سۋىق قارۋ الىپ جۇرگەنى ءۇشىن سوتتالىپ, جازاسىن وتەپ شىققان ءبىر ازامات قازىر قاندىاعاش قالاسىنىڭ كوشەلەرىندە قار تازالاۋ جۇمىستارىمەن اينالىسىپ ءجۇر. ەسىرتكىنى سىرت كيىمىنىڭ قالتاسىنا ساقتاعانى ءۇشىن سوتتالىپ, پروباتسيا قىزمەتىنىڭ باقىلاۋىنداعى تاعى ءبىر جىگىت مۇعالجار اۋداندىق سوتىنىڭ ۇكىمىمەن 80 ساعاتتىق قوعامدىق جۇمىسقا تارتىلدى. ەندى ول ءوز ايىبىن قاندىاعاش قالالىق اكىمشىلىگى بەلگىلەگەن ورىندا كۇنىنە 4 ساعاتتان قار شىعارىپ وتەپ جاتىر.
«وتكەن جىلى جارىلعىش زاتتاردى زاڭسىز ساقتاۋ مەن تاسىمالداۋ, ەسىرتكى زاتتارىن ساقتاۋ, سۋىق قارۋ الىپ جۇرگەنى جانە بيلىك وكiلiن بالاعاتتاعانى ءۇشىن قىلمىستىق جازاعا تارتىلعان مۇعالجار اۋدانىنىڭ ءتورت تۇرعىنى قوعامدىق جۇمىستارعا تارتىلدى. ولار ساياباقتاردى, كوشەلەردi تازالاۋ, دۋالداردى سىرلاۋ مەن جوندەۋ, عيماراتتاردى بەزەندiرۋ جۇمىستارىمەن اينالىسىپ جاتىر», دەيدى اقتوبە وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ مۇعالجار اۋداندىق №1 پروباتسيا قىزمەتى ءبولىمىنىڭ باستىعى, ادىلەت كاپيتانى گۇلسەزىم ەشماگامبەتوۆا.
