ايماقتار • 27 اقپان، 2021

شقو-دا بيىل 70 چەرنوبىلدىق ساناتوريالىق-كۋرورتتىق ەم الادى

10 رەت كورسەتىلدى

 شىعىس قازاقستان وبلىسىندا 2021 جىلى چەرنوبىل اەس اپاتى سالدارىن جويۋعا قاتىسقان 70 ادام ساناتوريالىق-كۋرورتتىق ەم الادى.

ايماق باسشىسى دانيال احمەتوۆ ونلاين فورماتتا ازاماتتاردى جەكە ماسەلەلەرى بويىنشا قابىلدادى. بۇل تۋرالى ول ءوزىنىڭ Facebook جەلىسىندەگى پاراقشاسىندا جازدى.

تۇرعىنداردان تۇسكەن سۇراقتاردىڭ دەنى قابىلداۋ بارىسىندا وڭ شەشىمىن تاۋىپ، زەردەلەۋگە الىندى. ساۋال قويعانداردىڭ ءبىرى – چەرنوبىل اەس اپاتى سالدارىن جويۋعا قاتىسقان قاجىعالي بايباتىر وزىنە ەمەس، بارشا ارداگەرلەر ءۇشىن الاكول جاعالاۋىنا چەرنوبىلدىقتارعا ارنالعان جەكە دەمالىس ءۇيىن سالۋدى سۇرادى.

وتكەن جىلى وبلىس اكىمدىگىنىڭ قولداۋىمەن الاكولدە 21 چەرنوبىلدىق تىنىعىپ قايتقان. بيىل دا الاكول جاعالاۋىندا ولارعا دەمالىس ۇيىمداستىرىلادى.

«جالپى بيۋدجەت قاراجاتى ەسەبىنەن وسى ساناتتاعى ازاماتتار ءۇشىن عانا دەمالىس ءۇيىن سالۋ مۇمكىن ەمەس. بىراق زاڭعا سايكەس حالىقتىڭ جەكەلەگەن ساناتتارىن ساۋىقتىرۋ شارالارى قاراستىرىلعان. بۇگىنگى تاڭدا چەرنوبىل اەس اپاتى سالدارىن جويۋعا قاتىسقان 114 مۇگەدەكتىڭ 70-ءىن ساناتوريالىق-كۋرورتتىق ەمدەلۋگە جىبەرەتىن جەكە باعدارلاما ازىرلەندى. ياعني، بيىل 70 چەرنوبىلدىق ساناتوريالىق-كۋرورتتىق ەم الادى»، دەدى دانيال احمەتوۆ.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار