پارلامەنت • 27 اقپان، 2021

سەناتور كۇرىشباەۆ ساۋدا ورتالىقتارى ءۇشىن الدىن-الا بەلگىلەنگەن باعالاردىڭ دۇرىستىعىنا كۇماندانادى

49 رەت كورسەتىلدى

سەناتور اقىلبەك كۇرىشباەۆ كەشە پارلامەنتتە   پاندەميا جانە ەكونوميكالىق داعدارىستىڭ سالدارىنان ەلدەگى ءومىر ءسۇرۋ دەڭگەيى تومەندەگەنىن،  وتباسىلىق تابىستىڭ نەگىزگى بولىگى ازىق-ت ۇلىك الۋعا عانا كەتەتىنىن، ءبىزدىڭ ازاماتتارىمىز ءۇشىن ازىق-ت ۇلىك باعاسىن مەملەكەتتىك رەتتەۋ، ولاردىڭ ماۋسىمدىق قىمباتتاۋىن تومەندەتۋ ماسەلەسى  كۇن تارتىبىندە تۇرعانىن ايتتى

سەناتار ناقتىلاپ ايتىپ وتكەندەي، اۋىل شارۋاشىلىعى مينيسترلىگىنىڭ مالىمەتى بويىنشا، بۇل ماقساتقا بيۋدجەتتەن 30 ملرد  تەڭگەگە جۋىق قارجى بولىنگەن. «العاشىندا، باعانى تۇراقتى ۇستاپ تۇرۋ ءۇشىن، وڭىرلىك الەۋمەتتىك-كاسىپكەرلىك كورپوراتسيالار اۋىلشارۋاشىلىق ونىمدەرىن تىكەلەي وتاندىق تاۋار  وندىرۋشىلەردەن قاجەتتى كولەمدە ساتىپ الىپ، ولاردىڭ ساقتالۋىن قامتاماسىز ەتىپ، ازىق-ت ۇلىككە باعا كوتەرىلگەن كەزەڭدە نارىققا ساتۋعا شىعارىپ وتىردى. قازىر كەيبىر وبلىستار، اسىرەسە، ءىرى قالالار ساۋدا سۋبەكتىلەرىنە پايىزى وتە تومەن (0،01%) نەسيە بەرۋگە كوشە باستادى. ال ساۋدا ورتالىقتارى ءوز كەزەگىندە كەيبىر تاۋارلاردى بەلگىلى ءبىر ۋاقىت ارالىعىندا بەكىتىلگەن باعامەن ساتۋعا عانا مىندەتتەلەدى. بۇل رەتتە كوپتەگەن سۇراقتار تۋىندايدى»، –دەيدى سەناتور.

سونداي–اق ساۋدا ورتالىقتارىن تاڭداۋ ءپرينتسيپى تۇسىنىكسىز بولىپ وتىرعانى سەناتوردىڭ نازارىنان تىس قالمادى.

- ەكىنشىدەن، ازىق-ت ۇلىك تاۋارلارى باعاسىنىڭ ەلەۋلى قۇبىلۋى كەزىندە ونىڭ ەڭ تومەنگى شەگىن الدىن الا بولجاۋ وتە قيىن. ويتكەنى اۋىلشارۋاشىلىق ونىمدەرىنىڭ باعاسى تەك ماۋسىم بويىنشا عانا ەمەس، ءاربىر جىلدا وزگەرىپ وتىرادى. اۋا رايى  قولايلى، ءونىمدى جىلدارى فەرمەرلىك باعالار، ادەتتە، تومەندەيدى. وعان قوسا، ازىق-ت ۇلىك تاۋارلارىنىڭ اعىمداعى باعالارىن انىقتايتىن مونيتورينگ جۇيەسىنىڭ دە ءبىراز دالسىزدىكتەرى بار. سوندىقتان بۇل جوبادا ساۋدا ورتالىقتارى ءۇشىن الدىن-الا بەلگىلەنگەن باعالاردىڭ دۇرىستىعى  كۇمان تۋدىرادى، –دەيدى سەناتور.

