتىك قولداۋ قاجەتتىگىن اتاپ ءوتتى. مىسال رەتىندە قوستاناي، سولتۇستىك قازاقستان جانە اتىراۋ وبلىستارىنداعى وسىنداي جۇمىستىڭ وڭ تاجىريبەسىن كەلتىردى.

«2025 جىلدىڭ سوڭىنا دەيىن 487 وبەكتىنى سالۋ جوسپارلانعان. سونىمەن قاتار 600-دەن استام العاشقى مەديتسينالىق كومەك كورسەتۋ وبەكتىلەرىن كۇردەلى جوندەۋدەن وتكىزۋ قاجەت. قابىلدانىپ جاتقان شارالار، اسىرەسە، اۋىلدىق ەلدى مەكەندەردى العاشقى مەديتسينالىق كومەكپەن قامتۋدى ەداۋىر كەڭەيتۋگە مۇمكىندىك بەرەدى»، — دەدى ا. مامين.

ۇكىمەت باسشىسى وڭىرلەردىڭ اكىمدەرىنە ءبىر اي مەرزىمدە دەنساۋلىق ساقتاۋ مينيسترلىگىنە جىلدار مەن ەلدى مەكەندەر بويىنشا بولىنگەن العاشقى دەنساۋلىق ساقتاۋ وبەكتىلەرىنىڭ ينفراقۇرىلىمىن دامىتۋدىڭ جول كارتاسىن ازىرلەپ، جولداۋدى تاپسىردى.

اكىمدىكتەرگە دەنساۋلىق ساقتاۋ مينيسترلىگىمەن بىرلەسىپ، وڭىرلەردە جاڭا ۋچاسكەلەر اشۋ، جەكە سەكتوردى دامىتۋ جانە تارتۋ ارقىلى مساك دارىگەرلەرىنىڭ جۇكتەمەسىن ازايتۋدى قامتاماسىز ەتۋ، سونداي-اق جاس مەديتسينا قىزمەتكەرلەرىن، اسىرەسە اۋىلعا جۇمىسقا كەلگەن جاس مامانداردى ماتەريالدىق ىنتالاندىرۋ شارالارىن قابىلداۋ تاپسىرىلدى.

سوڭعى جاڭالىقتار

ەكپە سالدىرۋدا بەلسەندىلىك بايقالادى

كوروناۆيرۋس • بۇگىن، 14:10

چارلو شايقاسقا شاقىرۋدان شارشامايدى

كاسىپقوي بوكس • بۇگىن، 13:27

ەلوردا «قىزىل» ايماقتان شىقتى

كوروناۆيرۋس • بۇگىن، 09:22

الەم چەمپيوناتى باستالدى

سپورت • بۇگىن، 09:09

قۇندى ەرتوقىم

ەلوردا • بۇگىن، 09:05

تىڭ سەرپىلىس بايقالمايدى

سپورت • بۇگىن، 08:59

اسەرلى «ادەبيەت كۋرستارى»

وقيعا • بۇگىن، 08:54

تاۋەلسىزدىك تاعىلىمى

تاۋەلسىزدىكتىڭ 30 جىلدىعى • بۇگىن، 08:52

ون ءبىرىنشى پالاتا

مەديتسينا • بۇگىن، 08:45

جارقىننىڭ جاقسىلىعى

ايماقتار • بۇگىن، 08:39

تىلسىم كۇشپەن ءتىل تابىسقان

تاريح • بۇگىن، 08:36

قىلقالام ۇشىنداعى قۇدىرەت

ونەر • بۇگىن، 08:35

ۇقساس جاڭالىقتار