قىمباتتى وتانداستار!
العىس ايتۋ كۇنى قازاقستان حالقىنىڭ بىرلىگىن پاش ەتەدى, مەيىرىمدىلىكتىڭ, ءوزارا كومەك پەن جاقسىلىقتىڭ جارشىسى بولىپ سانالادى.
كوكتەمنىڭ العاشقى كۇنىندە – تىرشىلىك اتاۋلى جاندانىپ, جەر-دۇنيە جاڭاراتىن كەزەڭدە اتاپ ءوتىلۋى بۇل مەرەكەگە ەرەكشە ءسان بەرەدى.
بۇگىن ءبىز قازاق حالقىنىڭ رۋحاني ەرلىگى مەن ەلىمىزدەگى بارلىق ەتنوستاردىڭ باسىنا تۇسكەن اۋىر سىناقتاردى ەسكە الىپ قانا قويماي, كەلەشەككە زور سەنىممەن قارايمىز. قازاقستان قوعامىنىڭ كەلىسىمى مەن تاتۋلىعى – سول جارقىن بولاشاقتىڭ بەرىك ىرگەتاسى.
كوروناۆيرۋس پاندەمياسىنا تويتارىس بەرۋ كەزىندە دە ءبىزدىڭ بىرلىگىمىزدىڭ ماڭىزى ايقىن كورىندى. قازاقستاندىقتار مەملەكەتىمىزدىڭ تۇراقتى دامۋىنا قاۋىپ توندىرگەن جاھاندىق سىناققا ەل بولىپ جۇمىلا قارسى تۇردى.
تاۋەلسىزدىكتىڭ 30 جىلدىعىندا ورلەۋ مەن وركەندەۋگە باستايتىن جول ادامگەرشىلىكتىڭ اينىماس قاعيدالارىنا, تولەرانتتىلىق پرينتسيپتەرىنە, ءتول تاريحىمىزعا قۇرمەت پەن ورتاق وتانىمىز – قازاقستان رەسپۋبليكاسىنا دەگەن سۇيىسپەنشىلىككە نەگىزدەلەتىنىن تاعى ءبىر مارتە ايعاقتاپ وتىرمىز.
بارلىق قازاقستاندىقتاردى العىس ايتۋ كۇنىمەن شىن جۇرەكتەن قۇتتىقتايمىن!
بارشاڭىزعا مول يگىلىك, مىقتى دەنساۋلىق, تىنىشتىق پەن باق-بەرەكە تىلەيمىن!
