قازاقستاننىڭ رەسەيدەگى ەلشىلىگىنىڭ ءباسپاسوز قىزمەتىنىڭ حابارلاۋىنشا, بۇل شارا جامبىلدىڭ 175 جىلدىعى, سونداي-اق قازاقستان رەسپۋبليكاسى تاۋەلسىزدىگىنىڭ 30 جىلدىعىنا قارسى ورايلاستىرىلعان.
راسىمگە باس كونسۋلدىق قىزمەتكەرلەرىمەن قاتار تمد پارلامەنتارالىق اسسامبلەياسىنىڭ وكىلدەرى, سانكت-پەتەربور قالاسى جانە لەنينگراد وبلىسىنىڭ اكىمشىلىگى, قازاق دياسپوراسىنىڭ بەلسەندىلەرى, قازاقستاندىق ستۋدەنتتەر, پەتەربورلىقتار جانە قالا قوناقتارى قاتىستى.
قاتىسۋشىلار وتكىزىلىپ وتىرعان ءىس-شارانىڭ ەكىجاقتى مادەني ىنتىماقتاستىقتى كەڭەيتۋ جانە نىعايتۋداعى ماڭىزدىلىعىن اتاپ ءوتتى. شارا بارىسىندا جامبىلدىڭ قورشاۋداعى لەنينگراد تۇرعىندارى ءۇشىن اسا جاقىن بولعان «لەنيگرادتىق ورەنىم» شىعارماسى ورىندالدى.
ەسكە سالا كەتسەك, سانكت-پەتەربوردىڭ ورتالىق اۋدانىندا جامبىل جاباەۆتىڭ ەسكەرتكىشى 2003 جىلى قازاقستاننىڭ قالانىڭ 300 جىلدىعىنا سىيلىق رەتىندە ورناتىلعان.