ۇشىنشىدەن، سەناتوردىڭ ايتىپ وتكەنىندەي، تۇراقتاندىرۋ قورىندا ازىق-ت ۇلىكتىڭ كوپتەگەن تۇرلەرىنىڭ كولەمى ەڭ تومەنگى تۇتىنۋ نورمالارىنىڭ  1-7 پايىزىنان اسپايدى، (مەديتسينالىق نەمەسە ناقتى ەمەس تۇتىنۋ نورمالارىن ايتپاعاندا). «مۇنداي جاعدايمەن نارىقتى ءتيىمدى رەتتەۋ مۇمكىن ەمەس. تورتىنشىدەن، بۇل سحەمادا ساۋدا ورتالىقتارى تەك وتاندىق اۋىلشارۋاشىلىق تاۋارلارىن الۋعا مىندەتتەلمەگەن. باسقاشا ايتقاندا، قازاقستاندىق فەرمەرلەر ءوز ونىمدەرىن وتكىزە الماي جۇرگەندە، بيۋدجەت قاراجاتى شەتەلدىك وندىرۋشىلەردى قارجىلاندىرۋعا جۇمسالۋدا» دەيدى سەناتور.

سونداي-اق ا. كۇرىشباەۆ تۇراقتاندىرۋ قورىنىڭ باعانى رەتتەۋگە، بيۋدجەت قاراجاتىن ءتيىمدى پايدالانۋعا دەگەن پارمەندىلىگى دە كۇمان كەلتىرەتىنىن،   وندا سىبايلاس جەمقورلىق كورىنىستەرى باسىم ەكەنىن ايتتى.

– مەنىڭ ويىمشا، بۇل ماسەلەمەن سىبايلاس جەمقورلىققا قارسى ءىس-قيمىل اگەنتتىگى شىنداپ  اينالىسۋى كەرەك. جوعارىدا ايتىلعاندارعا سۇيەنە وتىرىپ جانە وسى جۇمىستىڭ قوعام ءۇشىن ەرەكشە ماڭىزدىلىعىن ەسكەرىپ، الەۋمەتتىك ماڭىزى بار ازىق-ت ۇلىك تاۋارلارىنىڭ نەگىزگى تۇرلەرىنە باعانى تۇراقتاندىرۋدىڭ تۇجىرىمداماسىن تۇبەگەيلى وزگەرتۋ كەرەك دەپ سانايمىن.

باعانى رەتتەۋ جونىندەگى مەملەكەتتىك شارالار بارلىق تۇرعىندارعا پايدالى بولۋى ءۇشىن، وسى قورعا ساتىپ الىناتىن ازىق-ت ۇلىك تاۋارلارىنىڭ كولەمىن ۇلعايتۋ ماڭىزدى. ەگەر اتالعان ماقساتتارعا بيۋدجەت قاراجاتىن كوبەيتۋ مۇمكىندىگى بولماسا، اقشانى بۇلاي شاشپاي، تىكەلەي از قامتىلعان وتباسىلار ساناتىن قولداۋعا كوشكەن دۇرىس. «ول ءۇشىن حالىقتىڭ از قامتىلعان توپتارىنا ارناپ، الەۋمەتتىك ازىق-ت ۇلىك تاۋارلارىنان قور قالىپتاستىرۋ قاجەت. ونى ۇيىمداستىرۋ مەن قولدانۋ كەلەسى شارتتارعا نەگىزدەلۋى ءتيىس، – دەيدى سەناتور.

ازىق-ت ۇلىك تاۋارلارىن ساتىپ الۋدى جانە ولاردى ساقتاۋ، تاسىمالداۋ، وتكىزۋ جونىندەگى قىزمەتتەردى فيۋچەرستىك كەلىسىم-شارتپەن كونكۋرستىق نەگىزدە تەك وتاندىق تاۋار وندىرۋشىلەرمەن جاساۋ قاجەتتىگىن ەسكەرتكەن ا. كۇرىشباەۆ بۇل ماقساتتارعا ۇزاق جانە جەڭىلدەتىلگەن بيۋدجەتتىك نەسيەلەردى قاراستىرۋ ءتيىمدى ەكەنىن، مۇنداي ءتاسىل بيۋدجەت قاراجاتىن پايدالانۋدىڭ تيىمدىلىگىن ارتتىرىپ قانا قويماي، ءبىرىنشى كەزەكتە، مۇقتاج حالىقتىڭ ناقتى توپتارىن اتاۋلى تۇردە قولداۋعا مۇمكىندىك بەرەتىنىن ايتتى.

 

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار