قازاقستان • 27 اقپان، 2021

«قازاقستان» تەلەراديوكورپوراتسياسى «مىڭ العىس» قايىرىمدىلىق تەلەمارافونىن وتكىزەدى

17 رەت كورسەتىلدى

1 ناۋرىز – العىس ايتۋ كۇنىنە جانە قازاق راديوسىنىڭ 100 جىلدىعىنا وراي «قازاقستان» تەلەراديوكورپوراتسياسى «مىڭ العىس» قايىرىمدىلىق تەلەمارافونىن وتكىزەدى. شارانىڭ نەگىزگى ماقساتى - كومەككە مۇقتاج جاندارعا كوپشىلىكتىڭ اتسالىسۋىمەن قولۇشىن سوزۋ، مەيىرىمدىلىكتى، قايىرىمدىلىقتى ناسيحاتتاۋ، قايىرىمدى جاندارعا العىس ايتۋ.

تىكەلەي ەفير بارىسىندا وستەوگەنەز سىرقاتىنا داۋا ىزدەگەن ءبىر وتباسىنىڭ بالالارى، 10 جانە 12 جاستاعى نۇريسلام مەن بالنۇر جۇماتايعا، سوزىلمالى بۇيرەك اۋرۋىنا شالدىققان جۋرناليست باعدات مۇحتار ۇلىنا، تۇركيا اۋرۋحاناسىندا لەيكوزبەن كۇرەسىپ جاتقان 3 جاستاعى اقتاۋلىق ءلايلا باقتىباەۆاعا، توبىعى وكشەسىنە ءبىتىپ، بەل ومىرتقاسى ايقاسىپ تۋعان 8 جاستاعى قىزىلوردالىق زارينا نيازبەككە كومەك كورسەتىلەدى. 

سونداي-اق تەلەمارافون بارىسىندا «Qazaqstan» ارناسىنىڭ «قىمبات جاندار» جانە قازاق راديوسىنىڭ «بارمىسىڭ، باۋىرىم» باعدارلاماسى ارقىلى جاقىنىن ىزدەگەن 8 ادام ستۋديادا تابىسادى.

«العىس ايتۋ كۇنىنە وراي ۇيىمداستىرىلىپ وتىرعان «مىڭ العىس» قايىرىمدىلىق تەلەمارافونى تاڭعى ساعات 09.30-دان كەشكى 21.30 ارالىعىندا 5 مارتە تىكەلەي ەفيرگە شىعادى. ۇلتتىق ارنا مەن قازاق راديوسىنىڭ الەۋمەتتىك جوبالارى ارقىلى كومەككە جۇگىنەتىندەر كوپ. «Qazaqstan» تەلەارناسى كۇنى بويى 5 ادامنىڭ ەمىنە قارجى جيناپ بەرۋ تۋرالى شەشىم قابىلدادى. بۇل رەتتە ايتا كەتەرلىگى، تەلەارنا قارجى جيناۋمەن اينالىسپايدى. كورەرمەن جىبەرەتىن اقشا تىكەلەي ەفيردە كورسەتىلگەن كەيىپكەرلەردىڭ ەسەپشوتىنا تۇسەدى. ءبىزدىڭ ماقساتىمىز – قايىرىمدى جاندار مەن دەنساۋلىعىنا بايلانىستى قارجىلاي قولداۋعا مۇقتاج جاندار اراسىندا كوپىر ورناتىپ، قولۇشىن سوزۋ، دەمەۋ بولۋ. وسى ورايدا قايىرىمدىلىقتان قول ۇزبەي، «مىڭ العىس» جوباسىنا اتسالىسىپ كەلە جاتقان كورەرمەندەرىمىز بەن تىڭدارماندارىمىزعا، قالىڭ جۇرتشىلىققا العىس بىلدىرەمىز»، دەدى «قازاقستان» رترك» اق باسقارما ءتورايىمى ءلاززات تانىسباي.

ايتا كەتەيىك، قايىرىمدىلىق تەلەمارافونى 1 ناۋرىز كۇنى «Qazaqstan» ۇلتتىق تەلەارناسى مەن قازاق راديوسىنىڭ اۋە تولقىنىندا تىكەلەي ەفيردە جۇرەدى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار