قوعام • 02 ناۋرىز، 2021

اكادەميكتىڭ مەرەيتويىن اتاپ ءوتتى

21 رەت كورسەتىلدى

ءال-فارابي اتىنداعى قازاق ۇلتتىق ۋنيۆەرسيتەتى وقۋ ورنى تاريحىندا ەلەۋلى ءىز قالدىرعان، قازىرگى قازۇۋ قالاشىعىن سالۋعا تىكەلەي ىقپال ەتكەن تۇلعا، تەحنيكا عىلىمدارىنىڭ دوكتورى، پروفەسسور ومىربەك جولداسبەكوۆتىڭ 90 جىلدىق مەرەيتويىن اتاپ ءوتتى.

العىس ايتۋ مەرەكەسىمەن تۇسپا-تۇس كەلگەن ايتۋلى شارا ستۋدەنتتەر سارايى الدىنداعى جولداسبەكوۆ ەسكەرتكىشىنە گۇل شوقتارىن قويىپ، تاعزىم ەتۋدەن باستالدى.

– ول ەلىمىزدەگى جوعارى ءبىلىمنىڭ دامۋىنا ۇلكەن ەڭبەك ءسىڭىردى. ستۋدەنتتەر دايارلاناتىن عىلىمي باعىت پەن ماماندىقتار ونىڭ اتىمەن تىكەلەي بايلانىستى. ونىڭ باسشىلىعىمەن لابوراتوريا، كافەدرا، عىلىمي ورتالىقتار جانە قازاقستان ۇلتتىق ينجەنەرلىك اكادەمياسى قۇرىلدى. تىكەلەي باسشىلىق ەتۋىمەن ەلىمىزدەگى ستۋدەنتتىك شاقتىڭ سيمۆولىنا، عىلىم مەن ءبىلىمنىڭ اينىماس بەلگىسىنە اينالعان قازۇۋ قالاشىعى بوي كوتەردى، – دەدى قۇتتىقتاۋ سوزىندە ۋنيۆەرسيتەت رەكتورى جانسەيىت تۇيمەباەۆ. 

ۋنيۆەرسيتەت رەكتورى 90 جىلدىقتىڭ تاۋەلسىزدىكتىڭ 30 جىلدىعىمەن، ەلىمىزدەگى العىس ايتۋ كۇنىمەن قاتار كەلگەنىن دە جاقسى ىرىمعا بالايتىنىن ايتتى. سەناتور باقىتجان جۇماعۇلوۆ مەرەيتوي يەسىنىڭ عىلىمعا جاساعان قامقورلىعىنا باسا نازار اۋداردى.

– كەزىندە عىلىمنىڭ بارلىعى ۇلتتىق عىلىم اكادەمياسىندا ورىندالاتىن. ال جوو-لار تەك وقىتۋمەن اينالىستى. ول كىسى كەلە سالا مىقتى جاستاردى تاڭداپ، ماسكەۋ، كيەۆ، سانكت-پەتەربۋرگ قالا­لارىنا جىبەرىپ، تاربيەلەۋگە كىرىستى. ءار سالانىڭ عىلىمىن كوتەرۋ­گە بار كۇشىن سالدى. باتىس ەۋروپادا، اقش-تا عىلىمنىڭ ءبارى ۋنيۆەرسيتەتتە داميدى. ومىربەك ارسلان ۇلى سول ءۇردىستى الىپ كەلدى. قازىر مينيسترلىك تە ۋنيۆەرسيتەت قابىرعاسىندا عىلىمدى وركەندەتۋگە قاتىستى جۇمىس جۇرگىزىپ جاتىر. بۇل دا سول كەزدە سالىپ كەتكەن ومىربەك اعامىزدىڭ جولى دەپ ويلايمىن، – دەدى ب.جۇماعۇلوۆ.

ۇلتتىق عىلىم اكادەمياسىنىڭ پر­ەزيدەنتى مۇرات جۇرىنوۆ كور­نەكتى عالىمنىڭ شاكىرتى بولعا­نىن ماقتانا بايانداپ، ونىڭ تۇلعاسىنا توقتالدى.

– تالاپكەر كەزىمدە ول كىسىنىڭ الدىن­دا ەمتيحان تاپسىرعانمىن. كەيىن 1-كۋرستا بىزگە جوعارى ماتە­ما­تيكا­دان ءدارىس وقىدى. ومەكەڭدى ستۋ­دەنتتەر وتە جاقسى كورەتىن. ويت­كەنى ول ستۋدەنتتەرگە اركەز جىلى كوز­قاراس­پەن قارايدى. جاردەم سۇرا­عان شا­كىرتىنە ايانباي كومەگىن بەرە­دى. قارا­پايىمدىلىعى دا ونى جاقىن­دا­تىپ تۇراتىن. كە­يىن ماس­كەۋدە اسپي­ران­تۋرانى ءبىتى­رىپ كەل­گەننەن كە­يىن ول كىسىنىڭ قابىل­داۋى­نا كىرىپ، كەزىن­دە الدىندا ەمتي­حان تاپ­سىر­­عا­نىم­دى، شاكىرتى بولعانىم­دى اي­تىپ، ال­عىسىمدى جەتكىزدىم. سون­شا­­لىق­تى تىعىز قارىم-قاتىناستا بول­­عان جوق­پىز. مەن شىمكەنت، قارا­­عاندى قالا­­لارىندا جۇمىس ىستە­دىم. ول كىسى الما­تى­دا. بىراق قايدا جۇرسەك تە ول كىسىدەن ءبىلىم العانى­مىز­دى ماقتانىش ەتتىك، – دەيدى عالىم.

سونداي-اق جيىن بارىسىندا رەكتور ەلىمىزدىڭ جوو اراسىن­دا وت­كىزىلەتىن روبوتقۇراستىرۋدان «ROBOKON-2021» چەمپيوناتىن­دا باق سىنايتىن مەحانيكا كافەدرا­سىنداعى MECHANICS كومانداسىنا ومىربەك جولداس­بەكوۆتىڭ 90 جىلدىق مەرەيتويىنا وراي ارناۋلى ستيپەنديا تاعايىندالعانىن دا جاريالادى. ستيپەنديا يەلەرىن قۇتتىقتاپ، ولاردىڭ ەڭبەكتەرىنە جەمىس تىلەدى. 

ومىربەك جولداسبەكوۆ 1931 جىلى قازىرگى تۇركىستان وبلىسىندا ومىرگە كەلگەن. سانالى عۇمىرىن عىلىم مەن ءبىلىمنىڭ وركەن جايۋىنا ارناعان جان 1970-1986 جىلدارى قازۇۋ رەكتورى بولىپ قىزمەت ەتتى. 

 

الماتى

 

سوڭعى جاڭالىقتار

الداعى اپتا كۇن جىلىنادى

اۋا رايى • بۇگىن، 12:57

سۇيىسپەنشىلىك ساباعى

ايماقتار • بۇگىن، 12:15

ەلوردادا كۇن جىلىنا باستايدى

ايماقتار • بۇگىن، 10:57

تۇرمەگە كىتاپ سىيلادى

ايماقتار • بۇگىن، 10:10

جاقسىنىڭ اتى ولمەيدى...

رۋحانيات • بۇگىن، 08:31

تەڭدىك ءتۇبى – بىرلىك

ەلباسى • بۇگىن، 08:03

جەكە كۋالىكتىڭ قاجەتى بولمايدى

ساياسات • بۇگىن، 07:47

تالدىنىڭ ماڭىن تازارتتى

رۋحانيات • بۇگىن، 07:38

جول ۇستىندەگى مۇزتاۋ

وقيعا • بۇگىن، 07:34

تالدىقۇدىق نەدەن تارىقتى؟

ايماقتار • بۇگىن، 07:33

جاھاندانۋ جايى وزەكتى

قوعام • بۇگىن، 07:24

حالىقارالىق شارتتار قارالدى

پارلامەنت • بۇگىن، 07:14

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار