قوعام • 02 ناۋرىز، 2021

قاي ەلدەرگە اۋە رەيسى كوبەيەدى؟

9 رەت كورسەتىلدى

2021 جىلدىڭ 24 اقپانىنان باستاپ ەلىمىز تۇركىستان قالا­سىنان ىستان­بۇلعا حالىق­ارا­لىق رەيستەردى اشتى. «Air Astana» جانە SCAT اۋە كومپانيا­لارى بۇل باعىتتا اپتاسىنا ءتورت رەيس ورىندايدى.

يندۋستريا جانە ينفراقۇ­رى­لىمدىق دامۋ مينيسترلىگى ءتيىستى شەشىمنىڭ ەپيدەميالىق جاع­داي­دىڭ وزگەرۋىنە جانە قازاقستان رەس­پۋبليكاسىنىڭ اۋماعىندا كوروناۆيرۋس ينفەكتسياسىنىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ شەشىمىنە بايلانىستى قابىل­دانعانىن ايتادى.

اتالعان شەشىم اياسىندا وزبەك­ستان، قىرعىزستان جانە ۋكراي­ناعا دا رەيستەر سانىن ارتتىرۋعا رۇقسات ەتىلگەن. الماتى – تاشكەنت – الماتى باعىتىندا اپتاسىنا 4-تەن 8 رەيسكە دەيىن ۇلعايدى (Air Astana مەن Uzbekistan Airways 2 رەيسى قوسىلادى). الماتى – بىشكەك – الماتى باعىتىندا اپتاسىنا 3-تەن 5 رەيسكە دەيىن (Air Astana 2 رەيسى قوسىلادى). سونىمەن قاتار الماتى – كيەۆ – الماتى باعىتىندا اپتاسىنا 1-دەن 2 رەيسكە دەيىن (Air Astana 1 رەيسى قوسىلادى) ارتادى.

رەيستەر سانيتارلىق-ەپيدە­ميا­لىق تالاپتاردى قاتاڭ ساقتاي وتىرىپ، اۋە كومپا­نيالارىنىڭ سايتتارىندا جاريالانعان كەس­تەگە سايكەس ورىندالادى.

 

سوڭعى جاڭالىقتار

ۇقساس جاڭالىقتار