مەديتسينا • 01 ناۋرىز، 2021

بيىل مەديتسينالىق ساقتاندىرۋعا قانشا قارجى بولىنەدى؟

188 رەت كورسەتىلدى

2021 جىلى ەلدەگى تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ بويىنشا مەديتسينالىق كومەككە 1،8 ترلن تەڭگە بولىنبەك.

الەۋمەتتىك مەديتسينالىق ساقتاندىرۋ قورىنىڭ توراعاسى بولات توكەجانوۆ دەنساۋلىق ساقتاۋ مينيسترلىگىنىڭ القا وتىرىسىندا مەديتسينالىق ساقتاندىرۋ قورىنىڭ 2021 جىلعا جاساعان جوسپارلارىمەن ءبولىستى. بيىل قور امبۋلاتوريالىق-پوليكلينيكالىق جانە ستاتسيوناردى الماستىراتىن جاردەمگە قولجەتىمدىلىكتى ارتتىرۋ، اۋىلدىق دەنساۋلىق ساقتاۋعا قولداۋ كورسەتۋ، ديستانتسيالىق مەديتسينانى، سكرينينگتىك باعدارلامالاردى، مەدبيكە ءىسىن، پاتروناجدىق قىزمەتتى دامىتۋدى قولعا الماق. بۇل باستامالاردىڭ بارىنە قارجى قاراستىرىلعان. حالىققا مەديتسينالىق جاردەم كورسەتۋگە 1،8 ترلن تەڭگە ءبولىنىپ وتىر، ونىڭ ىشىندە تمككك بويىنشا قىزمەتتەرگە – 1،1 ترلن تەڭگە، ءمامس – 0،7 ترلن تەڭگە.

– مەديتسينالىق ساقتاندىرۋ جۇيەسىن ىسكە اسىرۋدىڭ ءبىرىنشى جىلى بارلىعىمىز ءۇشىن ۇلكەن سىناققا – كوروناۆيرۋس پاندەمياسىنا تاپ بولدى. دەگەنمەن، فورس-ماجورلىق جاعدايلارعا قاراماستان، ءمامس ىسكە اسىرۋدىڭ ءبىرىنشى جىلىنىڭ قورىتىندىلارى مەديتسينالىق ساقتاندىرۋ جۇيەسىنىڭ ىسكە قوسىلعانىن، وسى توتەنشە كەزەڭدە دەنساۋلىق ساقتاۋ سالاسى ءۇشىن قارجىلىق «قاۋىپسىزدىك جاستىعىن» قۇرعانىن جانە ەڭ باستىسى، مەديتسينالىق كومەك كولەمىن ارتتىرۋ ءۇشىن جاعداي جاساعانىن كورسەتتى. ەپيدەميولوگيالىق احۋالدى تۇراقتاندىرۋدى ەسكەرە وتىرىپ، قور بيىل بەلگىلەنگەن جوسپارلار مەن جاڭا باستامالاردى جۇزەگە اسىرۋعا نيەتتى، – دەدى توكەجانوۆ.

قور بالالارعا مەديتسينالىق قىزمەت كورسەتۋ بويىنشا دا قارجىلاندىرۋدى جۇزەگە اسىرماق. «اڭساعان ءسابي» باعدارلاماسى بويىنشا جوعارى تەحنولوگيالى مەديتسينالىق جاردەمدى قارجىلاندىرۋ 7 ەسە كوبەيتۋ جوسپاردا بار. سونىڭ ارقاسىندا 7 مىڭ ەرلى-زايىپتى اتا-انا اتانۋ مۇمكىندىگىنە يە بولماق.

«قامقورلىق» باعدارلاماسى نەگىزىندە ەرەكشە كۇتىمدى قاجەت ەتەتىن بالالاردى مەديتسينالىق وڭالتۋ ىسىنە دە قارجى بەرىلەدى.

نەوناتالدىق سكرينينگتەر جۇرگىزۋ مەن سابيلەردىڭ پسيحوفيزيكالىق دامۋىن باعالاۋعا، سونداي-اق مەكتەپتەگى مەديتسينانى دامىتۋعا قوسىمشا قاراجات بولىنبەك. اۋىلداردا مەديتسينالىق قىزمەتتەرگە قولجەتمىدىلىك ارتتىرىلماق، بۇل باعىت بويىنشا قارجىلاندىرۋ كولەمى 20 پايىزعا كوبەيەدى دەگەن جوسپار بار.  

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار