مەديتسينا • 01 ناۋرىز، 2021

بيىل 6 ميلليونعا جۋىق قازاقستاندىق ۆيرۋسقا قارسى ۆاكتسينا قابىلدايدى

14 رەت كورسەتىلدى

بيىل 6 ميلليونعا جۋىق قازاقستاندىق كوروناۆيرۋسقا قارسى ۆاكتسينا قابىلدايدى. بۇل تۋرالى بۇگىن قر دەنساۋلىق ساقتاۋ مينيسترلىگىنىڭ كەڭەيتىلگەن القا وتىرىسىندا ۆەدومستۆو باسشىسى الەكسەي تسوي ايتتى، دەپ حابارلايدى Egemen.kz

«قازاقستاندا جەكە ۆاكتسينا ازىرلەۋشىلەر، سونداي-اق ۆاكتسينا وندىرۋگە ارنالعان وقشاۋلانعان الاڭ بار - بۇل ۆاكتسينامەن قامتاماسىز ەتۋگە بايلانىستى تاۋەكەلدەردى بارىنشا ازايتۋ جانە رەسپۋبليكامىزداعى ەپيدەميولوگيالىق احۋالدى تۇراقتاندىرۋعا ايتارلىقتاي اسەر ەتەدى. وسىلايشا، 2021 جىلى ءبىز 6 ملن استام ادامدى ەگۋدى جوسپارلاپ وتىرمىز»، - دەدى الەكسەي تسوي.

سونىمەن قاتار، مينيستر رەسەيلىك «سپۋتنيك V» ۆاكتسيناسى رەكوردتىق مەرزىمدە ساتىپ الىنعانىن ەسكە سالدى. بۇگىندە ول قاراعاندى فارماتسەۆتيكالىق كەشەنىنىڭ بازاسىندا وندىرىلۋدە.

«وتاندىق تاۋاردى جەتكىزۋ بەكىتىلگەن كەستەگە سايكەس – بيىل 24 اقپاندا باستالدى. سونىمەن قاتار، بيىل ءساۋىر ايىندا قر بعم عىلىم كوميتەتىنىڭ بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى ازىرلەگەن – وتاندىق «QazCovid-in» ۆاكتسيناسىن قولدانۋ جوسپارلانعان»، دەدى ول.

ونىڭ ايتۋىنشا، دەنساۋلىق ساقتاۋ مينيسترلىگى پروفيلاكتيكالىق ەگۋگە ارنالعان ۆاكتسينانى تاسىمالدالداعاندا سالقىن جەردە ساقتاۋ ماسەلەلەرى بويىنشا ستاندارتتى وپەراتسيالىق راسىمدەردى ازىرلەدى جانە بەكىتتى. 2 مىڭنان استام مەديتسينا قىزمەتكەرلەرى كۆي-گە قارسى ۆاكتسيناتسيا تاكتيكاسى، ۆاكتسيناتسيانىڭ قاۋىپسىزدىگى مەن تيىمدىلىگىن قامتاماسىز ەتۋ بويىنشا وقىتىلدى.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار